ମୋହାଲୀ ୧୪/୦୯ : ଜାତୀୟସ୍ତରର ସୁଟର୍ ନମନବୀର ବରାର ଆତ୍ମହତ୍ୟା କରିଛନ୍ତି । ମୋହାଲୀ ସ୍ଥିତ ନିଜ ବାସଭବନରେ ନିଜ ବନ୍ଧୁକରୁ ନିଜକୁ ଗୁଳିକରି ଆତ୍ମହତ୍ୟା କରିଥିବା ଜଣାପଡିଛି । ସେ ଗତ କିଛି ଦିନ ହେଲା ମାନସିକ ରୋଗରେ ପୀଡିତା ଥିବା ସୂଚନା ମିଳିଛି । ନମନବୀର ଆତ୍ମହତ୍ୟା ଖବର ଜଣାପଡିବା ପରେ ପୋଲିସ ତାଙ୍କ ବାସଭବନରେ ପହଞ୍ଚି ଶବ ଜବତ କରିବା ସହିତ ଝାନ୍ଭିନ୍ ଆରମ୍ଭ କରଛି ।
ନମନବୀର ବରାର ଚଳିତ ବର୍ଷ ମାର୍ଚ୍ଚ ମାସରେ ଦିଲ୍ଲୀ ସୁଟିଂ ବିଶ୍ବ କପରେ ଚତୁର୍ଥ ସ୍ଥାନ ହାସଲ କରିଥିଲେ । ତେବେ ସେ ଆତ୍ମହତ୍ୟା କରିଛନ୍ତି କିମ୍ବା ଏହା ପଛରେ ଅନ୍ୟ କିଛି କାରଣ ରହିଛି ସେ ନେଇ ବର୍ତ୍ତମାନ ସୁଦ୍ଧା କୌଣସି ଖବର ମିଳିନଥିବା ବେଳେ ପୋଲିସ ଅନୁସନ୍ଧାନ ଜାରି ରଖିଛି । ପ୍ରାଥମିକ ତଦନ୍ତରୁ ଏହା ଏକ ଆତ୍ମହତ୍ୟା ବୋଲି କହିଛି ପୋଲିସ । କିନ୍ତୁ ବର୍ତ୍ତମାନ ସୁଦ୍ଧା ପୋଲିସ ଜାଣିବାକୁ ଅକ୍ଷମ ଯେ ଗୁଳି କେମିତି ଚାଲିଲା । ନମନବୀର ନିଜ ପରିବାର ସହିତ ମୋହାଲି ସ୍ଥିତ ସେକ୍ଟର-୭୧ର ଏକ ଘରେ ରହୁଥିଲେ ।
{"width":738,"height":505}
ନମନବରୀର ମୃତ୍ୟୁକୁ ନେଇ ଏବେ ସସ୍ପେନ୍ସ ଜାରି ରହିଥିବା ବେଳେ ପ୍ରକୃତରେ ସେ ଆତ୍ମହତ୍ୟା କରିଛନ୍ତି କିମ୍ବା ବନ୍ଧୁକର ଟ୍ରିଗର ଭୁଲରେ ବାଜି ଗୁଳି ଚାଲିଯାଇଛି ତାହା ବର୍ତ୍ତମାନ ସ୍ପଷ୍ଟ ହୋଇନାହିଁ । ପ୍ରାଥମିକ ତଦନ୍ତରୁ ଏହା ଏକ ଆତ୍ମହତ୍ୟା ଜଣାପଡୁଥିଲେ ସୁଦ୍ଧା ତଦନ୍ତ ପରେ ହିଁ ସ୍ପଷ୍ଟ ହେବ ବୋଲି ପୋଲିସ କହିଛି । ନମନବୀରଙ୍କ ଶରୀରରେ ଏକାଧିକ ଗୁଳିଥିବା ଜଣାପଡିଛି । ଶରୀରର ବିଭିନ୍ନ ସ୍ଥାନରେ ଗୁଳି ବାଜିଛି । ତେଣୁ ପୋଲିସ ଏହା ନିଶ୍ଚିତ ଏକ ଆତ୍ମହତ୍ୟା ତାହା ମଧ୍ୟ କହିନାହିଁ ।
ମୃତଦେହ ନିକଟରୁ ସେଭଳି କୌଣସି ସୁଇସାଇଡ୍ ନୋଟ୍ ମଧ୍ୟ ଜବତ ହୋଇନାହିଁ । ସେଥିପାଇଁ ଏହା ଏକ ଆତ୍ମହତ୍ୟା ହୋଇ ନଥାଇପାରେ ବୋଲି କେଉଁଠି ନା କେଉଁଠି ପୋଲିସର ମଧ୍ୟ ସନ୍ଦେହ ହେଉଛି । ପୋଲିସ ମୃତଦେହ ଜବତ କରି ତଦନ୍ତ ଆରମ୍ଭ କରିଛି । ଯୁବ ସୁଟର୍ ନମନବୀର ବରାର କୋରିଆରେ ଅନୁଷ୍ଠିତ ଡବଲ ଟ୍ରିପ୍ ସୁଟିଂରେ ବ୍ରୋଞ୍ଜ ପଦକ ଜିତିଥିଲେ । ଏହା ସହିତ ପୋଲାଣ୍ଡରେ ଅନୁଷ୍ଠିତ ବିଶ୍ବ ସୁଟିଂ ଚାମ୍ପିୟନ୍ସିପ୍ରେ ମଧ୍ୟ ବ୍ରୋଞ୍ଜ ପଦକ ଜିତିଥିଲେ ।
{"width":765,"height":765}
