scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମହାଦେବ ଯଦି ଏମିତି କରିନଥାନ୍ତେ ତାହେଲେ ଦ୍ରୌପଦୀଙ୍କର ୫ ସ୍ୱାମୀ ନହେଁ, ହୋଇଥାନ୍ତେ ୧୪ ସ୍ବାମୀ

13/01/2019 at 1:26 PM

ଭୁବନେଶ୍ୱର ୧୩/୧ : ମହାଭାରତ ବିଶ୍ୱର ସବୁଠାରୁ ବିଶାଳ ଗ୍ରନ୍ଥ | ମହାଭାରତରେ ଏମିତି ଅନେକ ଘଟଣା ଉଲ୍ଲେଖ ରହିଛି ଯାହା ବିଷୟରେ ବହୁତ କମ ଲୋକ ଜାଣିଥାନ୍ତି | ଏମିତି ଏକ ଘଟଣା ଦ୍ରୌପଦୀଙ୍କ ସହ ମଧ୍ୟ ଜଡିତ ଯାହାକୁ ଅନେକ ଲୋକେ ଜାଣିନାହାନ୍ତି | ଆସନ୍ତୁ ଜାଣିବା ସେ ଘଟଣା ସମ୍ପର୍କରେ :

ମହାଭାରତରେ ଦ୍ରୌପଦୀଙ୍କ ଚରିତ୍ର ଅତ୍ୟନ୍ତ ବିଚିତ୍ର ଏବଂ ରୋମାଞ୍ଚକର | ଦ୍ରୌପଦୀଙ୍କ ଜନ୍ମ ଅଗ୍ନିରୁ ହୋଇଥିଲା | ସେଥିପାଇଁ ତାଙ୍କୁ ଅଗ୍ନି କନ୍ୟା ମଧ୍ୟ କୁହାଯାଇଥାଏ | ଦ୍ରୌପଦୀଙ୍କ ୫ ଜଣ ସ୍ୱାମୀ ଥିଲେ | ଯେଉଁଥିପାଇଁ ତାଙ୍କୁ ପାଞ୍ଚାଳି ମଧ୍ୟ କୁହାଯାଏ | ୫ ଜଣ ସ୍ୱାମୀଙ୍କ ଠାରୁ ଦ୍ରୌପଦୀଙ୍କର ସନ୍ତାନ ମଧ୍ୟ ଥିଲେ | ତେବେ ଦ୍ରୌପଦୀଙ୍କ ୫ ଜଣ ସ୍ୱାମୀ ହେବା ପଛରେ ତାଙ୍କର ପୂର୍ବ ଜନ୍ମର ତପସ୍ୟା ରହିଛି | ପୂର୍ବ ଜନ୍ମର ତପସ୍ୟା ଫଳରେ ଦ୍ରୌପଦୀଙ୍କୁ ୫ଜଣ ସ୍ୱାମୀ ମିଳିଥିଲେ | କିନ୍ତୁ ଯଦି ତାଙ୍କ ତପସ୍ୟାର ଫଳ ତାଙ୍କୁ ସମ୍ପୂର୍ଣ ଭାବେ ମିଳିଥାନ୍ତା ତାହେଲେ ଦ୍ରୌପଦୀଙ୍କର ୧୪ଜଣ ସ୍ୱାମୀ ଥାନ୍ତେ |

ଭବିଷ୍ୟ ପୁରାଣରେ ଉଲ୍ଲେଖ ରହିଛି ଯେ, ପୂର୍ବ ଜନ୍ମରେ ଦ୍ରୌପଦୀ ଜଣେ ଧର୍ମ ପରାୟଣ ମହିଳା ଥିଲେ | ସେ ବିଧବା ହୋଇଯାଇଥିଲେ | ବିଧବା ହେବା ପରେ ଅଖଣ୍ଡ ସୌଭାଗ୍ୟ ପ୍ରାପ୍ତି ପାଇଁ ଦ୍ରୌପଦୀ ମହାଦେବଙ୍କୁ ଘୋର ତପସ୍ୟା କରିଥିଲେ | ଦ୍ରୌପଦୀଙ୍କ ତପସ୍ୟାରେ ପ୍ରସନ୍ନ ହୋଇ ମହାଦେବ ତାଙ୍କୁ ବର ମାଗିବାକୁ କହିଥିଲେ | ଦ୍ରୌପଦୀ ମହାଦେବଙ୍କୁ ଏମିତି ଏକ ବର ମାଗିଲେ ଯାହା ମହାଦେବଙ୍କୁ ବିଚଳିତ କରିଦେଲା | ଦ୍ରୌପଦୀ ମହାଦେବଙ୍କୁ ଏମିତି ଏକ ସ୍ୱାମୀ ମାଗିଥିଲେ ଯାହାଙ୍କ ଭିତରେ ୧୪ଟି ଗୁଣ ରହିଥିବା |

ମହାଦେବ ଦ୍ରୌପଦୀଙ୍କୁ ବୁଝାଇଥିଲେ ଯେ, ସମସ୍ତ ୧୪ଟି ଗୁଣ ଜଣେ ପୁରୁଷଙ୍କ ମଧ୍ୟରେ ପାଇବା ଅସମ୍ଭବ | ସେଥିପାଇଁ ସେ ୧୪ଟି ଗୁଣରୁ କିଛି କମ କରି ମାଗନ୍ତୁ | ଏହାପରେ ଦ୍ରୌପଦୀ ୧୪ ଗୁଣ ବଦଳରେ ୫ଗୁଣ ଥିବା ସ୍ୱାମୀ ମାଗିଥିଲେ | ସେହି ୫ଟି ଗୁଣ ହେଲା- ଧୈର୍ଯ୍ୟବାନ, ଧାର୍ମିକ, ଶକ୍ତିଶାଳୀ, ମହାନ ଧନୁର୍ଦ୍ଧର ଏବଂ ରୂପବାନ | ପରବର୍ତ୍ତୀ ଜନ୍ମରେ ସେ ଦ୍ରୌପଦୀ ଭାବେ ଜନ୍ମ ହେଲେ ଏବଂ ତାଙ୍କ ବିବାହ ପାଣ୍ଡବଙ୍କ ସହ ହୋଇଥିଲା | ଯଦି ମହାଦେବ ୧୪ଟି ଗୁଣ ସମ୍ପନ୍ନ ସ୍ବାମୀ ପାଇଁ ଦ୍ରୌପଦୀଙ୍କୁ ବର ଦେଇଥାନ୍ତେ ତାହେଲେ ତାଙ୍ର ୫ ସ୍ବାମୀ ବଦଳରେ ୧୪ ସ୍ବାମୀ ହୋଇଥାନ୍ତେ ।

୫ଜଣଙ୍କୁ ବିବାହ କରିବା ନେଇ ସେ ବିଚଳିତ ହୋଇପଡିଥିଲେ | ସେତେବେଳେ ଭଗବାନ ଶ୍ରୀକୃଷ୍ଣ ଦ୍ରୌପଦୀଙ୍କୁ ମନେ ପକେଇଦେଇଥିଲେ ଯେ, ଏହା ତାଙ୍କର ପୂର୍ବ ଜନ୍ମର ତପସ୍ୟାର ଫଳ | ଯେଉଁ ବର ସେ ଭଗବାନ ଶିବଙ୍କୁ ମାଗିଥିଲେ |

   Related Posts