କଣ୍ଟାବାଞ୍ଜି ୨୬/୦୯: ହତ୍ୟାକାରୀ ଦାଦା ପୁତୁରାକୁ ଆଜୀବନ ସଜା । ସଜା ଶୁଣାଇଲେ କଣ୍ଟାବାଞ୍ଜି ଅତିରିକ୍ତ ଜିଲ୍ଲା ଦୌରାଜଜ ହିମାଂଶୁ ଶେଖର ମଲ୍ଲିକ । ଏପ୍ରିଲ୍ ୨୦ ୨୦୧୪ରେ ବଙ୍ଗୋମୁଣ୍ଡା ଥାନା ଚୁଲିଫୁଙ୍କା ଗାଁରେ ହୋଇଥିଲା ହତ୍ୟାକାଣ୍ଡ । ଏହାର ଶୁଣାଣି କରିଛନ୍ତି କୋର୍ଟ ।

ପାରିବାରିକ କଳହ ଓ ଜମିବାଡ଼ି ସମ୍ପତ୍ତି ବିବାଦକୁ ନେଇ ବଙ୍ଗୋମୁଣ୍ଡା ଥାନା ଚୁଲିଫୁଙ୍କା ଗାଁର ସନ୍ତୋଷ ପୁଟେଲ ନିଜ ଘର ବାହାରେ ଶୋଇଥିବା ବେଳେ ତଣ୍ଟିକୁ କାଟି ଅତି ନିର୍ମମ ଭାବରେ ହତ୍ୟା କରିଥିଲେ ଦୁଇ କକା ପୁତୁରା ମଣିଚନ୍ଦ୍ର ପୁଟେଲ ଓ ନିରାକାର ପୁଟେଲ । ବଙ୍ଗୋମୁଣ୍ଡା ପୋଲିସ ୨ଜଣକୁ ଗିରଫ କରି କୋର୍ଟ ଚାଲାଣ କରିଥିଲା ।

ଜାମିନ ନାମଞ୍ଜୁର ହେବା ଯୋଗୁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିଲା । ଆଜି ଏହି ଘଟଣାରେ ଆଜୀବନ କାରାଦଣ୍ଡ ଶୁଣାଇଛନ୍ତି କୋର୍ଟ । ଏହା ସହ ୨୦ ହଜାର ଟଙ୍କା ଜୋରିମାନା ଦେବାର ଆଦେଶ ଦେଇଛନ୍ତି ।୨୦ ହଜାର ଟଙ୍କା ଜୋରିମାନା ଅଣାଦେୟ କଲେ ୨ ବର୍ଷ ଅତିରିକ୍ତ ଜେଲ ଦଣ୍ଡ ମଧ୍ୟ ଶୁଣାଇଛନ୍ତି କୋର୍ଟ ।