ଖଲ୍ଲିକୋଟ ୦୩/୦୨: ଭୁବନେଶ୍ୱରରୁ ବ୍ରହ୍ମପୁର ଅଭିମୁଖେ ଆସୁଥିବା ଖମ୍ବେଶ୍ଵରୀ ଘରୋଇ ବସରେ ଅଭାବନୀୟ ଘଟଣା । ଉକ୍ତ ବସରେ ଯାଉଥିବା ଜଣେ ମହିଳାଙ୍କ ହଠାତ ମୃତ୍ୟୁ ହୋଇଥିଲା । ତେବେ ମୃତଦେହକୁ ହସ୍ପିଟାଲ ପଠାଇବା ବଦଳରେ ବିଚ୍ ରାସ୍ତାରେ ଫୋପାଡି ଚାଲିଗଲେ । ଗଞ୍ଜାମ ୧୬ନଂ ଜାତୀୟ ରାଜପଥ ଶନି ମନ୍ଦିର ଠାରେ ଓଲ୍ଲାଇ ଦେଇ ଚାଲିଯିବା ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।

ସୂଚନାଥାଉକି, ପାଟପୁର ଥାନା ଅନ୍ତର୍ଗତ ଗୌତମୀ ପଞ୍ଚାୟତର ପଦ୍ମତୋଳା ଗାଁ ସୁଜିତ ସ୍ୱାଇଁ ନିଜର ଅସୁସ୍ଥ ମାଆଙ୍କ ଚିକିତ୍ସା ପାଇ ମାଆ ଭୁବନେଶ୍ୱରର ଏକ ଘରୋଇ ମେଡିକାଲ ନେଇଥିଲେ । ସେଠାରୁ ଚିକିତ୍ସା ପରେ ସେମାନେ ଘରକୁ ଫେରୁଥିବା ବେଳେ ବସ ଭିତରେ ମାଆଙ୍କର ମୃତ୍ୟୁ ହୋଇଥିଲା । ପୁଅ ଜଣକ ବସ ଡ୍ରାଇଭର ଓ କଣ୍ଡକ୍ଟରଙ୍କୁ ଅବଗତ କରାଇଥିଲେ ।

ତେବେ ଅବଗତ ପରେ ବସ ଷ୍ଟାପ ସେମାନଙ୍କୁ ସେମାନଙ୍କ ଘରକୁ ଫେରାଇବା ବ୍ୟବସ୍ଥା ନକରି ଅଧା ରାସ୍ତାରେ ଛାଡି ଚାଲି ଯାଇଥିଲେ । ଯାହାକୁ ନେଇ ସ୍ଥାନୀୟ ଅଞ୍ଚଳବାସୀ ନିନ୍ଦା କରିଛନ୍ତି । ସେହିବାଟ ଦେଇ ଯାଉଥିବା ଗଞ୍ଜାମ ସହରର ଯୁବ ସ୍ୱେଛାସେବୀ ତଥା ବିଜେଡି ଯୁବ ସଭାପତି ସୁଧିର କୁମାର ପାଢ଼ୀ ନିଜେ କିଛି ଆର୍ଥିକ ସହାୟତା କରିବା ସହ ଅନ୍ୟମାନଙ୍କ ସହଯୋଗରେ ଆମ୍ବୁଲାନ୍ସ ବ୍ୟବସ୍ଥା କରି ଗାଁ କୁ ପଠାଇବାର ବ୍ୟବସ୍ଥା କରିଥିଲେ ।

ସେପଟେ ସୁଧୀର ପାଢ଼ୀଙ୍କ ଏହିଭଳି ସହଯୋଗକୁ ସ୍ଥାନୀୟ ବୁଦ୍ଧିଯିବି ଉଚ୍ଚ ପ୍ରଶଂସା କରିଛନ୍ତି । ଅନ୍ୟପକ୍ଷରେ ବସର ଉଭୟ ଡ୍ରାଇଭର ଓ କଣ୍ଡକ୍ଟରଙ୍କ ଉପରେ କାର୍ଯ୍ୟାନୁଷ୍ଠାନ ଦାବି ଉଠିଛି |