ନୂଆଦିଲ୍ଲୀ ୨୬।୦୯: ଏହା ସେହି ସ୍ଥାନ । ଯାହା ଆଜି ଯାଏଁ ଦୁନିଆ ପାଇଁ ରହସ୍ୟ ହୋଇ ରହିଛି । ୧୯୭୦ ମସିହା ପରଠୁ ଆଜି ଯାଏଁ ୨୦ ହଜାରରୁ ଅଧିକ ଲୋକ ଏଠାରେ ହଜିଯାଇଛନ୍ତି । ଏହି ଘଟଣା ଗୁଡିକ ଏବେ ବି ସମାଧାନ ହୋଇନି । ଏମାନେ ସମସ୍ତେ କେମିତି ନିଖୋଜ ହେଲେ ତାହା ଏବେ ବି ରହସ୍ୟ । ଏହି ସ୍ଥାନଟି ‘ଆଲାସ୍କା ଟ୍ରାଏଙ୍ଗଲ୍‌’ ଭାବରେ ଜଣାଶୁଣା ।

ଦକ୍ଷିଣରେ ଆଙ୍କୋରେଜ୍ ଏବଂ ଜୁନାଉ ଠାରୁ ଉତ୍ତର ଉପକୂଳ ତଟରେ ଥିବା ଉଟକିଆଭିକ୍ ଯାଏଁ  ରହିଛି ଏହି ସ୍ଥାନ । ଏଠାରେ ଘଟୁଥିବା ସମସ୍ତ ଘଟଣା ବହୁତ ଅଜବ । ଏହାକୁ ଶୁଣିବା ପରେ ଲୋକମାନେ ହୋଇଯାଆନ୍ତି ଆଶ୍ଚର୍ଯ୍ୟ । କୁହାଯାଏ ଯେ ଏଠାରେ UFO ଦେଖାଯିବା, ଅଦୃଶ୍ୟ ଶକ୍ତିର ଶବ୍ଦ ଆସିବା ଏବଂ ବଡ ବଡ ପାଦଚିହ୍ନ ପଡିଥିବା ଏକ ସାଧାରଣ କଥା ।

ଏକ ରିପୋର୍ଟ ଅନୁଯାୟୀ, UFO ଦେଖିଥିବା ପ୍ରତ୍ୟକ୍ଷଦର୍ଶୀ ୱେସ୍ ସ୍ମିଥ୍ କହିଛନ୍ତି, ଏହା ଏକ ଭିନ୍ନ ଟ୍ରାଏଙ୍ଗଲ୍‌। ଏଠାରେ ଏକ ମଜବୁତ ବସ୍ତୁ ଉଠୁଥିବା ଦେଖିଥିଲେ । ସେହି ବସ୍ତୁଟି ଆମେ ଦେଖୁଥିବା ବିମାନ ଠାରୁ ସମ୍ପୂର୍ଣ୍ଣ ଭିନ୍ନ । ଏମିତିକି ବସ୍ତୁଟିରୁ କୌଣସି ବି ଶବ୍ଦ ଆସୁନଥିଲା । 

ସବୁଠାରୁ ବଡ କଥା ହେଉଛି UFO ଦେଖାଯାଇଥିବା ସେହି ସ୍ଥାନଠାରୁ ୧୧ ମାଇଲ ଦୂରରେ ରହୁଥିବା ମାଇକେଲ୍ ଡିଲନ୍ କହିଛନ୍ତି ଯେ ସେ ନିଜ କ୍ୟାମେରାରେ ଏଭଳି ଏକ ଦୃଶ୍ୟ କଏଦ କରିଛନ୍ତି । ଯେଉଁଥିରେ ବସ୍ତୁଟି ଅତି ଖୀପ୍ର ବେଗରେ ଆକାଶକୁ ଯାଇଛି । ଆଉ ହଠାତ୍ ଏକ ଲାଇଟ୍‌ ଦେଖିବାକୁ ମିଳୁଛି  । ଯାହା କୌଣସି ମନୁଷ୍ୟ ପାଇଁ ସମ୍ଭବ ନୁହେଁ ।

ଖବର ଅନୁଯାୟୀ,  ଅନ୍ୟ ସ୍ଥାନ ଅପେକ୍ଷା ଏହି ସ୍ଥାନରେ ଲୋକମାନେ ନିଖୋଜ ହେବାର ଅଧିକ ଘଟଣା ରହିଛି । ଯାହା ସମାଧାନ ହୋଇପାରୁନାହିଁ । ଏଥିପାଇଁ ଲୋକମାନଙ୍କୁ ଲାଗିଥାଏ କି କୌଣସି ମାଂସ ଖାଉଥିବା ବଡ ପ୍ରାଣୀ ନିଖୋଜ ଲୋକମାନଙ୍କୁ ଉଠାଇ ନେଇ ଯାଇଛନ୍ତି ।

ତେବେ ଉଦ୍ଧାର କର୍ମଚାରୀ ନିଖୋଜ ଲୋକଙ୍କୁ ଖୋଜୁଥିବା ବେଳେ ଅଦୃଶ୍ୟ ଶକ୍ତିର ସ୍ୱର ଶୁଣିବା ସହିତ ମୁଣ୍ଡ ବୁଲାଇବା ଏବଂ ରାସ୍ତା ହଜିଯିବା ପରି ଅନୁଭବ କରିଥିଲେ ।  ତେଣୁ କୁହାଯାଏ କି ‘ଆଲାସ୍କା ଟ୍ରାଏଙ୍ଗଲ୍‌’ରେ ଘଟୁଛି ଅଦ୍ଭୁତ ଘଟଣା ।

You Can Read: