ଭୁବନେଶ୍ବର: ଓଡ଼ିଶାରେ ସାମ୍ବାଦିକଙ୍କୁ ଖରାପ ବ୍ୟବହାର ଦେଖାଇଲେ ମୁମ୍ବାଇର ଅନାମ ଧେୟ ଅଭିନେତ୍ରୀ ତେଜସ୍ବୀ ପ୍ରକାଶ। ହୋଲି ଅବସରରେ ଓଡ଼ିଶା ଆସିଥିବାବେଳେ ସାମ୍ବାଦିକମାନଙ୍କୁ ଦେଖାଇଥିଲେ ଖରାପ ବ୍ୟବହାର । ନାଁ ସେମାନଙ୍କ ପ୍ରଶ୍ନର ଉତ୍ତର ଦେଇଥିଲେ ନାଁ ସମୟ । ବିମାନ ବନ୍ଦରରେ ଓହ୍ଲାଉ ଓହ୍ଲାଉ ସାମ୍ନାଦିକଙ୍କ ବୁମକୁ ଦେଖି ପଛ କରି ପଳାଇଥିଲେ ।
ହୋଟେଲ ହେଉ କି ବିମାନ ବନ୍ଦର । ସବୁଠି ତାଙ୍କର ଅଭଦ୍ରାମୀ ଏବେ ପଦାରେ ପଡ଼ିଛି । ସେଠି କେହି ପଚାରୁ ନାହାନ୍ତି ଏଠି କିନ୍ତୁ ନିଜକୁ ଷ୍ଟାର ବୋଲାଉଛନ୍ତି । ଏଭଳି ବ୍ୟବହାର ଯେ ତାଙ୍କୁ ଡାକୁଥିବା ପ୍ରାୟୋଜକ ବି ଶେଷରେ ମୁଣ୍ଡରେ ହାତ ଦେଇ ବସୁଛନ୍ତି । ଲକ୍ଷ ଲକ୍ଷ ଟଙ୍କା ଦେଇ ବି ସେହି ଅଭିନେତ୍ରୀଙ୍କ ଆଗରେ ନିଜ ଓଜନ ହରାଇ ବସୁଛନ୍ତି । ଏବେ ସୋସିଆଲ ମିଡ଼ିଆରେ ଏହି ଅଭଦ୍ରୋଚିତ ବ୍ୟବାହରର ଭିଡ଼ିଓ ଭାଇରାଲ ହେବାରେ ଲାଗିଛି । ଯିଏ ବି ଦେଖୁଛି ସିଏ ଏହିମାନଙ୍କୁ ଆଣୁଥିବା ଲୋକଙ୍କ ସହ ସେହି ଅଭିନେତ୍ରୀଙ୍କୁ ବି ଛି ଛା କରୁଛନ୍ତି ।
କିନ୍ତୁ ପୂର୍ବରୁ ବଲିଉଡ଼ର ଯେତେ ସବୁ ଷ୍ଟାରମାନେ ଆସିଛନ୍ତି ଓଡ଼ିଶାଲୋକ ସେମାନଙ୍କୁ ଖୁବ୍ ଆଦର ସମ୍ମାନ ଦେଇଛନ୍ତି । କାରଣ ସେମାନେ ବି ସେମାନଙ୍କ ଆଚାର ବ୍ୟବହାରରେ ଆମ ଓଡ଼ିଶା ଲୋକଙ୍କ ହୃଦୟ ଜିଣିଛନ୍ତି । ଆଉ ସାମ୍ବିଦିକମାନଙ୍କୁ ବହୁ ସମ୍ମାନ ସହଯୋଗ କରିଛନ୍ତି । ଯେଉଁଥିପାଇଁ ଓଡ଼ିଶା ମିଡ଼ିଆରେ ବି ସେମାନେ ଅନେକ ସମୟରେ ଖବରର ଶିରୋନାମା ପାଲଟିଛନ୍ତି । ଆଉ ଆମ ଓଡ଼ିଶାର ସେଲିବ୍ରେଟିଙ୍କୁ ବି ସେମାନେ ଖୁବ୍ ଆଦର ସମ୍ମାନ କରିଛନ୍ତି । ଓଡ଼ିଶାର ଖାଦ୍ୟ ପାଣି ପବନ ସଂସ୍କୃତି ଓ ପରମ୍ପରା କୁ ବି ସେମାନେ ଖୁବ ଭଲ ପାଇଛନ୍ତି । ଆଉ ପ୍ରଶଂସା ବି କରିଛନ୍ତି । ସେଇଥିପାଇଁ ସେମାନେ ଓଡ଼ିଆଙ୍କର ପ୍ରିୟ ହୋଇ ରହିଛନ୍ତି । ଏମାନଙ୍କୁ ବେଶି ଚର୍ଚ୍ଚା କରାଇଛନ୍ତି ଆମର ଏହି ଓଡ଼ିଶାର ସାମ୍ବାଦିକମାନେ । ସେମାନେ ବି ଆମ ସାମ୍ବାଦିକମାନଙ୍କୁ ବହୁ ସମୟ ଦିଅନ୍ତି ।
