Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ନାବାଳିକା ଅପହରଣକାରୀ ଦିବ୍ୟାଙ୍ଗ ଯୁବକ ଗିରଫ, ଭିକ୍ଷାବୃତ୍ତିରେ ଲଗାଉଥିଲା ପିଲାଙ୍କୁ

20/07/2019 at 3:48 PM

ନୟାଗଡ ୨୦|୭: ନୟାଗଡ ଜିଲ୍ଲା ଚାନ୍ଦପୁର ଥାନା ଅଞ୍ଚଳରୁ ଅପହୃତ ଜଣେ ନାବାଳିକାଙ୍କୁ ଶୁକ୍ରବାର ଭୁବନେଶ୍ବର କ୍ୟାପିଟାଲ ହସ୍ପିଟାଲ ପରିସରରୁ ଉଦ୍ଧାର କରିଛି ପୋଲିସ । ଏଥିସହିତ ଅପହରଣ କରି ନାବାଳିକାମାନଙ୍କୁ ଭିକ୍ଷାବୃତ୍ତିରେ ଲଗାଉଥିବା ଦିବ୍ୟାଙ୍ଗ ଯୁବକକୁ ପୋଲିସ ଗିରଫ କରିଛି । 

ସୂଚନାଯୋଗ୍ୟ ଯେ, ଶଙ୍କର ଭୋଇ ନାମକ ଜଣେ ଦିବ୍ୟାଙ୍ଗ ଯୁବକଙ୍କ ନାଁରେ ସଂଘାତିକ ଅଭିଯୋଗ ହୋଇଛି । ଦିବ୍ୟାଙ୍ଗ ହେବାର ଫାଇଦା ଉଠାଇ ବିଭିନ୍ନ ଅଞ୍ଚଳରୁ ଛୋଟଛୋଟ ଝିଅମାନଙ୍କର ଅପହରଣ କରି ଭିକ୍ଷାବୃତ୍ତିରେ ଲଗାଇ ସହଜ ଉପାୟରେ ପଇସା ରୋଜଗାର କରୁଥିଲା ଶଙ୍କର । ଶଙ୍କର ନାମରେ ରାଜ୍ୟର ବିଭିନ୍ନ ଥାନାରେ ୬ରୁ ଅଧିକ ନାବାଳିକା ଅପହରଣ ମାମଲା ରହିଛି ।

ଗତ ୬ ତାରିଖରେ ନୟାଗଡ ଜିଲ୍ଲା ଚାନ୍ଦପୁର ସହରରେ ଭାଇ ସହ ଖେଳୁଥିବା ସମୟରେ ଜଣେ ନାବାଳିକାକୁ ଅପହରଣ କରିନେଇଥିଲା ଶଙ୍କର । ନାବାଳିକାର ପରିବାର ଲୋକେ ଖୋଜାଖୋଜି କରି ନପାଇବାପରେ ଥାନାରେ ଅଭିଯୋଗ କରିଥିଲେ । ସ୍ଥାନୀୟ ଏକ ବିଦ୍ୟାଳୟର ସିସିଟିଭିରୁ ତଥ୍ୟ ପାଇବା ପରେ ପୋଲିସ ୪ଟି ଟିମ୍ ଗଠନ କରି ରାଜ୍ୟ ତଥା ରାଜ୍ୟ ବାହାରର ବିଭିନ୍ନ ସ୍ଥାନରେ ଚଢାଉ କରିଥିଲା । ଶେଷରେ କ୍ୟାପିଟାଲ ହସ୍ପିଟାଲ ପରିସରରେ ନାବାଳିକାକୁ ଧରି ଭିକ୍ଷା ମାଗୁଥିବା ସମୟରେ ନୟାଗଡ ପୋଲିସ ଶଙ୍କରକୁ ଧରିଥିଲା ।

ବିଭିନ୍ନ ରେଳଷ୍ଟେସନ, ବସଷ୍ଟାଣ୍ଡ, ଡାକ୍ତରଖାନା ପରିସରରେ ସେ ଭିକ୍ଷାବୃତ୍ତି କରିଥାଏ ବୋଲି ଏସପି କହିଛନ୍ତି । ନିଜେ ଜଣେ ଦିବ୍ୟାଙ୍ଗ ହୋଇଥିବାରୁ ଏବଂ ସାଥିରେ ଜଣେ ନାବାଳିକା ରହୁଥିବାରୁ ଶଙ୍କର ଲୋକଙ୍କ ଅନୁକମ୍ପା ପାଇବାରେ ସକ୍ଷମ ହେଉଥିଲା ।

ଅପହରଣରେ ଅନ୍ୟ କାହାର ହାତ ରହିଛି କି ନାହିଁ ଅପହରଣ ପଛରେ କେବଳ ଭିକ୍ଷାବୃତ୍ତି ନା ଆଉ କିଛି ରହିଛି ତାହାର ତଦନ୍ତ କରୁଛି ପୋଲିସ । 

   Related Posts