ମାର୍ଶାଘାଇ ୧୪|୬:  କେନ୍ଦ୍ରାପଡା ଜିଲ୍ଲା ପାଟକୁରା ଥାନା ଅନ୍ତର୍ଗତ ପଳସୁଧା ପାଇକା ନଦୀ ବନ୍ଧରେ ଘଟିଥିବା ହତ୍ୟାକାଣ୍ଡ ଘଟଣାର ପର୍ଦ୍ଦାଫାସ୍ କରିଛି ପାଟକୁରା ପୋଲିସ । ଗତମାସ ୩୧ ତାରିଖରେ ଘଟିଥିବା ଏହି ହତ୍ୟାକାଣ୍ଡରେ ଅଭିଯୁକ୍ତ ଯୁବକ ହେଉଛନ୍ତି ସେକ୍ ନିଶାର ଅଲ୍ଲୀ ଏବଂ ସେ ଉତ୍ତରପ୍ରଦେଶ ରାଜ୍ୟର ମୂଳ ବାସିନ୍ଦା । ସେ ଗତ ୧୫ବର୍ଷ ହେବ ପଳଶୁଧା ଗ୍ରାମରେ ରହି ଆସୁଥିଲ। ହତ୍ୟାକାଣ୍ଡର ଶିକାର ହୋଇଥିବା ଯୁବକ ହେଲେ ରାଜୁ ସିଂ ଚୌହାନ । ତାଙ୍କ ଘର ହେଉଛି ଉତ୍ତରପ୍ରଦେଶ ଜିଲ୍ଲା ଶାହାଜହାନପୁର । ପୋଲିସ ମୃତ ଯୁବକର ବ୍ୟାଗ୍,  ଦରକାରୀ କାଗଜପତ୍ର ଏବଂ ମୋବାଇଲ୍ ଫୋନ୍ ଜବତ କରିଛି । ଅଭିଯୁକ୍ତକୁ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଟଙ୍କା ପାଇଁ ଏହି ହତ୍ୟାକାଣ୍ଡ ଘଟିଛି ବୋଲି ପୋଲିସ ସୂଚନା ଦେଇଛି ।