ଆନନ୍ଦପୁର ୦୨।୦୯ : ଡାହାଣୀ ସନ୍ଦେହରେ ମହିଳାଙ୍କୁ ବିଭତ୍ସ ହତ୍ୟା । କେନ୍ଦୁଝର ଜିଲ୍ଲା ଘଷିପୁରା ଥାନା ନିଆଳିଝରଣ ଗାଁରେ ଘଟିଛି ଏହି ହତ୍ୟାକାଣ୍ଡ । ମୃତକ ସାଲ୍କେ ହେମ୍ବ୍ରମ୍ ବୋଲି ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଜାରି ରଖିଛି ।
ଖବର ଅନୁଯାୟୀ, ନିଆଳିଝରଣ ଗାଁର ଜଣେ ମହିଳାଙ୍କୁ ଡାହାଣୀ ସନ୍ଦେହରେ ହତ୍ୟା କରାଯାଇଛି । ମହିଳାଙ୍କୁ ହତ୍ୟା କରାଯାଇଥିବା ଖବର ପାଇ ଘଷିପୁର ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି । ତେବେ ମହିଳାଙ୍କୁ କିଏ ହତ୍ୟା କରିଛି । ସେନେଇ କୌଣସି ସ୍ପଷ୍ଟ ସୂଚନା ମିଳିନଥିବା ବେଳେ ପୋଲିସ ମୃତକଙ୍କ ସ୍ୱାମୀ ଏବଂ ଗାଁ ଲୋକଙ୍କୁ ପଚରାଉଚରା କରୁଛି ।
ଅନ୍ୟପଟେ ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ରିପୋର୍ଟ ଆସିବା ପରେ ମୃତ୍ୟୁର ସଠିକ୍ କାରଣ ଜଣାପଡିବ ବୋଲି ଆଶା କରାଯାଉଛି । ଏହାସହ ପୋଲିସ ପ୍ରାଥମିକ ତଦନ୍ତ ରିପୋର୍ଟ ପରେ ମଧ୍ୟ ମହିଳାଙ୍କୁ ହତ୍ୟାର କାରଣ ସ୍ପଷ୍ଟ ହୋଇପାରିବ ବୋଲି ଅନୁମାନ କରାଯାଉଛି ।
