vridhi excotica
ratha jatra live
star kirano
ori homes
vridhi excotica
ratha jatra live
star kirano
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସନ୍ୟାସ ନେବାପରେ ଚାଷୀଙ୍କ ପାଇଁ କାମ କରିବେ ଧୋନୀ !

16/08/2020 at 5:46 PM

ନୂଆଦିଲ୍ଲୀ ୧୬/୦୮ : ମହେନ୍ଦ୍ର ସିଂହ ଧୋନୀ ଅନ୍ତର୍ଜାତୀୟ କ୍ରିକେଟରୁ ସନ୍ୟାସ ନେଇଛନ୍ତି | ଗତବର୍ଷ ବିଶ୍ୱକପ ପରେ ପରେ ଧୋନୀ ପ୍ରାୟତଃ କ୍ରିକେଟରୁ ଦୁରେଇ ଯାଇଥିଲେ | ସେବେଠାରୁ ତାଙ୍କ ଭବିଷ୍ୟତକୁ ନେଇ ନାନା କଳ୍ପନା ଜଳ୍ପନା ଆରମ୍ଭ ହୋଇଛି | କ୍ରିକେଟରୁ ଦୂରେଇବା ପରେ ଧୋନୀ ଆର୍ମିରେ ଟ୍ରେନିଂ ନେଇଥିଲେ | ସେତେବେଳେ ସେ ଟେନିସ, ଗଲ୍ଫ ମଧ୍ୟ ଖେଳିଛନ୍ତି | ସେତେବେଳେ ସେ ୮ ଲକ୍ଷର ଏକ ଟ୍ରାକ୍ଟର ମଧ୍ୟ କିଣିଥିଲେ | ଟ୍ରାକ୍ଟରରେ ତାଙ୍କୁ କ୍ଷେତରେ ମଧ୍ୟ ଦେଖିବାକୁ ମିଳିଥିଲା | ଭବିଷ୍ୟତରେ ସେ ଅର୍ଗାନିକ ଫାର୍ମ କରିବେ ବୋଲି ମଧ୍ୟ କୁହାଯାଉଥିଲା |

ବର୍ତ୍ତମାନ ଖବର ଆସୁଛି ଯେ କ୍ରିକେଟରୁ ସନ୍ୟାସ ନେବାପରେ ଧୋନୀ ଅର୍ଗାନିକ ଫାର୍ମିଙ୍ଗ ଏବଂ ଚାଷୀଙ୍କ ପାଇଁ କୌଣସି ବଡ ପଦକ୍ଷେପ ନେଇପାରନ୍ତି | ଏବିପି ଖବର ଅନୁସାରେ ଧୋନୀ ଚାଷୀଙ୍କୁ ସାହାଯ୍ୟ କରିବାକୁ ଚାହୁଁଛନ୍ତି ଏବଂ ଏଥିପାଇଁ ସେ ନ୍ୟୁ ଗ୍ଲୋବାଲ ନାମକ ଏକ ବ୍ରାଣ୍ଡ ମଧ୍ୟ ନେବାକୁ ଯାଉଛନ୍ତି |

ଧୋନୀ ଆରମ୍ଭରୁ ହିଁ କ୍ରିକେଟ ଛଡା ଦେଶ ପାଇଁ କିଛି କରିବାକୁ ମନ ବଳାଇଥିଲେ | ସେଥିପାଇଁ ସେ ଚାଷୀଙ୍କୁ ସାହାଯ୍ୟ କରିବାକୁ ଯୋଜନା କରୁଛନ୍ତି | ଖବର ଅନୁଯାୟୀ, ଧୋନୀ ଦୂର ଦୁରାନ୍ତର ଚାଷୀଙ୍କ ପାଇଁ କମ ଦାମରେ ଶସ୍ତା ସାରା ପହଞ୍ଚାଇବାକୁ ଚାହୁଁଛନ୍ତି | ଏଥିପାଇଁ ଧନୀଙ୍କ କମ୍ପାନୀ ରାଜ୍ୟ ସରକାରଙ୍କ ସହ କଥାବାର୍ତ୍ତା କରୁଛି |

କେବଳ ଚାଷୀଙ୍କ ପାଇଁ ନୁହେଁ ବରଂ ଗରିବ ଓ ପ୍ରତିଭାଶାଳୀ ପିଲାଙ୍କୁ ପାଠ ମଧ୍ୟ ପଢାଇବାକୁ ଚାହୁଁଛନ୍ତି | ସେଥିପାଇଁ ଗ୍ଲୋବାଲ ସ୍କୁଲ କରିବାକୁ ଯୋଜନା କରୁଛନ୍ତି | ତେବେ ଧୋନୀ ସମ୍ପୂର୍ଣ ଭାବେ ଅର୍ଗାନିକ ଫାର୍ମ କରିବେ ନା ଚାଷୀଙ୍କୁ ବି ସାହାଯ୍ୟ କରିବେ ତାହା ଏଯାଏଁ ସ୍ପଷ୍ଟ ହୋଇନାହିଁ | ଧୋନୀ ଜୁନ ମାସରେ ୮ ଲକ୍ଷ ଟଙ୍କାର ଏକ ଟ୍ରାକ୍ଟର କିଣିଥିଲେ | ରାଞ୍ଚିରେ ଧୋନୀଙ୍କ ଫାର୍ମହାଉସ ୭ ଏକର ଜମିରେ ରହିଛି | ଏହି ଜମିରେ ସେ ଏକ ଆକର୍ଷଣୀୟ ଘର ତିଆରି କରିଛନ୍ତି | ଏହି ଫାର୍ମହାଉସରେ ସେ ଏକ ବଡ ପାର୍କ ମଧ୍ୟ ତିଆରି କରିଛନ୍ତି |

   Related Posts