ପାଟଣାଗଡ ୦୧/୦୪: ଯୌତୁକ ପାଇଁ ସ୍ତ୍ରୀକୁ ହତ୍ୟା କଲା ସ୍ଵାମୀ । ଏଭଳି ସଙ୍ଗୀନ ଅଭିଯୋଗ ଆସିଛି ବଲାଙ୍ଗିର ଜିଲ୍ଲା ଲରମ୍ଭା ଥାନା ଇନପୁର ଗାଁରୁ । ମୃତକ ଜଣକ ହେଲେ ସଂଗୀତା ଛତର । ପାଟଣାଗଡ ବ୍ଲକ ଇନପୁର ଗାଁର ନବ ଛତରଙ୍କର ପୁଅ ସାଧୁଚରଣ ଛତର ୨୦୧୮ରେ ଖପ୍ରାଖୋଲ ଥାନା କଟାପାଲି ଗାଁର ସୁବଳ କଠାରଙ୍କ ଝିଅ ସଂଗୀତା କଠାରଙ୍କୁ ବିବାହ କରିଥିଲେ ।

ବାପ ଘର ଅଭିଯୋଗ ଅନୁସାରେ ଗତକାଲି ସିଡିରୁ ପଡି ସଂଗୀତାର ମୃତ୍ୟୁ ହେଇଥିବା ଖବର ଦେଇଥିଲେ । ହେଲେ ଆସିବା ପରେ ଜଣାପଡିଲା ଯେ, ଶାଶୁ ଘର ଲୋକେ ଝିଅକୁ ହତ୍ୟା କରି ଆମହତ୍ୟାର ରୁପ ଦେଇଥିବା ଅଭିଯୋଗ ହୋଇଛି । ଆମହତ୍ୟା ନୁହେଁ ତାକୁ ହତ୍ୟା କରାଯାଇଛି ବୋଲି ଅଭିଯୋଗ କରିଛି ମୃତ ସଂଗୀତାଙ୍କ ବାପା । ତାଙ୍କ କହିବା ଅନୁସାରେ ବିବାହ ପର ଠାରୁ ଶାଶୁ ଘର ଲୋକେ ଯୈୈ।ତୁକ ନିର୍ଯାତନା ଦେଇ ଆସୁଥିବାରୁ ସ୍ଵାମୀ ସ୍ତ୍ରୀ ମଧ୍ୟରେ ଝଗଡା ଲାଗି ରହୁଥିଲା । ଏପରିକି ନିକଟରେ ଏକ ଗାଡି ଦେବାକୁ ଦାବି କରିଥିଲେ ।

ଶୁକ୍ରବାର ଶାଶୁଘର ଲୋକେ ଝିଅକୁ ହତ୍ୟା କରିଥିବା ଅଭିଯୋଗ ହୋଇଛି । ଏନେଇ ରମ୍ଭା ଥାନାରେ ହତ୍ୟା ଓ ଯୌତୁକ ମାମଲା ରୁଜୁ ହେବା ସହ ଘଟଣାର ତଦନ୍ତ ଆରମ୍ଭ ହୋଇଛି । ଘଟଣାରେ ସ୍ଵାମୀ ସାଧୂଚରଣ ଛତରକୁ ଅଟକ ରଖି ପଚରାଉଚରା କରୁଛି ପୋଲିସ । ତେବେ ଏହା ଆମହତ୍ୟା ନା ହତ୍ୟା ତାହା ପୋଷ୍ଟମଟମ ରିପୋର୍ଟ ପରେ ଜଣାପଡିବ ବୋଲି ପୋଲିସ କହିଛି ।