ଭୁବନେଶ୍ବର ୯।୩: ଆସନ୍ତାକାଲିଠୁ ବିଧାନସଭାର ଦ୍ବିତୀୟ ପର୍ଯ୍ୟାୟ ଅଧିବେଶନ ଆରମ୍ଭ ହେଉଛି । କ’ଣ ପ୍ରସଙ୍ଗ ଉଠିବ ସେ ନେଇ ବିଧାୟକ ଦଳ ନେତା ନରସିଂହ ମିଶ୍ର ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, ଏଥର ବି ବିଧାନସଭାରେ ରାଜ୍ୟର ଆଇନ ଶୃଙ୍ଖଳା ପରିସ୍ଥିତି  ପ୍ରସଙ୍ଗ ଉଠିବ । ଖଣି ଦୁର୍ନୀତି,  ଦରଦାମ ବୃଦ୍ଧି, ବିଦ୍ୟୁତ କାଟ୍ ବିଷୟରେ ଆଲୋଚନା ହେବ ।

ନବ ଦାସ ହତ୍ୟାକାଣ୍ଡ ସମ୍ପର୍କରେ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଥିଲେ ବି ନିର୍ଯାସ ବାହାରି ପାରିନି । କାହିଁକି ହତ୍ୟା ହେଲା ଏବେ ଯାଏଁ ଜଣା ପଡୁନାହିଁ । କ୍ରାଇମବ୍ରାଞ୍ଚ ସାମ୍ବାଦିକ ସମ୍ମିଳନୀ କରି ସତ କହୁ । ଲୋକଙ୍କ ମନରେ ଥିବା ଦ୍ଵନ୍ଦ ଦୂର ହେବ । ଷଡଯନ୍ତ୍ର ସମ୍ପର୍କରେ ସ୍ୱୀକାର କରିଛନ୍ତି ସରକାର । କିନ୍ତୁ ଏ ଦିଗରେ ଗୃହ ରାଷ୍ଟ୍ରମନ୍ତ୍ରୀ ଓ  ମୁଖ୍ୟମନ୍ତ୍ରୀ କିଛି କହିଲେ ନାହିଁ । ଷଡଯନ୍ତ୍ର ସମ୍ପର୍କରେ ତଦନ୍ତ ହେଉଛି କିନ୍ତୁ ସରକାର ଲୁଚାଉଛନ୍ତି ବୋଲି ନରସିଂହ କହିଛନ୍ତି । ସେଥିପାଇଁ ସନ୍ଦେହ ବଢୁଛି, ସସପେକ୍ଟ କିଏ ?

ଅନ୍ୟ ପ୍ରସଙ୍ଗ ଚାଷୀ ସମସ୍ୟା ଉତ୍କଟ କଥା ବି ଉଠିବ । ଗୃହରେ ସରକାର ଅସତ୍ୟ ପରିବେଷଣ କରୁଛନ୍ତି ବୋଲି ନରସିଂହ କହିଛନ୍ତ ।

ନବ ଦାସ ହତ୍ୟା ପ୍ରସଙ୍ଗରେ ନରସିଂହ ଉଠାଇଥିବା ପ୍ରସଙ୍ଗରେ ରାଜସ୍ବ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ପ୍ରମିଳା ମଲ୍ଲିକ କହିଛନ୍ତି, ତଦନ୍ତ ସରିନି କ୍ରାଇମବ୍ରାଞ୍ଚ କେମିତି କହିବ ? ବିରୋଧୀଙ୍କ କାମ ସବୁ କଥାକୁ ବିରୋଧ କରିବା । ପ୍ରତିଦିନ କ’ଣ କ୍ରାଇମବ୍ରାଞ୍ଚ ପ୍ରେସମିଟ୍ କରି କହିବ । ବିଧାନସଭାରେ ଆଲୋଚନା ପାଇଁ ଆମେ ପ୍ରସ୍ତୁତ ବୋଲି ମନ୍ତ୍ରୀ କହିଛନ୍ତି ।