ମୁମ୍ଵାଇ ୧୨।୦୩: ବଲିଉଡର ପ୍ରସିଦ୍ଧ ଅଭିନେତା-ନିର୍ଦ୍ଦେଶକ ସତୀଶ କୌଶିକ। ତାଙ୍କ ମୃତ୍ୟୁରେ ହୋଇଥିବା ଘଟଣାରେ ଦିଲ୍ଲୀର ଜଣେ ବ୍ୟବସାୟୀଙ୍କ ପତ୍ନୀ ବୋଲି ଦାବି କରୁଥିବା ମହିଳା କହିଛନ୍ତି ଯେ ତାଙ୍କ ସ୍ୱାମୀ କୌଶିକଙ୍କୁ ୧୫ କୋଟି ଟଙ୍କା ପାଇଁ ହତ୍ୟା କରିଛନ୍ତି। ମହିଳା ଜଣକ ଦିଲ୍ଲୀ ପୋଲିସ କମିଶନରଙ୍କ କାର୍ଯ୍ୟାଳୟରେ ଦାଖଲ କରିଥିବା ଅଭିଯୋଗରେ ଦର୍ଶାଇଛନ୍ତି ଯେ କୌଶିକ ଟଙ୍କା ମାଗୁଥିଲେ। ଯାହା ତାଙ୍କ ସ୍ୱାମୀ ଦେବାକୁ ଚାହୁଁନାଥିଲେ। ସେ ଅଭିଯୋଗ କରିଛନ୍ତି ଯେ କୌଶିକଙ୍କୁ କିଛି ଔଷଧ ଦେଇ ହତ୍ୟା କରାଯାଇଛି । ଯାହା ତାଙ୍କ ସ୍ୱାମୀଙ୍କ ଦ୍ୱାରା ବ୍ୟବହୃତ ହୋଇଥିଲା।

ଏହାପୂର୍ବରୁ ଶନିବାର ଦିନ ବରିଷ୍ଠ ପୋଲିସ ଅଧିକାରୀ କହିଥିଲେ ଯେ ସେମାନେ ଦିଲ୍ଲୀ ଫାର୍ମହାଉସରୁ କିଛି ‘ ଔଷଧ’ ଜବତ କରିଛନ୍ତି । ଯେଉଁଠାରେ ୬୬ ବର୍ଷିୟ ଅଭିନେତା ମୃତ୍ୟୁ ପୂର୍ବରୁ ଏକ ପାର୍ଟୀରେ ଯୋଗ ଦେଇଥିଲେ। ମହିଳାଙ୍କ ଦ୍ଵାରା ଦାଖଲ ହୋଇଥିବା ଅଭିଯୋଗର ଏକ କପି ଯିବା ପରେ ଆଇଏଏନଏସ ମଧ୍ୟ ତାଙ୍କ ସହ କଥା ହୋଇଥିଲା। ଏହା ଏକ ଯୋଜନାବଦ୍ଧ ହତ୍ୟା ବୋଲି କହିଥିଲେ। ମହିଳା ଜଣକ ଦାବି କରିଛନ୍ତି ଯେ ସେ ୧୩ ମାର୍ଚ୍ଚ ୨୦୧୯ରେ ବ୍ୟବସାୟୀଙ୍କୁ ବିବାହ କରିଥିଲେ। ତାଙ୍କ ସ୍ୱାମୀ କୌଶିକଙ୍କ ସହିତ ପରିଚିତ ହୋଇଥିଲେ । କେବଳ ଏତିକି ହିଁ ନୁହେଁ ସେ ଏହା ମଧ୍ୟ ଦାବି କରିଛନ୍ତି ଯେ ୨୩ ଅଗଷ୍ଟ ୨୦୨୨ରେ କୌଶିକ ଦୁବାଇରେ ଥିବା ତାଙ୍କ ଘରକୁ ଆସି ତାଙ୍କ ସ୍ୱାମୀଙ୍କଠାରୁ ୧୫ କୋଟି ଟଙ୍କା ମାଗିଥିଲେ।

ସେହି ସମୟରେ ସେ ଡ୍ରଇଂ ରୁମରେ ଉପସ୍ଥିତ ଥିଲେ। ଯେଉଁଠାରେ  କୌଶିକ ଏବଂ ମୋ ସ୍ୱାମୀ ଯୁକ୍ତିତର୍କ କରୁଥିଲେ। କୌଶିକ କହୁଥିଲେ ଯେ ତାଙ୍କୁ ଟଙ୍କା ଦରକାର ଥିଲା ଏବଂ ପୁଞ୍ଜି ବିନିଯୋଗ ଉଦ୍ଦେଶ୍ୟରେ ସେ ମୋ ସ୍ୱାମୀଙ୍କୁ ୧୫ କୋଟି ଟଙ୍କା ଦେବାର ତିନି ବର୍ଷ ବିତିଗଲାଣି। କୌଶିକ ଏହା ମଧ୍ୟ କହିଛନ୍ତି ଯେ କୌଣସି ବିନିଯୋଗ କରାଯାଇ ନାହିଁ କିମ୍ବା ତାଙ୍କ ଟଙ୍କା ଫେରସ୍ତ କରାଯାଇ ନାହିଁ । ସେ ଦୁବାଇର ଏକ ପାର୍ଟିରୁ ବ୍ୟବସାୟୀ ଏବଂ କୌଶିକଙ୍କ ଫଟୋ ମଧ୍ୟ ସେୟାର କରିଥିଲେ।

ମହିଳା ଜଣକ ଅଭିଯୋଗ କରିଛନ୍ତି ଯେ ଅଣ୍ଡରୱାର୍ଲ୍ଡ ଡନ୍ ଦାଉଦ ଇବ୍ରାହିମଙ୍କ ପୁଅ ମଧ୍ୟ ପାର୍ଟିରେ ଉପସ୍ଥିତ ଥିଲେ। ଅଭିଯୋଗରେ ଏହା ମଧ୍ୟ କୁହାଯାଇଛି ଯେ ତାଙ୍କ ସ୍ୱାମୀ ଅନେକ ପ୍ରକାରର ଡ୍ରଗ୍ସ ବ୍ୟବସାୟ କରନ୍ତି। ମୋ ସ୍ୱାମୀ କୌଶିକଙ୍କୁ ପ୍ରତିଶୃତି ଦେଇଥିଲେ ଯେ ସେ ଶୀଘ୍ର ଟଙ୍କା ଫେରସ୍ତ କରିବେ। ମୁଁ ଯେତେବେଳେ ମୋ ସ୍ୱାମୀଙ୍କୁ ପଚାରିଲି, କ’ଣ ହେଲା, ସେ କହିଥିଲେ ଯେ କୋଭିଡ ମହାମାରୀ ସମୟରେ ସେ କୌଶିକଙ୍କ ଟଙ୍କା ହରାଇଛନ୍ତି। ମୋ ସ୍ୱାମୀ କହିଛନ୍ତି ଯେ ସେ କୌଶିକରୁ ମୁକ୍ତି ପାଇବାକୁ ପ୍ଲାନ କରୁଛନ୍ତି।