ପାରାଦୀପ, ୧୭/୦୮: କୁଜଙ୍ଗ ବ୍ଲକ କାଠକୋଟର କାଠକୋଟ ନଦୀବନ୍ଧ ପାଇକା ନଦୀରେ ଘଳିଆରୁ ସୃଷ୍ଟି ହୋଇଛି ଘାଇ । ଫଳରେ ତୀବ୍ର ଗତିରେ ଗ୍ରାମ ଭିତରକୁ ପାଣି ପଶୁଥିବା ଦେଖିବାକୁ ମିଳିଛି l ଯାହାକୁ ନେଇ କାଠକୋଟ, ବାଣେଶ୍ୱର, ଗୋବର୍ଦ୍ଧନପୁର, ରାଇଁତୋଳା ପ୍ରଭୁତି ଗ୍ରାମ ଜଳମଗ୍ନ ହେବାରେ ଲାଗିଛି l ନଦୀର ପ୍ରଖର ସ୍ରୋତ ନିକଟରେ ରହିଥିବା ଗ୍ରାମ ମଧ୍ୟକୁ ପ୍ରବେଶ କରିବାରେ ଲାଗିଛି ବନ୍ୟା ଜଳ l

ଏହାର ପ୍ରଭାବରେ ଖୁବ କମ ସମୟ ମଧ୍ୟରେ ଖୋସାଲପୁର ଛକ ଠାରୁ କାଠକୋଟ ଯାଇଥିବା ରାସ୍ତା ବୁଡିଥିବା ଦେଖିବାକୁ ମିଳିଛି l ଯାହାଫଳରେ ଖୁବ କମ ସମୟ ମଧ୍ୟରେ କାଠକୋଟ ସହିତ ଏକାଧିକ ଗ୍ରାମ ଜଳବନ୍ଦୀ ହେବାର ସମ୍ଭାବନା ସୃଷ୍ଟି ହୋଇଛି l