suno sunao
Aao Nxt
suno sunao
AAo728x90 (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, odisha news,khabar odisha,news in oriya

କୋଲକାତା ବିପକ୍ଷରେ ସବୁଠୁ ଶକ୍ତିଶାଳୀ ଦଳକୁ ନେଇ ପଡିଆକୁ ଓହ୍ଲାଇବ ମୁମ୍ବାଇ ! ଆପଣାଇବ ନୂଆ ରଣନୀତି

23/09/2020 at 6:01 PM

ଆବୁଧାବି, ୨୩ ।୦୯: ଆଇପିଏଲ-୨୦୨୦ର ପଞ୍ଚମ ମୁକାବିଲାରେ ମୁହାଁମୁହିଁ ହେବେ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ୍ ରାଇଡର୍ସ । ଆବୁଧାବିରେ ଖେଳାଯିବାକୁ ଥିବା ଏହି ମ୍ୟାଚ୍ କେକେଆରର ପ୍ରଥମ ମ୍ୟାଚ୍ ହେବ । ତେବେ ମୁମ୍ବାଇ ନିଜର  ପ୍ରଥମ ମ୍ୟାଚରେ ଚେନ୍ନାଇଠୁ ପରାସ୍ତ ହୋଇଛି । ଏହି ମ୍ୟାଚ୍ ଜିତି ମୁମ୍ବାଇ ଟ୍ରାକ୍‌କୁ ଫେରିବା ନେଇ ଲକ୍ଷ୍ୟ ରଖିଛି । ମୁମ୍ବାଇର ଅଧିନାୟକ ରୋହିତ ମ୍ୟାଚ୍ ଜିତିବା ପାଇଁ କେଉଁ ୧୧ଜଣ ଖେଳାଳିଙ୍କୁ ଚୟନ କରିବେ ତାହା ଉପରେ ରହିଛି ସମସ୍ତଙ୍କ ନଜର ।

ପ୍ରଥମ ମ୍ୟାଚରେ ମୁମ୍ବାଇ ହାରିବା ପରେ କୋଲକାତା ବିପକ୍ଷରେ ଦଳରେ ଅନେକ ପରିବର୍ତ୍ତନ କରିବ ବୋଲି ସ୍ପଷ୍ଟ ହୋଇଛି । ଦ୍ରୁତ ବୋଲର ଜେମ୍ସ ପଣ୍ଟିସନଙ୍କ ବଦଳରେ ଦଳ ନାଥାନ କୁଲ୍ଟରଙ୍କୁ ସ୍ଥାନ ଦେଇପାରେ । କୁଲ୍ଟର ପ୍ରଥମ ମ୍ୟାଚରେ ଫିଟ୍ ନଥିଲେ । ତେବେ ସେ ଆସିଲେ ମୁମ୍ବାଇକୁ ଫାଇଦା ମିଳିବ । କାରଣ ସେ ଲୋଅର୍ ଅର୍ଡରରେ ଭଲ ବ୍ୟାଟିଂ ମଧ୍ୟ କରିଥାନ୍ତି ।  କହିବାକୁ ଗଲେ ସେ ଜଣେ ଭଲ ଅଲରାଉଣ୍ଡର ।ଏପରିକି ତାଙ୍କ ଫିଲ୍ଡିଂ ମଧ୍ୟ ଉଚ୍ଚକୋଟୀର । ଏହା ବ୍ୟତୀତ ମଧ୍ୟ ଦଳରେ ଅନେକ ପରିବର୍ତ୍ତନ ଦେଖିବାକୁ ମିଳିପାରେ ।

ମୁମ୍ବାଇକୁ ନିଜ ରଣନୀତି ଉପରେ ମଧ୍ୟ ଧ୍ୟାନ ଦେବାକୁ ପଡିବ । ଗତ ମ୍ୟାଚରେ ଦଳ ଆକ୍ରମଣାତ୍ମକ ଆରମ୍ଭ କରିଥିଲେ ମଧ୍ୟ ବଡ ସ୍କୋର କରିପାରି ନଥିଲା । ଓ୍ୱିକେଟ୍ ପଡିବା ପରେ ଦଳ ସଠିକ୍ ଢଙ୍ଗରେ ଖେଳିପାରି ନଥିଲା । ତେବେ କୋଲକାତା ବିରୋଧରେ ମୁମ୍ବାଇର ଭଲ ରେକର୍ଡ ରହିଛି । ମୁମ୍ବାଇ କୋଲକାତା ମଧ୍ୟରେ ଖେଳାଯାଇଥିବା ୨୫ଟି ମ୍ୟାଚରୁ ମୁମ୍ବାଇ ୧୯ଟି ମ୍ୟାଚ୍ ଜିତିଛି ।

ସମ୍ଭାବ୍ୟ ଦଳ- ରୋହିତ ଶର୍ମା, କ୍ଲିଣ୍ଟନ୍ ଡିକକ୍, ସୂର୍ଯ୍ୟକୁମାର ଯାଦବ, ସୌରଭ ତିଓ୍ୱାରୀ, କିରନ୍ ପୋଲାର୍ଡ, ହାର୍ଦ୍ଦିକ ପାଣ୍ଡ୍ୟ, କୃଣାଲ ପାଣ୍ଡ୍ୟା, ନାଥଲ କୁଲ୍ଟର ନାଇଲ, ରାହୁଲ ଚାହର, ଟ୍ରେଣ୍ଟ ବୋଲ୍ଟ ଓ ଜସପ୍ରିତ ବୁମରାହ ।

   Related Posts