ବେଙ୍ଗାଲୁରୁ,୨୬/୦୨: ମହିଳା ପ୍ରିମିୟର ଲିଗ୍ରେ ମୁମ୍ବାଇ ଇଣ୍ଡିଆନ୍ସ ଦ୍ୱିତୀୟ ବିଜୟ । ରବିବାର ଅନୁଷ୍ଠିତ ମ୍ୟାଚ୍ରେ ମୁମ୍ବାଇ ଇଣ୍ଡିଆନ୍ସ ୫ ୱିକେଟ୍ରେ ଗୁଜରାଟ ଜାଏଣ୍ଟ୍ସକୁ ପରାସ୍ତ କରିଛି । ପ୍ରଥମେ ବ୍ୟାଟିଂ କରି ଗୁଜରାଟ ଜାଏଣ୍ଟ୍ସ ୯ ୱିକେଟ୍ ବିନିମୟରେ ୧୨୬ ରନ୍ ସଂଗ୍ରହ କରିଥିଲା । ଜବାବରେ ମୁମ୍ବାଇ ଇଣ୍ଡିଆନ୍ସ ୧୮.୧ ଓଭରରେ ୫ ୱିକେଟ୍ ହରାଇ ଆବଶ୍ୟକ ରନ୍ ସଂଗ୍ରହ କରି ନେଇଥିଲା ।
ଟସ୍ ଜିତି ମୁମ୍ବାଇ ଇଣ୍ଡିଆନ୍ସ ଫିଲ୍ଡିଂ ନିଷ୍ପତ୍ତି ନେଇଥିଲା । ଦକ୍ଷିଣ ଆଫ୍ରିକୀୟ ପେସ୍ ବୋଲର ସବନିମ ଇସମାଇଲ ଘାତକ ବୋଲିଂ କରି ପ୍ରାରମ୍ଭିକ ବିପର୍ଯ୍ୟୟ ଘଟାଇଥିଲେ । ବେଦା କ୍ରିଷ୍ଣମୂର୍ତ୍ତୀ ଖାତା ଖୋଲିପାରି ନଥିବା ବେଳେ ହର୍ଲିନ ଦେଓଲ ୮ରନ୍ କରିଥିଲେ । ଅନ୍ୟ ଓପନର ବେଥ ମୁନି ସତର୍କତାର ସହ ଖେଳି ୨୪ ରନ୍ କରିଥିଲେ ହେଁ ସେ ଶେଷରେ ସବିନମଙ୍କ ଶୀକାର ସାଜିଥିଲେ ।
ନ୍ୟୁଜିଲାଣ୍ଡ ଲେଗ୍ ସ୍ପିନର ଆମେଲିଆ କେର ମଧ୍ୟ ଭାଗ ବ୍ୟାଟରଙ୍କୁ ସହଳ ପାଭିଲିୟନ ପଠାଇଥିଲେ । ଫଳରେ ଗୁଜରାଟ ୧୨୬ ରନ୍ରେ ଅଟକି ଯାଇଥିଲା। ଅନ୍ୟମାନଙ୍କ ମଧ୍ୟରେ ତନୁଜା କୱଁର ୨୮, କାଥରିନ ବ୍ରାଇସ ଅପରାଜିତ ୨୫ ଓ ଆସଲି ଗାର୍ଡନର ୧୫ ରନ୍ କରିଥିଲେ । ଅନ୍ୟ କେହି ଦୁଇ ଅଙ୍କ ଛୁଇଁ ପାରି ନଥିଲେ । ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଆମେଲିଆ ୧୭ ରନ୍ରେ ୪ଟି ୱିକେଟ୍ ନେଇଥିଲେ । ସେହିପରି ଇସମାଇଲ ୩ଟି ୱିକେଟ୍ ଅକ୍ତିଆର କରିଥିଲେ ।
wp:embed {"url":"https://www.prameyanews7.com/ranchi-test-excitement-indias-path-to-victory-is-clear-need-152-runs-to-win/","type":"wp-embed","providerNameSlug":"prameya-news-7"}ଜବାବରେ ମୁମ୍ବାଇ ଇଣ୍ଡିଆନ୍ସ ସହଳ ୩ଟି ୱିକେଟ୍ ହରାଇଥିଲା । ମାତ୍ର ହର୍ମନପ୍ରୀତ ଗୋଟିଏ ପଟେ ଦୃଢ ବ୍ୟାଟିଂ ଜାରି ରଖି ଦଳକୁ ବିଜୟୀ କରାଇଥିଲେ । ସେ ୫ ଚୌକା ଓ ୧ ଛକା ବଳରେ ଅପରାଜିତ ୪୨ ରନ୍ କରିଥିଲେ । ଅନ୍ୟମାନଙ୍କ ମଧ୍ୟରେ ଆମେଲିଆ କେର୍ ୩୧ ଓ ନାତାଲି ସ୍କିଭର-ବ୍ରଣ୍ଟ ୨୨ ରନ୍ କରିଥିଲେ ।
