ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

ବର୍ଷକୁ ୮୦୦ କୋଟି ଆୟ କରନ୍ତି ଧୋନୀ, କିନ୍ତୁ କରୋନା ମୁକାବିଲା ପାଇଁ ଦେଲେ ମାତ୍ର ୧ ଲକ୍ଷ ଟଙ୍କା, ସେପଟେ ହୃଦୟ ଜିତିଲେ ସଚିନ

27/03/2020 at 2:27 PM

ମୁମ୍ବାଇ, ୨୭|୦୩: ସାରା ବିଶ୍ୱରେ କରୋନା ଭାଇରସ ମହାମାରୀର ରୂପ ନେବା ସହ ୨୩ ହଜାରରୁ ଅଧିକ ଜୀବନ ନେଲାଣି । ଭାରତରେ ମଧ୍ୟ କରୋନା ସଂକ୍ରମିତଙ୍କ ସଂଖ୍ୟା ୭୦୦ରେ ପହଁଚିଛି । ଏହି ସମୟରେ ଦେଶବିଦେଶର ଅନେକ ଖେଳାଳି ଓ ସେଲିବ୍ରିଟୀ ସହାୟତାର ହାତ ବଢାଇଛନ୍ତି । ଏବେସୁଦ୍ଧା ଭାରତୀୟ ଦଳର କୌଣସି ଖେଳାଳି ସହାୟତା ପାଇଁ ଆଗକୁ ଆସିନାହାଁନ୍ତି । କିନ୍ତୁ ପୂର୍ବତନ ଖେଳାଳି ସଚିନ ତେନ୍ଦୁଲକର ଓ କ୍ରିକେଟରୁ ଦୂରରେ ରହିଥିବା ଏମଏସ ଧୋନୀ ପୀଡତଙ୍କୁ ସାହାଯ୍ୟର ହାତ ବଢାଇଛନ୍ତି ।

କେବଳ ମହାରାଷ୍ଟ୍ରରେ ୧୨୦ରୁ ଅଧିକ କରୋନା ସଂକ୍ରମିତଙ୍କ ମାମାଲା ସାମ୍ନାକୁ ଆସିଛି । ଏହା ମଧ୍ୟରେ ଧୋନୀ ପୁଣେର ଶ୍ରମିକଙ୍କ ପାଇଁ ଏକ ଲକ୍ଷ ଟଙ୍କା ଦାନ କରିଛନ୍ତି । ତେବେ ଧୋନୀଙ୍କ ଏହି ଆର୍ଥିକ ସହାୟତାକୁ ସୋସିଆଳ ମିଡିଆରେ ଫ୍ୟାନମାନେ ଟ୍ରୋଲ୍ କରିଛନ୍ତି । ବାର୍ଷିକ ୮୦୦ କୋଟି ଆୟ କରୁଥିବା ଧୋନୀ ମାତ୍ର ୧ ଲକ୍ଷ ଟଙ୍କା ପ୍ରଦାନ କରିଥିବାରୁ ଫ୍ୟାନମାନେ ଅସନ୍ତୋଷ ପ୍ରକାଶ ମଧ୍ୟ କରିଛନ୍ତି । ସେହିପରି ସଚିନ ମଧ୍ୟ ମହାରାଷ୍ଟ୍ର ସରକାର ଓ ପ୍ରଧାନମନ୍ତ୍ରୀ ରିଲିଫ୍ ଫଣ୍ଡକୁ ୨୫ ଲକ୍ଷ ଟଙ୍କା ଲେଖାଏଁ ଦାନ କରିଛନ୍ତି ।

ଧୋନୀ କ୍ରାଉଡ୍ ଫିଡିଂ ଓ୍ୱେବସାଇଟ୍ ଜରିଆରେ ମୁକୁଲ ଯାଧବ ଫାଉଣ୍ଡେସନ ଟ୍ରଷ୍ଟକୁ ଏହି ୧ ଲକ୍ଷ ଟଙ୍କା ଦାନ କରିଛନ୍ତି । ଧୋନୀଙ୍କ ପତ୍ନୀ ସାକ୍ଷୀ ଇନଷ୍ଟାଗ୍ରାମରେ ଏହାର ଲିଙ୍କ୍ ସେୟାର କରିଛନ୍ତି ।

   Related Posts