ନୂଆଦିଲ୍ଲୀ ୧୭।୧୧: ଉତ୍ତରାଖଣ୍ଡରେ ଏକ ଭୟଙ୍କର ସଡ଼କ ଦୁର୍ଘଟଣା ଘଟିଛି। ଏହି ମର୍ମନ୍ତୁଦ ଦୁର୍ଘଟଣାରେ ଏପର୍ଯ୍ୟନ୍ତ ୮ ଜଣଙ୍କର ମୃତ୍ୟୁ ହୋଇଛି। କୁହାଯାଉଛି ଯେ ରାସ୍ତାରେ ଯାଉଥିବା ଜିପ୍ ଏକ ଗଭୀର ଖାଲରେ ପଡ଼ିଯାଇଥିଲା। ଜିପ୍ ଖାଲରେ ପଡ଼ିବା ପରେ ସ୍ଥାନୀୟ ଲୋକ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଏବଂ ମୃତଦେହକୁ ଜିପରୁ ବାହାର କରିଥିଲେ। ଜିପ୍ରେ ସମୁଦାୟ ୧୧ ଜଣ ଲୋକ ଯାତ୍ରା କରୁଥିଲେ।
ଦୁର୍ଘଟଣାର ଖବର ପୋଲିସ ପ୍ରଶାସନକୁ ଦିଆଯାଇଥିଲା। ଏହା ପରେ ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ । ସ୍ଥାନୀୟ ଲୋକଙ୍କ ସହାୟତାରେ ସେମାନେ ଜିପ୍ରେ ଉପସ୍ଥିତ ଆହତମାନଙ୍କୁ ଉଦ୍ଧାର କରି ଡାକ୍ତରଖାନା ନେଇଥିଲେ। ବର୍ତ୍ତମାନ ଆହତଙ୍କ ଚିକିତ୍ସା କରାଯାଉଥିବା ବେଳେ ମୃତ ବ୍ୟକ୍ତିଙ୍କୁ ଚିହ୍ନଟ କରାଯାଉଛି । ଏବେ ସେମାନଙ୍କ ପରିବାର ଲୋକଙ୍କୁ ସୂଚନା ଦିଆଯାଇଛି। ସୂଚନାନୁସାରେ, ଦୁଇ ଆହତଙ୍କ ଅବସ୍ଥା ଗୁରୁତର ଥିଲା ଏବଂ ପରେ ସେମାନେ ମୃତ୍ୟୁ ବରଣ କରିଥିଲେ।
ପୋଲିସ ତରଫରୁ ମିଳିଥିବା ସୂଚନା ଅନୁଯାୟୀ, ଏହି ଦୁର୍ଘଟଣା ନୈନିତାଲର ଏକ ଅଞ୍ଚଳରେ ଘଟିଛି। ଜିପ୍ଟି ୫୦୦ ମିଟର ଗଭୀର ଘାଟିରେ ପଡ଼ିଥିଲା। ଏହି ସମୟରେ ଜିପ୍ରେ ୧୧ ଜଣ ଲୋକ ବସିଥିଲେ। ପୋଲିସ ୮ ଜଣଙ୍କ ମୃତଦେହ ଉଦ୍ଧାର କରିଥିବା ବେଳେ ୬ ଜଣଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା। ଡାକ୍ତରଖାନା ନିଆଯାଉଥିବା ବେଳେ ୨ଜଣଙ୍କର ମୃତ୍ୟୁ ଘଟିଛି।
wp:embed {"url":"https://www.prameyanews7.com/israel-defence-force-target-south-gaza-call-to-people-go-away-outside-of-city/","type":"wp-embed","providerNameSlug":"prameya-news-7"}
