ସୋର ୨୩।୬: ଥାନାରେ ଖଚର ଅଟକ । ଖଚରର ମାଲିକ କିଏ ? ବାଲେଶ୍ଵର ଜିଲ୍ଲା ସୋର ବ୍ଲକ୍ ସୋର ଅନନ୍ତପୁର ରାସ୍ତା ପାଖର ଛକ ନିକଟରେ ଖଚରଟି ଛିଡା ହୋଇଥିବା ଦେଖିବାକୁ ମିଳିଥିଲା । ଆଦର୍ଶ ଗ୍ରୁପର ସମାଜସେବୀ ସଞ୍ଜୟ ଦାସ ସୋର ବଜାରକୁ ଆସୁଥିବା ବେଳେ ରାସ୍ତାରେ ଛିଡା ହୋଇଥିବା ଖଚରକୁ ଦେଖିବାକୁ ପାଇଥିଲେ। ସଞ୍ଜୟ ସେହି ଖଚରକୁ ଆଣି ସୋର ଥାନାରେ ଜିମା ଦେଇଥିଲେ । ଏପର୍ଯ୍ୟନ୍ତ ଖଚରର କୌଣସି ଠିକଣା ମିଳିନଥିବା ବେଳେ ଏହାର ମାଲିକ କିଏ ତାହା ମଧ୍ୟ ଜଣା ପଡିନାହିଁ ।
ଦୀର୍ଘ ୧୦ଘଣ୍ଟାରୁ ଅଧିକ ସମୟ ଧରି ଖଚରଟି ସୋର ଥାନାରେ ଅଟକ ରହିଛି । ତେବେ ସୋର ପୋଲିସ ଖଚରକୁ ସ୍ଥାନୀୟ ଗୋଶାଳାକୁ ହସ୍ତାନ୍ତର ପାଇଁ ପ୍ରକ୍ରିୟା ଆରମ୍ଭ କରିଛି ।