vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ପ୍ରକାଶ ପାଇଲା ଚଳିତ ବର୍ଷର ମାଟ୍ରିକ୍ ପରୀକ୍ଷା ଫଳ, ମୋଟ୍ ପାସ୍ ହାର ୯୦.୫୫ ପ୍ରତିଶତ
  • ||
  • ରାଉରକେଲା : ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ରାଜ୍ୟରେ ବଢୁଛି କରୋନା ଗ୍ରାଫ୍, ୨୪ ଘଣ୍ଟାରେ ଚିହ୍ନଟ ହେଲେ ୪୦୧ କୋଭିଡ୍ ପଜିଟିଭ୍
  • ||
  • ଘରୋଇ ଗ୍ୟାସ୍ ସିଲିଣ୍ଡର ହେଲା ମହଙ୍ଗା, ସିଲିଣ୍ଡର ପିଛା ବଢିଲା ୫୦ ଟଙ୍କା
  • ||
  • ଷ୍ଟିଲ ସିଟିରେ ୩୧୧ କୋଟିର GST ଠକେଇ, ବନ୍ଧାହେଲେ ୫ ବ୍ୟବସାୟୀ
  • ||
  • ଭୁବନେଶ୍ୱର : ରଶ୍ମିରେଖାଙ୍କ ପୁରୁଷବନ୍ଧୁଙ୍କ ଆତ୍ମହତ୍ୟା, ରାଉରକେଲାରୁ ମିଳିଲା ଝୁଲନ୍ତା ମୃତଦେହ
  • ||

ନାରାୟଣ ନିର୍ଦ୍ଦୋଶ ଏବଂ ତାକୁ ଛାଡିଦେବା ପାଇଁ ନୟାଗଡ ଏସପିଙ୍କ ପାଖରେ ଗୁହାରି କଲେ ସ୍ତ୍ରୀ ଓ ପରିବାର, ଏପଟେ ଟ୍ବିନ ସିଟି ପାଲଟିଲାଣି କ୍ରାଇମ କ୍ୟାପିଟାଲ

31/07/2019 at 6:59 PM

ଭୁବନେଶ୍ବର୩୧|୭: କଟକରେ କୋକୁଆ ଭୟ ଖେଳାଇଥିବା ସିରିଏଲ କିଲରକୁ ପୋଲିସ ଧରିବା ପରେ ଏବେ ତାକୁ ନେଇ ଚାରିଆଡେ ଚର୍ଚ୍ଚା । ପ୍ରଶ୍ନ ଉଠିଛି ସତରେ କ’ଣ ପୋଲିସ ହାତରେ ଧରାପଡିଥିବା ନାରାୟଣ ନରହନ୍ତା  । ପୋଲିସ ନାରାୟଣକୁ ସାଇକୋ କିଲର କହୁଥିବା ବେଳେ ତାଙ୍କ ପତ୍ନୀ, ବାପା ଏବଂ ଗାଁ ଲୋକେ କିନ୍ତୁ ଏହାକୁ ସହଜରେ ବିଶ୍ବାସ କରୁନାହାନ୍ତି । ନାରାୟଣ ନିର୍ଦୋଶ ବୋଲି ଦାବି କରିବା ସହ ତୁରନ୍ତ ତାଙ୍କୁ ଖଲାସ କରିବାକୁ ଆଜି ନୟାଗଡ ଏଏସ୍‌ପିଙ୍କ ନିକଟରେ ଗୁହାରୀ କରିଛନ୍ତି ।

ରାଜଧାନୀରେ ଲୁଟେରାଙ୍କ ଆତଙ୍କରାଜ୍ । ଲୋକେ ତାତିଲେଣି ରାସ୍ତାକୁ ଓହ୍ଲାଲେଣି। ରସୁଲଗଡ଼ରେ ଜଣେ ବ୍ୟବସାୟୀଙ୍କ ମୁଣ୍ଡରେ ବନ୍ଧୁକ ଲଗାଇବା ସହ ତାଙ୍କୁ ଖଣ୍ଡାରେ ହାଣି ୫୦ହଜାର ଟଙ୍କା ଝାମ୍ପିନେଇଥିଲେ ଦୁର୍ବୃତ୍ତ । ଫଳରେ ଲୋକେ ରାସ୍ତା ଅବରୋଧ କରିଥିଲେ। କଟକ-ଭୁବନେଶ୍ବର ରାସ୍ତାକୁ ଦୀର୍ଘ ସମୟ ଧରି ଟାୟାର ଜାଳି ଅବରୋଧ କରିଥିଲେ ସ୍ଥାନୀୟ ବାସିନ୍ଦା । ଘଟଣାସ୍ଥଳରେ ପୋଲିସ କମିଶନର ଓ ଡିସିପି ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିବା ପରେ ପରିସ୍ଥିତି ଶାନ୍ତ ପଡ଼ିଥିଲା । 

କ୍ରାଇମ୍ କ୍ୟାପିଟାଲ ପାଲଟିଛିକଟକ- ଭୁବନେଶ୍ବର ଟ୍ବିନ ସିଟି। ପୋଲିସ ପ୍ରତି ରହୁନି ଭୟ । ଗତ କିଛି ଦିନରେ ଯେମିତି ଅପରାଧୀମାନେ ସହରକୁ କବଜା କରି ରଖିଛନ୍ତି।  ଗତ ୨୪ ଘଣ୍ଟା ମଧ୍ୟରେ ରାଜଧାନୀରେ ଘଟିଛି ୬ ଟି ଏମିତି ଘଟଣା । ଗତକାଲି ଭୋର ୪ ଟା ରେ ମଞ୍ଚେଶ୍ବର ଥାନା ଆଦିମାତା କଲୋନୀରେ ଜଣେ ଅବସରପ୍ରାପ୍ତ ବ୍ୟାଙ୍କ କର୍ମଚାରୀଙ୍କ ଘରେ ଲୁଟ। ଭୋର ୫ ଟା ଗାଡ଼କଣରେ ବ୍ଲାକ୍ ପଲସରରେ ଆସି ୩ଜଣ ଦୁର୍ବୃତ୍ତ ମାଉଜର ମୁନରେ ଦମ୍ପତିଙ୍କ ଠାରୁ ସୁନା ଅଳଙ୍କାର ଓ ଟଙ୍କା ଲୁଟିଲେ । ଗତକାଲି ଦିନ ସାଢ଼େ ଗୋଟାଏରେ ପୁରୀ ବାଇପାସ୍ ରେ ଥିବା ମହିମା ମୋଟର୍ସର ମାଲିକ ତଥା ବିଲଡର ତାପସ ରଞ୍ଜନ ପରିଡ଼ାଙ୍କୁ ଗୁଳିମାଡ଼ କରି ୪ଲକ୍ଷ ଟଙ୍କା ଲୁଟିନେଲେ ଦୁର୍ବୃତ୍ତ । ଗାଡ଼ି ସୋ’ରୁମକୁ ଆସିଥିବା ଗ୍ରାହକଙ୍କ ଠାରୁ ମଧ୍ୟ ୨ଲକ୍ଷ ଟଙ୍କା ଝାମ୍ପିନେଇଥିଲେ । ଠିକ୍ ସେଇ ସମୟରେ ସହିଦ ନଗର ହୋଟେଲ ଏମ୍ପାୟାର୍ସ ସାମ୍ନାରୁ ଏକ କାର କାଚ ଭାଙ୍ଗି ୫୦ହଜାର ଟଙ୍କା ଲୁଟିନେଲେ ଦୁର୍ବୃତ୍ତ ।

ସେପଟେ କଟକ ସିରିଏଲ କିଲରକୁ ନେଇ ଏବେବି ସସ୍ପେନ୍‌ସ ହଟୁନି।  ପୋଲିସ ହାତରେ ଧରାପଡିଥିବା ସାଇକୋ କିଲର ନାରାୟଣ ନରହନ୍ତା କି ନୁହେଁ ତାକୁ ନେଇ ଦେଖାଦେଇଛି ବିବାଦ ।  ପୋଲିସ ନାରାୟଣକୁ ସାଇକୋ କିଲର କହୁଥିବା ବେଳେ ତାଙ୍କ ପତ୍ନୀ, ବାପା ଏବଂ ଗାଁ ଲୋକେ କିନ୍ତୁ ଏହାକୁ ସହଜରେ ବିଶ୍ବାସ କରୁନାହାନ୍ତି । ନାରାୟଣ ନିର୍ଦ୍ଦୋଶ ବୋଲି ଦାବି କରିବା ସହ ତୁରନ୍ତ ତାଙ୍କୁ ଖଲାସ କରିବାକୁ ଆଜି ନୟାଗଡ ଏଏସ୍‌ପିଙ୍କ ନିକଟରେ ଗୁହାରୀ କରିଛନ୍ତି ।

ଏ ସବୁ ଘଟଣା ଏବେ କମିଶନରେଟ ପୋଲିସର ପାରିବା ପଣିଆ ଉପରେ ପ୍ରଶ୍ନବାଚୀ ଛିଡା କରିଛି । ଏଥିରୁ ମୁକୁଳିବାକୁ ପୋଲିସ କି ପଦକ୍ଷେପ ନେଉଛି, ଆଉ ଏଥିରେ କେତେ ସଫଳ ହେଉଛି ତାହା ହିଁ ହେବ ପୋଲିସର ସଫଳତା।

   Related Posts