oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

ପଶ୍ଚିମବଙ୍ଗ ବିଧାନସଭା ନିର୍ବାଚନରେ ୭୫ ସିଟ୍‌ରେ ପ୍ରାର୍ଥୀ ଦେବ ଜେଡିୟୁ ! ବିଜେପି ପାଇଁ ମୁଣ୍ଡବିନ୍ଧାର କାରଣ ହେବେ କି ନୀତିଶ କୁମାର?

17/12/2020 at 5:03 PM

କୋଲକାତା ୧୭/୧୨ : ବିହାରରେ ଏନଡିଏ ମହାମେଣ୍ଟ ସରକାରରେ ମୁଖ୍ୟମନ୍ତ୍ରୀ ହୋଇଥିବା ନୀତିଶ କୁମାର ପଶ୍ଚିମବଙ୍ଗରେ କିନ୍ତୁ ଭିନ୍ନ ରୂପ ଦେଖାଇଛନ୍ତି । ପଶ୍ଚିମବଙ୍ଗରେ ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନ ଲଢିବାକୁ ଘୋଷଣା କରିଛି ନୀତିଶ କୁମାରଙ୍କ ଜେଡିୟୁ । ବରିଷ୍ଠ ନେତା ଗୁଲାମ ରସୁଲ ଓ୍ବଲୟାବୀ କହିଛନ୍ତି ଯେ, ୨୦୨୧ ପଶ୍ଚିମବଙ୍ଗ ବିଧାନସଭା ନିର୍ବାଚନରେ ଜେଡିୟୁ ୭୫ ଟି ଆସନ​‌ରେ ପ୍ରତିଦ୍ବନ୍ଦିତା କରିବ । ପଶ୍ଚିମବଙ୍ଗରେ ଆଗାମୀ ରଣନୀତି ପ୍ରସ୍ତୁତ କରୁଥିବା ବିଜେପି ସହିତ ଯଦି କୌଣସି ମୁଚାଲିକା ନହୁଏ ତେବେ ଜେଡିୟୁ ଏକାକୀ ଲଢିବା ଆପାତତଃ ସ୍ଷଷ୍ଟ ବାରି ହୋଇପଡୁଛି । କିନ୍ତୁ ଆଗାମୀ ଦିନ​‌ରେ ଜେଡିୟୁର ଗତି କେଉଁ ଆଡକୁ ଯିବ ତାହା ସ୍ପଷ୍ଟ ହୋଇନାହିଁ ।

ଏହା ପୂର୍ବରୁ ଜେଡିୟୁର ରାଷ୍ଟ୍ରୀୟ ମହାସଚିବ କେସି ତ୍ୟାଗି କହିଥିଲେ ଯେ, ଦଳ ପଶ୍ଚିମବଙ୍ଗରେ ପ୍ରତିଦ୍ବନ୍ଦିତା କରିବାକୁ ପ୍ରସ୍ତୁତି ଚଳାଇଛି । ଦଳ କେତୋଟି ସିଟ୍‌ରେ ନିର୍ବାଚନ ଲଢିବ ​‌ସେ ନେଇ ଆଲୋଚନା ଜାରି ରହିଛି । ତେବେ ପ୍ରଶ୍ନ ଉଠୁଛି କି ପଶ୍ଚିମବଙ୍ଗରେ ହେବାକୁ ଥିବା ବିଧାନସଭା ନିର୍ବାଚନରେ ଜେଡିୟୁ, ବିଜେପି ସହିତ ମେଣ୍ଟ କରିବ କି?

ଗତ ବର୍ଷ ହୋଇଥିବା ଝାରଖଣ୍ଡ ନିର୍ବାଚନରେ ମଧ୍ୟ ବିଜେପି ଏକାକୀ ନିର୍ବାଚନ ଲଢିଥିଲା । କେସି ତ୍ୟାଗି କହିଛନ୍ତି ପୂର୍ବରୁ ମଧ୍ୟ ଜେଡିୟୁ ପଶ୍ଚିମବଙ୍ଗରେ ନିର୍ବାଚନ ଲଢି ସାରିଛି ଏବଂ ବିଜେପି ସହିତ ମେଣ୍ଟ କେବଳ ବିହାରରେ ହିଁ ହୋଇଛି । ତେବେ ଦିଲ୍ଲୀ ବିଧାନସଭା ନିର୍ବାଚନରେ ଦୁଇ ଦଳ ମେଣ୍ଟ କରି ନିର୍ବାଚନ ଲଢିଥିଲେ ।

ପଶ୍ଚିମବଙ୍ଗରେ କଳ, ବଳ, କୌଶଳ ଲଗାଇଥିବା ବିଜେପିର ପ୍ରୟାସ ପ୍ରାୟତଃ ଏହା ରହିବ ଯେ, ବିହାର ଭଳି ପଶ୍ଚିମବଙ୍ଗରେ ମଧ୍ୟ ଜେଡିୟୁ ସହିତ ମେଣ୍ଟ କରି ନିର୍ବାଚନ ଲଢିବା ପାଇଁ । ପଶ୍ଚିମବଙ୍ଗର ୨୯୪ଟି ବିଧାନସଭା ସିଟ୍ ପାଇଁ ଆସନ୍ତାବର୍ଷ ନିର୍ବାଚନ ହେବାକୁ ଯାଉଛି ।

   Related Posts