ସମ୍ବଲପୁର: ସମ୍ବଲପୁରର ନୂତନ ଏସପି ଭାବେ ଯୋଗ ଦେଇଛନ୍ତି ମୁକେଶ କୁମାର ଭାମୁ । ମୁକେଶ ଭାମୁ ୨୦୧୩ ବ୍ୟାଚର ଆଇପିଏସ୍ ଅଧିକାରୀ ।  ଏହା ପୂର୍ବରୁ ସେ ବରଗଡ ଓ ରାଉଲକେଲା ଏସପି ଭାବେ ଦକ୍ଷତାର ସହ କାର୍ଯ୍ୟ କରିଛନ୍ତି। ସମ୍ବଲପୁର ଏସପି ବାତୁଲା ଗଙ୍ଗାଧରଙ୍କ ଠାରୁ ସେ ଆଜି ଦାୟିତ୍ୱ ଗ୍ରହଣ କରିଛନ୍ତି । ନୂତନ ଏସପି ଭାବେ ଯୋଗ ଦେବା ସମୟରେ ଜିଲ୍ଲା ପୋଲିସର ବରିଷ୍ଠ ଅଧିରୀମାନେ ଉପସ୍ଥିତ ରହିଥିଲେ । ପ୍ରାୟ ସମସ୍ତ ଥାନାର ଥାନାଧିକାରୀ, ବୁର୍ଲା ଓ ସଦର ଏସଡ଼ିପିଓ , ଅତିରିକ୍ତ ଏସପି ତପନ ମହାନ୍ତି ପ୍ରମୁଖ ଉପସ୍ଥିତ ରହି ନୂତନ ଏସପିଙ୍କୁ ସ୍ଵାଗତ କରିଥଲେ ।

ଏ ଖବର ପଢନ୍ତୁ- AICC ଶୃଙ୍ଖଳା କମିଟିର ଆକ୍ସନ, ଚିରଞ୍ଜୀବି ଓ ମୋକିମଙ୍କୁ କାରଣ ଦର୍ଶାଅ ନୋଟିସ୍

ସହରରେ ଶାନ୍ତି ଶୃଙ୍ଖଳା ରକ୍ଷା କରିବା ସହ ଅପରାଧିକ ତତ୍ତ୍ଵଙ୍କୁ ସାବାଡ କରିବା ତାଙ୍କର ଲକ୍ଷ୍ୟ ବୋଲି ନୂତନ ଏସପି  ଭାମୁ ଗଣମାଧ୍ୟମଙ୍କୁ କହିଛନ୍ତି । ସହରରେ ଚାଲୁଥିବା ଅବାଧ ଚୋରି, ଡକାୟତି,  ଜୁଆ ଓ ନିଶା କାରବାର ରୋକିବା ଦିଗରେ ସେ ପ୍ରଥମରୁ କାମ କରିଛନ୍ତି ଓ ଆଗକୁ କରିବେ ବୋଲି ଭାମୁ କହିଛନ୍ତି । ଜିଲ୍ଲାରେ ଏକ ସୁସ୍ଥ ଓ ଭୟମୁକ୍ତ ପରିବେଶ ସୃଷ୍ଟି ପାଇଁ ନୂତନ ଏସପି ସମ୍ବଲପୁରବାସୀଙ୍କ ସାହାଯ୍ୟ ଓ ସହଯୋଗ ଲୋଡିଛନ୍ତି । ବିଦାୟୀ ଏସପି ବାତୁଲା ଗଙ୍ଗାଧରଙ୍କ ମୟୁରଭଞ୍ଜ ଜିଲ୍ଲାକୁ ବଦଳି ହେବାପରେ ରାଉରକେଲା ଏସପି ମୁକେଶ କୁମାର ଭାମୁଙ୍କୁ ସମ୍ବଲପୁରକୁ ବଦଳି ହୋଇଛି । ଆଜିଠାରୁ ମୁକେଶ କୁମାର ଭାମୁ ସମ୍ବଲପୁର ଏସପି ଭାବେ କାମ ଆରମ୍ଭ କରିଛନ୍ତି ।