ମୁମ୍ବାଇ ୧୫।୧୧ : ବୁଧବାର ମୁମ୍ବାଇରେ ଖେଳାଯିବ ହାଇଭୋଲଟେଜ୍ ମ୍ୟାଚ୍ । ବିଶ୍ୱକପ୍ ୨୦୨୩ର ପ୍ରଥମ ସେମିରେ ମୁହାଁମୁହିଁ ହେବେ ଭାରତ ଓ ନ୍ୟୁଜିଲାଣ୍ଡ । ହେଲେ ମ୍ୟାଚ୍ ପୂର୍ବରୁ ଆସିଛି ଧମକପୂର୍ଣ୍ଣ ଟୁଇଟ୍ । ୱାଙ୍ଖଡେ ଷ୍ଟାଡିୟମରେ ବଡ଼ଧରଣର ଅଘଟଣର ଚେତାବନୀ ଦିଆଯାଇଛି।
wp:embed {"url":"https://www.prameyanews7.com/india-vs-new-zealand-semifinal-predicted-playing-xi-of-both-teams/","type":"wp-embed","providerNameSlug":"prameya-news-7"}ଖବର ଅନୁଯାୟୀ, ବୁଧବାର ଦିନ ମୁମ୍ବାଇର ଓ୍ୱାଙ୍ଖେଡ ଷ୍ଟାଡିୟମ୍ରେ ଖେଳାଯିବ ଭାରତ-ନ୍ୟୁଜିଲାଣ୍ଡ ପ୍ରଥମ ସେମି ମୁକାବିଲା । ହେଲେ ଏହା ପୂର୍ବରୁ ମୁମ୍ବାଇ ପୋଲିସକୁ ଆସିଛି ଧମକପୂର୍ଣ୍ଣ ମେସେଜ୍ । ଯେଉଁଥିରେ ସେମି ଫାଇନାଲରେ କିଛି ବଡ଼ ଧରଣର ଅଘଟଣ ଘଟିବା ନେଇ ଚେତାବନୀ ଦିଆଯାଇଛି । ଏକ ଟ୍ୱିଟର ହ୍ୟାଣ୍ଡେଲ୍ରୁ ମୁମ୍ବାଇ ପୋଲିସକୁ ଟ୍ୟାଗ୍ କରାଯାଇଛି । ତେବେ ମାମଲାରୁ ବହୁତ ଗମ୍ଭୀରତା ସହ ନେଇଛି ମୁମ୍ବାଇ ପୋଲିସ । ଏପିରିକି ଷ୍ଟାଡିୟମ ପରିସରରେ ଚେକିଂ ଏବଂ ବ୍ଲକିଂକୁ ଆହୁରି ଜୋରଦାର କରିଛି ।
ସେପଟେ ଏହି ଘଟଣାରେ ମୁମ୍ବାଇ ପୋଲିସ କହିଛନ୍ତି ଯେ, ସୋସିଆଲ୍ ମିଡିଆରେ ଏକ ଧମକପୂର୍ଣ୍ଣ ମେସେଜ ଆସିଛି । ତେବେ କିଏ କରିଛି, ଏବେ ଯାଏଁ ତାହା ସ୍ପଷ୍ଟ ହୋଇନାହିଁ । କିନ୍ତୁ ମୁମ୍ବାଇ ପୋଲିସ ସଜାଗ ରହିଛି । ଷ୍ଟାଡିୟମ୍ ପରିସରରେ ସୁରକ୍ଷା ବ୍ୟବସ୍ଥା କଡ଼ାକଡି ରହିଛି । ଆବଶ୍ୟକ ପଡିଲେ ଆହୁରି କଠୋର ସୁରକ୍ଷା ବ୍ୟବସ୍ଥା ଗ୍ରହଣ କରିବ ।
wp:embed {"url":"https://www.prameyanews7.com/many-celebrate-likely-to-attend-the-semi-final-at-wankhede/","type":"wp-embed","providerNameSlug":"prameya-news-7"}ତେବେ ଆଜିର ମ୍ୟାଚ୍ ଲାଗି ମୁମ୍ବାଇ ପୋଲିସ ୭ ଜଣ ବରିଷ୍ଠ ପୋଲିସ ଅଧିକାରୀ, ୨୦୦ ଅଧିକାରୀ, ୭୦୦ ପୋଲିସ କର୍ମୀଙ୍କୁ ମୁତୟନ କରିଛି । ଖାସ୍ କରି ଷ୍ଟାଡିୟମ୍ ଭିତରେ ଏବଂ ବାହାରେ କଡ଼ାକଡ଼ି କରାଯାଇଛି । ସେହିପରି ପାର୍କିଂ ଏରିଆରେ ମଧ୍ୟ କଡ଼ା ନଜର ରଖାଯାଇଛି । ଷ୍ଟାଡିୟମ୍ ଭିତରକୁ କୌଣସି ସମ୍ବେଦନଶୀଳ ନେଇକି ଯିବାକୁ ବାରଣ କରାଯାଇଛି ।
ସୂଚନାଯୋଗ୍ୟ ଯେ, ବୁଧବାର ଅପରାହ୍ନ ୨ଟାରେ ମୁହାଁମୁହିଁ ହେବେ ଭାରତ-ନ୍ୟୁଜିଲାଣ୍ଡ । ବିଶ୍ୱକପ୍ ୨୦୨୩ରେ ପ୍ରଥମ ସେମି ଫାଇନାଲ ମୁମ୍ବାଇରେ ଖେଳାଯିବ । ଏଥିପାଇଁ ଉଭୟ ଦଳ ମଧ୍ୟ ଜୋରଦାର ଅଭ୍ୟାସ କରିଛନ୍ତି । ତେଣୁ ଉଭୟ ଟିମ୍ ଏହି ମ୍ୟାଚ୍ ଜିତି ଫାଇନାଲ୍ ଟିକେଟ୍ ହାତେଇବାକୁ ଲକ୍ଷ୍ୟ ରଖିଛି ।
wp:embed {"url":"https://www.prameyanews7.com/ankita-lokhnde-may-pregnant-in-bigg-boss-17/","type":"wp-embed","providerNameSlug":"prameya-news-7"}
