ବେଙ୍ଗାଲୁରୁ,୨୮/୧୧: ବେଆଇନ ଗର୍ଭନଷ୍ଟ କରାଇବା ଅଭିଯୋଗରେ ଡାକ୍ତର ଗିରଫ । ତାଙ୍କ ସହିତ ସହଯୋଗୀ ଟେକ୍ନିସିଆନକୁ ମଧ୍ୟ ବାନ୍ଧିଛି ପୋଲିସ । ବେଙ୍ଗାରୁଲୁର ଏହି ଘଟଣାରେ ଡାକ୍ତର ଚନ୍ଦନ ବହଲ ହୋଇଥିବା ବେଳେ ଟେକ୍ନିସିଆନ ନାଁ ନିଶାର । ଉଭୟେ ମହୀଶୂରର ଏକ ହସ୍ପିଟାଲରେ କାର୍ଯ୍ୟ କରୁଥିଲେ । ଗତ ୩ ବର୍ଷରେ ସେମାନେ ୯୦୦ରୁ ଅଧିକ ମହିଳାଙ୍କର ଗର୍ଭପାତ କରିଥିବା ତଦନ୍ତରୁ ଜଣାପଡିଛି । ପ୍ରତି ଗର୍ଭନଷ୍ଟ କରିବାକୁ ସେମାନେ ୩୦ ହଜାର ଟଙ୍କା ଦାବି କରୁଥିଲେ । ହସ୍ପିଟାଲର ମ୍ୟାନେଜର ଓ ରିସେପସନିଷ୍ଟଙ୍କୁ ଚଳିତମାସ ପ୍ରାରମ୍ଭରେ ପୋଲିସ ଗିରଫ କରିଥିଲା ।
wp:embed {"url":"https://www.prameyanews7.com/wife-cant-access-spouse-adhaar-information-said-karnataka-high-court/","type":"wp-embed","providerNameSlug":"prameya-news-7"}
ପୋଲିସର ସୂଚନା ଅନୁସାରେ, ମାଣ୍ଡ୍ୟାରେ ଏକ ଗୁଡ଼ ପ୍ରସ୍ତୁତ କାରଖାନା ରହିଛି । ତା’ ଭିତରେ ବେଆଇନ ଭାବେ ଅଲଟ୍ରାସାଉଣ୍ଡ ସ୍କାନ ୟୁନିଟ୍ ଲାଗିଛି । ସେଠାରେ ମହିଳାଙ୍କର ଗର୍ଭ ପରୀକ୍ଷା କରାଯାଉଥିଲା । ଯେଉଁମାନେ ନଷ୍ଟ କରିବାକୁ ଚାହୁଁଥିଲେ ସେମାନଙ୍କୁ ମହୀଶୂରସ୍ଥିତ ଉକ୍ତ ହସ୍ପିଟାଲକୁ ପଠାଇ ଦିଆଯାଉଥିଲା । ପୋଲିସ ଛାନଭିନ୍ ବେଳେ ଅଲଟ୍ରାସାଉଣ୍ଡ ସ୍କାନ ମେସିନ ଜବତ କରିଛି । ର୍ୟାକେଟରେ ଆହୁରି ଅନେକଙ୍କ ସମ୍ପୃକ୍ତି ଥିବା ପୋଲିସ ସନ୍ଦେହ କରୁଛି । ଏବେ ତଦନ୍ତ ଜାରି ରହିଛି । ପୋଲିସ ଏହି ରାକେଟ୍ ମୂଳ ପର୍ଯ୍ୟନ୍ତ ପହଞ୍ଚିବାକୁ ଚେଷ୍ଟ ଚଳାଇଛି ।
