ଭୁବନେଶ୍ବର ୮/୭: ଆଜିଠୁ ମନ୍ତ୍ରୀଙ୍କ ମାସିକିଆ କାମର ସମୀକ୍ଷା କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ମୁଖ୍ୟମନ୍ତ୍ରୀଙ୍କ ନିକଟରେ ନିଜ ନିଜ ବିଭାଗର ମାସିକିଆ ରିପୋର୍ଟ ଦାଖଲ କରିଛନ୍ତି ସମସ୍ତ ମନ୍ତ୍ରୀ । ପ୍ରତି ମାସ ୭ ତାରିଖ ସୁଦ୍ଧା ସମସ୍ତ ମନ୍ତ୍ରୀ ନିଜ ବିଭାଗର ରିପୋର୍ଟ ମୁଖ୍ୟମନ୍ତ୍ରୀଙ୍କ ନିକଟରେ ଦାଖଲ କରିବାକୁ ନିର୍ଦ୍ଦେଶ ଦିଆଯାଇଥିଲା । ଏହି ମାସଠାରୁ ହିଁ ନିୟମ କାର୍ଯ୍ୟକାରୀ ହୋଇଛି ।
ଆଜିଠାରୁ ମୁଖ୍ୟମନ୍ତ୍ରୀ ଏହି ରିପୋର୍ଟଗୁଡ଼ିକୁ ସମୀକ୍ଷା କରିବେ । ଆବଶ୍ୟକ ହେଲେ ବିଭାଗୱାରୀ ସମୀକ୍ଷା ବେଳେ ମନ୍ତ୍ରୀମାନଙ୍କ ସହ ୱାନ୍ ଟୁ ୱାନ୍ ଆଲୋଚନା ମଧ୍ୟ କରିପାରନ୍ତି ମୁଖ୍ୟମନ୍ତ୍ରୀ । ଗଲା ମାସେ ମଧ୍ୟରେ ପ୍ରତି ବିଭାଗ କଣ କାମ କରିଛି ସେ ସଂପର୍କରେ ପ୍ରସ୍ତୁତ ହୋଇଥିବା ରିପୋର୍ଟ ଉପରେ ସମୀକ୍ଷା ହେବ।
