ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ଘରୁ ଘୋଷାଡ଼ି ଆଣି ଗୁଳିମାରି ହତ୍ୟା କଲେ ମାଓବାଦୀ…

3/01/2020 at 9:10 PM

କନ୍ଧମାଳ୩/୧: କନ୍ଧମାଳରେ ପୁଣି ମାଓବାଦୀଙ୍କ ବର୍ବରକାଣ୍ଡ । ପୋଲିସ୍ ଇନଫର୍ମର ସନ୍ଦେହରେ ଜଣକୁ ଗୁଳିକରି ହତ୍ୟା କରିଛନ୍ତି ଲାଲ କ୍ୟାଡର । ମୃତକ ହେଲେ ବାଲିଗୁଡା ଥାନା ଅନ୍ତର୍ଗତ ମାରର୍ଦୁଡି ଗାଁର ରଞ୍ଜନ ଦିଗାଲ । ଘରେ ପଶି ଘୋଷାଡ଼ି ନେବା ସହ ଗୁଳି ମାରି ହତ୍ୟା କରିଛନ୍ତି ମାଓବାଦୀ ।

ରାସ୍ତାରେ ପଡ଼ିଛି ରକ୍ତ ଜୁଡୁବୁଡୁ ମୃତଦେହ । ଘେରି ରହିଛନ୍ତି ଗାଁ ଲୋକେ। ସମସ୍ତେ ଅସହାୟ। ଯାହା ଘଟିଛି ପତ୍ନୀ ଓ ୬ମାସର ଝିଅର ଆଖିଆଗରେ । ଏ ଦୃଶ୍ୟ ହେଉଛି କନ୍ଧମାଳ ନୂଆଗାଁ ଥାନା ଅନ୍ତର୍ଗତ ଲେତିଙ୍ଗିଆ ବୁର୍ଡାମାହାର । ଘରୁ ଘୋସାରି ଆଣି ହତ୍ୟା କରିଛନ୍ତି ମାଓବାଦୀ।  ମୃତକ ହେଲେ ରଞ୍ଜନ ଦିଗାଲ । ଗାଁ ସ୍କୁଲ ନିକଟରେ ପଡ଼ିଛି ରଞ୍ଜନ ଦିଗାଲଙ୍କ ମୃତଦେହ ।

୨ ଦିନ ହେଲା ଗାଁରେ ଥିବା ନିଜ ଶ୍ବଶୁର ଘରକୁ ଆସିଥିଲେ ରଞ୍ଜନ ଦିଗାଲ । ଗୁରୁବାର ରାତି ପ୍ରାୟ ୮ଟା ବେଳେ ୧୦ରୁ ୧୨ ଜଣ ସଶସ୍ତ୍ର ମାଓବାଦୀ ରଞ୍ଜନଙ୍କ ଘରେ ପଶି ଗୁଳିମାଡ଼ କରିବା ସହିତ ଘୋଷାଡ଼ି ଘୋଷାଡ଼ି ନେଇ ସ୍କୁଲ ନିକଟରେ ପକାଇଥିଲେ । ଏହାସହିତ ସେଠାରେ ପୋଷ୍ଟର ଛାଡ଼ି ଚାଲିଯାଇଛନ୍ତି । ଏଥିରେ କେକେ ବିଏନ୍‌ ମାଓ ସଂଗଠନ ତାଙ୍କୁ ହତ୍ୟା କରିଥିବା ସନ୍ଦେହ କରାଯାଉଛି ।

ରଞ୍ଜନଙ୍କୁ କୁଆଡ଼େ ମାଓବାଦୀମାନେ ପୂର୍ବରୁ ଧମକ ଦେଇଥିଲେ । ୨୦୧୭ରେ ହୋଇଥିବା ମେଲସିକିଆ ଏନ୍‌କାଉଣ୍ଟର ସଂପର୍କରେ ପୋଲିସକୁ ସୂଚନା ଦେଇଥିଲେ ରଞ୍ଜନ । ମାଓବାଦୀ ରହୁଥିବା ଜଙ୍ଗଲ ସଂପର୍କରେ ମଧ୍ୟ ସେ ସୂଚନା ଦେଇଥିଲେ । ମାଓବାଦୀ ମାନେ ରଞ୍ଜନଙ୍କ ସ୍ତ୍ରୀ ପିଲାଙ୍କ ସାମ୍ନାରେ ତାଙ୍କୁ ହତ୍ୟା କରିଥିବା ବେଳେ ମାଡ଼ ମାରି ଟଙ୍କା ଛଡ଼ାଇ ନେଇଥିବା ଅଭିଯୋଗ ହୋଇଛି । ହତ୍ୟାକାଣ୍ଡ ପରେ ଦୀର୍ଘ ସମୟ ଧରି ରଞ୍ଜନଙ୍କ ମୃତଦେହ ଗାଁ ଦାଣ୍ଡରେ ପଡ଼ିଥିଲା ।ଏହି ଘଟଣା ପରେ ଗାଁରେ ଆତଙ୍କ ଖେଳିଯାଇଛି ।

   Related Posts