vridhi excotica
ori homes
vridhi excotica
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ୟୁକ୍ରେନରେ ଋଷର ଘନଘନ ଆକ୍ରମଣ, ଲୁହାଂସ୍କକୁ କବଜା କଲା ପୁଟିନ ସେନା
  • ||
  • ସେୟାର ବଜାରରେ ଉତ୍ସାହ : ଆରମ୍ଭରୁ ସବୁଜ ରଙ୍ଗରେ ଖୋଲିଲା ସେନସେକ୍ସ ଓ ନିଫ୍ଟି
  • ||
  • ‘ଶିବସେନାକୁ ଶେଷ କରିବାକୁ ଚାହୁଁଚି ବିଜେପି’ : ଗୁରୁତର ଅଭିଯୋଗ ଆଣିଲେ ଉଦ୍ଧବ
  • ||
  • କାହିଁକି ମ୍ୟାଚରେ ପଛେଇଗଲା ଭାରତ ? କାରଣ କହିଲେ ବ୍ୟାଟିଂ କୋଚ୍
  • ||
  • ଭୂମିକମ୍ପରେ ଥରିଲା ଆଣ୍ଡାମାନ-ନିକୋବର, ରିକ୍ଟର ସ୍କେଲରେ ତୀବ୍ରତା ୫.୦
  • ||
  • ଲଘୁଚାପ ପ୍ରଭାବରେ ୪ ଦିନ ପ୍ରବଳ ବର୍ଷା, ଅଧିକ ଭିଜିବ ଏହି ସବୁ ଜିଲ୍ଲା
  • ||
  • ବୁମରାହଙ୍କ ପଡିଆ ଛାଡିବା ଟିମ୍‌କୁ ପଡିଲା ମହଙ୍ଗା, ଦୁଇଟି ରିଭ୍ୟୁ ବରବାଦ କଲେ ପନ୍ତ
  • ||

ମୃତ ମା’ ସହ ୫ ଦିନ, ଘର ଭିତରୁ ଦୁର୍ଗନ୍ଧ ବାହାରିବା ପରେ କବାଟ ଭାଙ୍ଗି ପୋଲିସ ଦେଖିଲା ଛାତିଥରା ଦୃଶ୍ୟ

24/05/2022 at 12:55 PM

ରାଉରକେଲା ୨୪।୦୫ : ମୃତ ମା ସହ ୫ ଦିନ । ମା’ର ମୃତଦେହ ନିକଟରେ ପାଞ୍ଚ ଦିନ ବସିରହିଲା ଦିବ୍ୟାଙ୍ଗ ଝିଅ । ରାଉରକେଲା ବାସନ୍ତି କଲୋନୀର ଘଟିଛି ଏପରି ଘଟଣା । ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ଝିଅକୁ ଚିକିତ୍ସା ଲାଗି ମେଡିକାଲକୁ ପଠାଇଛି ।

ଖବର ଅନୁଯାୟୀ, ରାଉରକେଲା ଇସ୍ପାତ କାରଖାନାରେ ଠିକା ଶ୍ରମିକ ଥିଲେ ନରୋତ୍ତମ ପୁରୀ । ସେ ବାସନ୍ତୀ କଲୋନୀର କ୍ୱାର୍ଟର୍ସ ନଂ.ଏଫ୍‌ଏଲ୍‌/୨୨୩ରେ ପତ୍ନୀ ମଞ୍ଜୁ ପୁରୀ (୭୦) ଓ ଝିଅ ପ୍ରିୟଙ୍କା (ଚିନୁ)ଙ୍କ ସହ ରହୁଥିଲେ । ଗତବର୍ଷ କରୋନାରେ ନରୋତ୍ତମ ଆଖି ବୁଜି ଦେଇଥିଲେ । ବାପାଙ୍କ ମୃତ୍ୟୁ ପରେ ଝିଅ ମାନସିକ ଭାରସାମ୍ୟ ହରାଇ ବସିଥିଲେ । ଅନେକ ସମୟରେ ପ୍ରିୟଙ୍କା ଘର ଭିତରେ ପ୍ରଳାପ କରୁଥିଲେ । ମଞ୍ଜୁ ବାହାରକୁ କୁଆଡେ ଯାଉଥିଲେ ବାହାର ପଟୁ ତାଲା ପକାଇ ଯାଉଥିଲେ । କାରଣ କାଳେ ଝିଅ କବାଟ ଖୋଲି କୁଆଡ଼େ ପଳାଇଯିବ । ହେଲେ ୫ ଦିନ ଘରଟି ବନ୍ଦ ରହିଥିଲା । ବାହାରୁ ତାଲା ପଡ଼ିନଥିଲା ।

ତେବେ କିଛି ଦିନ ହେଲା ଭିତରୁ କୌଣସି ଶବ୍ଦ ପାଖ ପଡୋଶୀ ଶୁଣି ନଥିବା କହିଛନ୍ତି । ସୋମବାର ସଂଧ୍ୟାରେ ଘର ଭିତରୁ ଦୁର୍ଗନ୍ଧ ବାହାରୁଥିବା ପଡ଼ୋଶୀ ପୁଲିସ୍‌କୁ ସୂଚନା ଦେଇଥିଲେ । ଉଦିତନଗର ଥାନା ପୁଲିସ୍‌ କବାଟ ଖୋଲି ଗୋଟିଏ ଖଟରେ ମାଆର ଗଳିତ ମୃତଦେହ ଏବଂ ଅନ୍ୟ ଏକ ଖଟରେ ଝିଅଟି ଏକାକୀ ବସିଥିବା ଦେଖିଥିଲା । ପୁଲିସ୍‌ ମୃତଦେହ ଜବତ କରି ରାଉରକେଲା ସରକାରୀ ଡାକ୍ତରଖାନାର ମର୍ଗ ହାଉସ୍‌ ନେଇଥିବା ବେଳେ ଝିଅକୁ ଚିକିତ୍ସା ଲାଗି ଡାକ୍ତରଖାନାକୁ ନିଆଯାଇଛି । ମାଆର ମୃତ୍ୟୁ ବିଷୟରେ ଝିଅ କିଛି କହୁନଥିବାରୁ ପୁଲିସ୍‌ ଚିନ୍ତାରେ ପଡ଼ିଯାଇଛି । ପୁଲିସ୍‌ ସମ୍ପୃକ୍ତ ଘରକୁ ବନ୍ଦ କରିଛି । ମଙ୍ଗଳବାର ଘର ଭିତରେ ଛାନ୍‌ଭିନ୍‌ କରିବା ପରେ ସୁରାକ ଖୋଜିବାକୁ ଚେଷ୍ଟା କରିବ ପୁଲିସ୍‌ ।

   Related Posts