ଭୁବନେଶ୍ୱର ୨୬।୦୩ : ଓୟୋ ହୋଟେଲ୍‌ରୁ ମୃତଦେହ ମିଳିବା ଘଟଣା । ମୃତକ ଦୁର୍ଗା ପ୍ରସାଦ ମିଶ୍ରଙ୍କ ଜଣେ ବନ୍ଧୁଙ୍କ ସହ ଦୁଇ ବାନ୍ଧବୀ ଅଟକ । ୩ଜଣଙ୍କ ଅଟକ ରଖି ପଚରାଉଚରା କରୁଛି ଖଣ୍ଡଗିରି ଥାନା ପୋଲିସ ।

ସୂଚନାଯୋଗ୍ୟ ଯେ, ୨୬ ବର୍ଷୀୟ ଦୁର୍ଗାପ୍ରସାଦ ମିଶ୍ର ଲିଙ୍ଗରାଜ ଥାନା ଅଧୀନରେ ଥିବା ଏକ ଭଡା ଘରେ ରହୁଥିଲେ । ଶନିବାର ରାତିରେ ନିଜ ବନ୍ଧୁ, ବାନ୍ଧବୀ ଏବଂ କିଛି ଯୁବତୀଙ୍କ ସହ ମିଶି OYO ହୋଟେଲରେ ଜନ୍ମ ଦିନ ପାଳନ କରିଥିଲେ । ହେଲେ ପରେ ତାଙ୍କର (ଦୁର୍ଗାପ୍ରସାଦ) ମୃତଦେହ ଠାବ ହୋଇଛି । ବର୍ତ୍ତମାନ ଯାଏଁ ମୃତ୍ୟୁର ସଠିକ୍‌ କାରଣ ଜଣାପଡିନାହିଁ ।

ଘଟଣାସ୍ଥଳରେ ଖଣ୍ଡଗିରି ଥାନା ପୋଲିସ ପହଞ୍ଚି ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ଦୁର୍ଗାଙ୍କୁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି ପରିବାର ଲୋକ। ଦୁର୍ଗା ପ୍ରସାଦ ଏକ ଘରୋଇ ସଂସ୍ଥାରେ ଚାକିରୀ କରୁଥିଲେ । ଆଉ ଏବେ ଦୁର୍ଗାଙ୍କ କିଛି ବନ୍ଧୁ ଏବଂ ବାନ୍ଧବୀଙ୍କୁ ଡାକି ପଚରାଉଚରା କରୁଛି ଖଣ୍ଡଗିରି ପୋଲିସ