ଭୁବନ, ୨୧|୦୮: ଶୌଚ କରିବାକୁ ଯାଇ ଆଉ ଘରକୁ ଫେରିଲେନି । ପରିବାର ଲୋକେ ବହୁ ଖୋଜାଖୋଜି କଲେ । ଶେଷରେ ଗ୍ରାମ ନିକଟ ଆମ୍ବ ତୋଟାରୁ ମିଳିଲା ମୃତଦେହ । ଏପରି ଘଟଣା ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ରଙ୍ଗମାଟିଆ ନାଳ ନିକଟ ଆମ୍ବ ତୋଟାରେ ।

ସୂଚନାନୁସାରେ, ଭୁବନ ବିଜ୍ଞାପିତ ଅଞ୍ଚଳ ପରିଷଦ  ୧୩  ନମ୍ବର ୱାର୍ଡ ରାଉତ ସାହିରେ ରହୁଥିଲେ ସୁରେନ୍ଦ୍ର ପୃଷ୍ଟି । ସେ  ଶୌଚ କରିବାକୁ ଯାଇ ଆଉ ଘରକୁ ଫେରିନଥିଲେ ।  ତେବେ ପରିବାର ଲୋକେ ତାଙ୍କ ମୃତଦେହ ଠାବ କରିଥିଲେ ।  ଏନେଇ ସେମାନେ ଭୁବନ ଥାନାରେ ଅଭିଯୋଗ କରିବା ପରେ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିଥିଲା । ଏହା ସହିତ ବ୍ୟବଛେଦ ପାଇଁ ଭୁବନ ମେଡିକାଲକୁ ପଠାଇ ତଦନ୍ତ ଚଳାଇଛି ପୋଲିସ । ତେବେ ସାପ କାମୁଡାରେ ତାଙ୍କର ମୃତ୍ୟୁ ହୋଇଥିବାର ସନ୍ଦେହ କରାଯାଉଛି ।