scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ ଭାଇ, ସ୍ୱାମୀ ଅଟକ

5/12/2022 at 8:30 PM

ଖୋର୍ଦ୍ଧା, ୦୫/୧୨: ଶୋଇବା ଘରେ ମହିଳାଙ୍କ ଆତ୍ମହତ୍ୟା। ଏନେଇ ମହିଳାଙ୍କ ବାପ ଘର ଲୋକ ଝିଅକୁ ହତ୍ୟା କରାଯାଇଥିବା ଅଭିଯୋଗ ଆଣିଛନ୍ତି । ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅଧିନ ବେଗୁନିଆ ନୂଆସହିର କୃପାସିନ୍ଧୁ ପ୍ରଧାନଙ୍କୁ ଠଣାପଲି ଗ୍ରାମର ରୀତାମଣୀ ପ୍ରଧାନ ୨୦୨୦ ମସିହାରେ ବୈଦିକ ରୀତିରେ ବିବାହ କରିଥିଲେ । ବିବାହ ସମୟରେ ଦାବି ମୁତାବକ ୫୦ ହଜାର ଟଙ୍କା, ସୁନା ଗହଣା ଓ ବିଭିନ୍ନ ଅସବାବପତ୍ର ପ୍ରଦାନ କରିଥିଲେ ।

କିନ୍ତୁ ବାରମ୍ବାର ଶ୍ୱଶୁର ଘର ପକ୍ଷରୁ ରୀତାମଣୀଙ୍କୁ ଅଧିକ ୨ ଲକ୍ଷ ଟଙ୍କା ଯୌତୁକ ଦାବିକରି ମାନସିକ ଓ ଶାରୀରିକ ନିର୍ଯାତନା ଦେଇ ଆସୁଥିଲେ । ଏଥିପାଇଁ ଭଦ୍ର ଲୋକଙ୍କ ମାଧ୍ୟମରେ ବହୁଥର ଆପୋଷ ସମାଧାନ ହୋଇଥିଲା । ଗତ ଏକ ମାସ ତଳେ ନିର୍ଯାତନା ଅସହ୍ୟ ହେବାରୁ ରିତାମଣୀ ତାଙ୍କ ବାପଘରେ ରହୁଥିଲେ । କିନ୍ତୁ ଗତ ୨ ତାରିଖରେ ଭଦ୍ର ଲୋକଙ୍କ ମାଧ୍ୟମରେ ସମାଧାନ ହୋଇ ରୀତା ଶାଶୂଘରକୁ ଆସିଥିବ ବେଳେ ଗତକାଲି ବିଳମ୍ବିତ ରାତିରେ ଶୋଇବା ଘର ପଙ୍ଖାରେ ଲୁଗା ସାହାଯ୍ୟରେ ଆତ୍ମହତ୍ୟା କରିଥିଲେ ।

ରିତାମଣୀଙ୍କ ଶାଶୁ ଏନେଇ ତାଙ୍କ ବାପ ଘରକୁ ଖବର ଦେଇଥିଲେ । ତେବେ ରିତାମଣୀ ଆତ୍ମହତ୍ୟା କରିନାହାନ୍ତି ବରଂ ତାଙ୍କୁ ହତ୍ୟା କରି ଆତ୍ମହତ୍ୟାର ରୂପ ଦିଆଯାଇଥିବା ବେଗୁନିଆ ଥାନାରେ ଅଭିଯୋଗ କରିଛନ୍ତି ତାଙ୍କ ଭାଇ । ଅଭିଯୋଗ ପାଇ ରିତାମଣୀଙ୍କ ସ୍ୱାମୀଙ୍କୁ ଅଟକ ରଖି ସ୍ଥାନୀୟ ମାଜିଷ୍ଟ୍ରେଟ୍‌ ଉପସ୍ଥିତି ଓ ସାଇଣ୍ଟିଫିକ ଟିମ ସହାୟତାରେ ଘଟଣାର ତଦନ୍ତ ଜାରିରଖିଛି ପୋଲିସ ।

   Related Posts