ମୁମ୍ଵାଇ ୩୦।୦୩: ବଲିଉଡର ଜଣେ ଦକ୍ଷ ଅଭିନେତା ନୱାଜୁଦ୍ଦିନ ସିଦ୍ଦିକି । ତାଙ୍କ ବ୍ୟକ୍ତିଗତ ଜୀବନ ପାଇଁ ବର୍ତ୍ତମାନ ଚର୍ଚ୍ଚାରେ ଅଛନ୍ତି। ଏହି ଅଭିନେତା ତାଙ୍କ ପତ୍ନୀ ଆଲିଆ ସିଦ୍ଦିକିଙ୍କ ସହ ବିବାଦ ବଢି ଚାଲିଛି। ଏଥି ସହ ବମ୍ବେ ହାଇକୋର୍ଟରେ ଏହି ମାମଲାର ଶୁଣାଣି ହୋଇଥିଲା। ନୱାଜୁଦ୍ଦିନ, ତାଙ୍କ ପତ୍ନୀ ଏବଂ ଭାଇଙ୍କୁ ୩ ଏପ୍ରିଲରେ ହାଜର ହେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି। ନୱାଜଙ୍କ ପତ୍ନୀ ଆଲିଆ ସିଦ୍ଦିକି ଏବଂ ଭାଇ ଶ୍ୟାମସୁଦ୍ଦିନ ସିଦ୍ଦିକିଙ୍କୁ ସେମାନଙ୍କ ମାମଲା ଉପସ୍ଥାପନ କରିବାକୁ କୋର୍ଟ କହିଛନ୍ତି। ଏହି ସମୟ ମଧ୍ୟରେ, ସେମାନଙ୍କ ପିଲାମାନଙ୍କର ରକ୍ଷଣାବେକ୍ଷଣ ସଂପର୍କରେ କୋର୍ଟରେ ଏକ ସମାଧାନ ହୋଇପାରେ । କହିବାକୁ ଗଲେ ନୱାଜ ତାଙ୍କ ବିଚ୍ଛିନ୍ନ ପତ୍ନୀ ଆଲିଆଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଛନ୍ତି।

ନୱାଜୁଦ୍ଦିନ ସିଦ୍ଦିକିଙ୍କୁ ତାଙ୍କ ପତ୍ନୀ ଆଲିଆ ସିଦ୍ଦିକି ଏବଂ ଭାଉଜ ଶାମସୁଦ୍ଦିନ ସିଦ୍ଦିକି ଅଭିଯୋଗ କରିଛନ୍ତି। ଏହା ପରେ ଅଭିନେତା ମଧ୍ୟ ତାଙ୍କ ବିରୋଧରେ ମାନହାନି ମକଦ୍ଦମା ଦାୟର କରିଥିଲେ। ନୱାଜୁଦ୍ଦିନ ସିଦ୍ଦିକି ଆଲିଆ ଏବଂ ତାଙ୍କ ଭାଇଙ୍କ ଉପରେ ୧୦୦କୋଟି ଟଙ୍କା କ୍ଷତିପୂରଣ ଦାବି କରି ବମ୍ବେ ହାଇକୋର୍ଟରେ ଏହି ମାନହାନି ମକଦ୍ଦମା ଦାୟର କରିଛନ୍ତି। ନୱାଜ ଅଭିଯୋଗ କରିଛନ୍ତି ଯେ ଏହି ଦୁଇଜଣ ତାଙ୍କ ବିରୋଧରେ ଭିତ୍ତିହୀନ ବିବୃତ୍ତି ଏବଂ ଅଭିଯୋଗ କରିଛନ୍ତି।

ଏସବୁ ମଧ୍ୟରେ, ଆଲିଆ ସିଦ୍ଦିକି ଇଟିଏମ୍ସକୁ ଦେଇଥିବା ଏକ ସାକ୍ଷାତକାରରେ ନିଶ୍ଚିତ କରିଛନ୍ତି ଯେ ନୱାଜ ଏକ ଚୁକ୍ତି ପାଇଁ ତାଙ୍କ ନିକଟକୁ ଆସିଛନ୍ତି। ଖୁବ୍‌ ଶୀଘ୍ର ଉଭୟଙ୍କର ଛାଡପତ୍ର ହେବ। ଏଥି ସହିତ ସେ ନିଜ ପିଲାମାନଙ୍କର କଷ୍ଟଡି ପାଇଁ ଲଢିବେ । ଆଲିଆ କହିଛନ୍ତି ଯେ ନୱାଜ ମଧ୍ୟ ପିଲାମାନଙ୍କର କଷ୍ଟଡି ପାଇଁ ଆବେଦନ କରିଛନ୍ତି । କିନ୍ତୁ ମୋ ପିଲାମାନେ ମୋ ସହ ରହିବାକୁ ଚାହାଁନ୍ତି ତେଣୁ ମୁଁ ସେମାନଙ୍କ ହେପାଜତ ପାଇଁ ଲଢିବି।