ମୁମ୍ଵାଇ ୧୦।୧୨: ବଲିଉଡ୍ର ନୂଆ ନାୟିକା ମାଇରା ସରୀନ୍ । ଖୁବ୍ଶୀଘ୍ର ବଲିଉଡ୍ ଫିଲ୍ମ ‘ରିୱାଜ୍’ରେ ସେ ନଜର ଆସିବେ । ଏହି ଡ୍ରାମା ଫିଲ୍ମର ନିର୍ଦ୍ଦେଶନା ଦେଇଛନ୍ତି ମନୋଜ ସାତି । ପ୍ରଯୋଜନା ଦାୟିତ୍ୱରେ ଅଛନ୍ତି କଶିଶ ଖାନ୍ । ମାଇରା ଏଥିରେ ମୁଖ୍ୟ ନାୟିକା ଭୂମିକାରେ ଅଭିନୟ କରିଛନ୍ତି । ତାଙ୍କ ସହ ଅଛନ୍ତି ମିଥୁନ ଚକ୍ରବର୍ତ୍ତୀ ଓ ଅଫତାବ ଶିବଦାସାନି । ମହିଳା ଅଧିକାର, ଲିଙ୍ଗଗତ ସମାନତା, ନାରୀତ୍ୱ ଓ ପରିବେଶ ସମ୍ବନ୍ଧୀୟ ସାମାଜିକ ବିଷୟବସ୍ତୁର ପ୍ରୋତ୍ସାହନ କ୍ଷେତ୍ରରେ ସେ କାମ କରନ୍ତି ।
ଫିଲ୍ମରେ ମଧ୍ୟ ଏ ପ୍ରକାର ଭୂମିକା ସେ ନିର୍ବାହ କରିଛନ୍ତି । ଭୂମିକା ଚୟନ ମାମଲାରେ ମାଇରାଙ୍କୁ ବର୍ତ୍ତମାନ ସମୟରେ ସବୁଠୁ ଶକ୍ତିଶାଳୀ ଅଭିନେତ୍ରୀଙ୍କ ମଧ୍ୟରେ ଗଣାଯାଉଛି । ତାଙ୍କ ଅଭିନୟକୁ ପ୍ରାକୃତିକ, ଭାବନାତ୍ମକ ଓ ବେଶ ଶକ୍ତିଶାଳୀ ବୋଲି କୁହାଯାଏ । ଗଣମାଧ୍ୟମ ସହ ବନ୍ଧୁତ୍ୱପୂର୍ଣ୍ଣ ବ୍ୟବହାର ପାଇଁ ସେ ବେଶ ପରିଚିତ । ଅଧ୍ୟୟନ ଶେଷ ପରେ ଜଣେ ମଡେଲ ଭାବେ ମାଇରାଙ୍କ କର୍ମମୟ ଜୀବନ ଆରମ୍ଭ ହୋଇଥିଲା । ମଡେଲିଂ ଦୁନିଆରେ ଅନେକ ଚୁକ୍ତି ସାଇନ୍ କରିବା ପରେ ୨୦୧୮ ମସିହାରେ ସେ ନିଜର ଅଭିନୟ କ୍ୟାରିଅର୍ ଆରମ୍ଭ କରିଥିଲେ । ତେଲୁଗୁ ଫିଲ୍ମ ‘ଅଫିସର୍’ରେ ଅକ୍କିନେନି ନାଗାର୍ଜୁନଙ୍କ ଅପୋଜିଟ୍ରେ ମୁଖ୍ୟ ନାୟିକା ଭୂମିକାରେ ସେ ନଜର ଆସିଥିଲେ ।