ଭୁବନେଶ୍ୱର ୨୯।୦୨ : ମହିଳାଙ୍କୁ ଏକତରଫା ପ୍ରେମ କରୁଥିଲେ ଯୁବକ । ମନା କରିବାରୁ ଫିରିକିଗଲା ପ୍ରେମିକର ମୁଣ୍ଡ । ଆଉ ସୁଯୋଗ ଦେଖି ମହିଳାଙ୍କୁ ଛୁରୀ ଭୂଷି କରିଛି ହତ୍ୟା। ମୃତକ ଜଣଙ୍କ ହେଲେ ଗୀତାଞ୍ଜଳି ରଞ୍ଜିତ ଓରଫ ଦୀପିକା । କ୍ୟାପିଟାଲ ଥାନା ଅନ୍ତର୍ଗତ ବାପୁଜିନଗର ଅଞ୍ଚଳରେ ଏଭଳି ଘଟଣା ଦେଖିବାକୁ ମିଳିଛି । ଯାହାକୁ ନେଇ ଚର୍ଚ୍ଚା ଜୋର ଧରିଛି । ଅଭିଯୋଗ ପରେ ତଦନ୍ତ କରୁଛି ପୋଲିସ ।
ଖବର ଅନୁଯାୟୀ, ବୁଧବାର ସଂଧ୍ୟା ୭ଟା ସମୟରେ ସ୍ୱାମୀଙ୍କ ଦୋକାନକୁ ଯାଇଥିଲେ । ସେଠାରୁ ଫେରିବା ବେଳେ ଜଣ ଦୁର୍ବୃତ୍ତ ତାଙ୍କୁ ପିଛା କରି ଅଟକାଇଥିଲେ । କୌଣସି କଥାକୁ କେନ୍ଦ୍ର କରି ଦୁହିଁଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା । ଏହାପରେ ଅତର୍କିତ ଭାବେ ଯୁବକ ଜଣଙ୍କୁ ମହିଳାଙ୍କୁ ଛୁରାମାଡ଼ କରିଥିଲେ । ଯେଉଁଥିରେ ମହିଳା ଜଣଙ୍କ ଗୁରୁତର ହୋଇଥିଲେ । ପ୍ରଥମେ ତାଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । କିନ୍ତୁ ବଡ଼ ଗୁରୁତର ଥିବା କଟକ ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଥିଲା । ହେଲେ ସେଠାରେ ମହିଳାଙ୍କର ମୃତ୍ୟୁ ହୋଇଯାଇଛି । ଏକତରଫା ପ୍ରେମ ପାଇଁ ଏଭଳି ଘଟିଥିବା ପୋଲିସ ଜାଣିବାକୁ ପାଇଛି ।
ସେପଟେ ପୋଲିସ ସିସିଟିଭି ଫୁଟେଜ୍କୁ ଆଧାର କରି ଅଭିଯୁକ୍ତଙ୍କୁ ଧରିବା ଲାଗି ଚେଷ୍ଟା ଚଳାଇଛି । ମୃତ ଗୀତାଞ୍ଜଳି ରଞ୍ଜିତଙ୍କ ଘର ବାଲେଶ୍ଵର ଜିଲ୍ଲା ଜଳେଶ୍ବରରେ ବୋଲି ଜଣାପଡିଛି। ଶିଶୁଭବନ ଛକ ନିକଟରେ ସେ ଭଡାରେ ରହୁଥିଲେ। ମୃତକଙ୍କ ସ୍ୱାମୀ କୁଞ୍ଜବିହାରି ଦତ୍ତ ହତ୍ୟା ଘଟଣା ନେଇ ଥାନାରେ ଅଭିଯୋଗ କରିଥିଲେ। କୁଞ୍ଜବିହାରିଙ୍କର ବାପୁଜିନଗର ରେ ଏକ ମୋବାଇଲ ମରାମତି ଦୋକାନ ରହିଛି ।
wp:embed {"url":"https://www.prameyanews7.com/akshay-kumar-donates-one-crore-in-udaipur-for-girl-hostel-building/","type":"wp-embed","providerNameSlug":"prameya-news-7"}
