ନାରାୟଣପାଟଣା ୨୮।୧୨ : କୋରାପୁଟ ଜିଲ୍ଲା ନାରାୟଣପାଟଣାରୁ ବିସ୍ଫୋରକ ଠାବ। କମ୍ବିଂ ଅପରେସନ ସମୟରେ ଲିକ୍ୟୁଡ଼ ବୋମା ନିଷ୍କ୍ରିୟ କଲେ ଯବାନ । କୋରାପୁଟ ଜିଲ୍ଲା ନାରାୟଣପାଟଣା ବ୍ଲକ ବାଲିପେଟା ନିକଟ ବାୟାମିରି ପାହାଡରୁ ଲିକ୍ୟୁଡ଼ ବୋମାକୁ ଉଦ୍ଧାର କରି ନଷ୍ଟ କରିଛି ବିଏସଏଫ ।

ଖବର ଅନୁଯାୟୀ, ବିଏସଏଫ ଯବାନଙ୍କ ପକ୍ଷରୁ ପାଟ୍ରୋଲିଂ ଚାଲିଥିବା ବେଳେ ଏହାକୁ ଠାବ କରାଯାଇଛି । ଡ୍ରମ ମଧ୍ୟରେ ମାଟି ତଳେ ପୋତାଯାଇଥିବା ଅବସ୍ଥାରେ ବିସ୍ଫୋରକକୁ ଠାବ କରାଯାଇଥିଲା । ବମ ନିଷ୍କ୍ରିୟ ଟିମ୍ ଦ୍ବାରା ବିସ୍ପୋରକକୁ ନଷ୍ଟ କରିଛି ବିଏସଏଫ। ଏନେଇ ନାରାୟଣପାଟଣା ଥାନାରେ ଏକ ମାମଲା ରୁଜୁ କରାଯାଇଛି ।