oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୨୦୬ କୋଭିଡ୍ ପଜିଟିଭ୍
  • ||
  • ପିଏଫଆଇ ଉପରେ ଲାଗିଲା ୫ ବର୍ଷ ପାଇଁ ପ୍ରତିବନ୍ଧକ, ଆତଙ୍କବାଦୀ କାର୍ଯ୍ୟକଳାପ ନେଇ କାର୍ଯ୍ୟାନୁଷ୍ଠାନ
  • ||
  • ଯାଜପୁର: ମାଆ ବିରଜାଙ୍କ ପୀଠରେ ଚାଲିଛି ନବଦିନାତ୍ମକ ପୂଜା, ସନ୍ଧ୍ୟାରେ ରଥଟଣା
  • ||
  • ଜଗତସିଂହପୁର: ନବରାତ୍ରର ତୃତୀୟ ଦିନ, ମନ୍ତ୍ରଧ୍ୱନୀ ଓ ଚଣ୍ଡୀପାଠରେ କମ୍ପୁଛି ଝଙ୍କଡ଼ ପୀଠ
  • ||
  • କଟକ : କଟକ ସହରରେ ପଶିଲେ ୩ ହାତୀ, ଆକ୍ରମଣରେ ୨ ମୃତ
  • ||

ଗୃହିଣୀଙ୍କ ଯାଦୁକରୀ ଜଲୱା: ବଲାଙ୍ଗୀରରେ ପ୍ରଥମ ଥର ପାଇଁ ଆୟୋଜିତ ହେଲା ମିସ୍ ଓ ମିଷ୍ଟ୍ରେସ ପଶ୍ଚିମ ଓଡିଶା, ଦେଖନ୍ତୁ ଆକର୍ଷଣୀୟ ଏହି କାର୍ଯ୍ୟକ୍ରମର ଝଲକ…

24/09/2019 at 1:01 PM

ବଲାଙ୍ଗିର୨୪|୯: ଆଜିର ଯୁଗରେ ଗୃହିଣୀଙ୍କଙ୍କ ନିତିଦିନିଆ କାମସହ ବ୍ୟସ୍ତବହୁଳ ଜୀବନ ଜଞ୍ଜାଳରେ କଟିଯାଉଛି ଦିନ । ସେହି ଭିତରେ ବିବାହିତା ମହିଳାଙ୍କ ଯେଉଁ ସବୁ ସଉକ ଥାଏ ତାହାକୁ ମଧ୍ୟ ଜଳାଞ୍ଜଳି ଦେବାକୁ ପଡିଥାଏ ନିଜ ପରିବାର ପାଇଁ। ତେବେ ଏହାକୁ ଭୁଲ ପ୍ରମାଣିତ କରିଛି ବଲାଙ୍ଗୀରରେ ଆୟୋଜିତ ମିସ୍‌ ଓ ମିଷ୍ଟ୍ରେସ୍‌ ପଶ୍ଚିମ ଓଡିଶା କାର୍ଯ୍ୟକ୍ରମ।

ଏହି କାର୍ଯ୍ୟକ୍ରମରେ ସମଗ୍ର ପଶ୍ଚିମ ଓଡିଶାର ବିବାହିତା ମହିଳା ଓ କୁମାରୀମାନେ ଭାଗ ନେଇଥିଲେ । ଗତକାଲି ଥିଲା ଏହି କାର୍ଯ୍ୟକ୍ରମର ଗ୍ରାଣ୍ଡ ଫିନାଲେ ।

ସୂଚନାଯୋଗ୍ୟ ଯେ, ଫାଇନାଲରେ  ମିସ୍‌ ଓ ମିଷ୍ଟ୍ରେସ୍‌ ପଶ୍ଚିମ ଓଡିଶା ଟାଇଟଲ ବିଜେତାଙ୍କୁ ଆଗାମି ଦିନରେ ଓଡିଆ ସିନେ ଜଗତ ସହ ବଲିଉଡ ଫେସନ ସୋରେ ଭାଗ ନେବାର ମିଳିଛି ମୌକା।

ସେପଟେ ଏଭଳି ଏକ କାର୍ଯ୍ୟକ୍ରମ ବଲାଙ୍ଗୀର ଜିଲ୍ଲାରେ ହୋଇଥିବାରୁ ବେଶ ଖୁସ ସମଗ୍ର ଜିଲ୍ଲାବାସୀ।

ପାରମ୍ପାରିକ ବସ୍ତ୍ରରେ ରାମ୍ପସୋ। ଜଣେ ପରେ ଜଣେ ମହିଳା ଓ ଯୁବତୀ ଭିନ୍ନ ଭିନ୍ନ ଅଙ୍ଗ ଭଙ୍ଗିରେ କରୁଛନ୍ତି ନିଜ ଦକ୍ଷତା ପ୍ରଦର୍ଶନ।

ଏହେଉଛି ବଲାଙ୍ଗୀର ଟାଉନହଲରେ ଗତକାଲି ସଂଧ୍ୟାର ଦୃଶ୍ୟ।ଦର୍ଶକ ଭର୍ତ୍ତି ଟାଉନହଲରେ ଚାଲିଥିଲା ସୁନ୍ଦରୀ ପ୍ରତିଯୋଗୀତା ।

ପରିଧାନ ଶୈଳୀ, ଚାଲିବାର ଅନ୍ଦାଜ, ଚାହିଁବାର ଠାଣିରେ ଜଣେ ଆଉଜଣଙ୍କଠାରୁ ଲାଗୁଥିଲେ ଆକର୍ଷଣୀୟ ।

ତାଳିମାଡରେ ଫାଟିପଡୁଥିଲା ଟାଉନହଲ । କିଏ ସମ୍ବଲପୁରୀ ଶାଢୀରେ ତ କିଏ ପଶାପାଲିରେ ସଜାଇଥିଲେ ନିଜକୁ । ପୁଣିକିଏ ସମ୍ପୂର୍ଣ୍ଣ ଆଧୁନିକ ବସ୍ତ୍ରରେ ଲାଗୁଥିଲେ ବେଶ ଚମତ୍କାର

ହେଲେ ଯେଉଁମାନେ ରାମ୍ପସୋ କରୁଛନ୍ତି ସେମାନେ କୌଣସି ମଡେଲ ନୁହଁନ୍ତି । କୌଣସି ଚଳଚିତ୍ରର ଅଭିନେତ୍ରୀ ମଧ୍ୟ ନୁହନ୍ତି। ଏମାନେ ସମସ୍ତେ ଜଣେ ଜଣେ ଗୃହିଣୀ।

ଏମାନଙ୍କ ମଧ୍ୟରୁ ଅଧିକାଂଶଙ୍କ ପାଇଁ ଏଭଳି ଅନୁଭୂତି ଥିଲା ପ୍ରଥମ ଓ ନିଆରା ।

ବଲାଙ୍ଗୀର ଜିଲ୍ଲାରେ ପ୍ରଥମ ଥର ପାଇଁ ଆୟୋଜିତ ହୋଇଇଛି ମିସ୍‌ ଓ ମିଷ୍ଟ୍ରେସ୍‌ ପଶ୍ଚିମ ଓଡିଶା ଡିଭା।

ନିଜ ଦୈନନ୍ଦିନ ଜୀବନରେ ନିଜ ପରିବାର କଥା ବିଝିବାରେ ଦିନ କାଟୁଥିବା ଘରୋଇ ମହିଳାଙ୍କ ଏ ହେଉଛି କମାଲ।

ନିଜ ପାଖରେ ଲୁଚି ରହିଥିବା କଳା ଓ ପ୍ରତିଭାକୁ ବେଶ ସୁନ୍ଦର ଢଙ୍ଗରେ ପ୍ରଦର୍ଶିତ କରିଛନ୍ତି ସମଗ୍ର ପଶ୍ଚିମ ଓଡିଶାରୁ ଆସିଥିବା ବିବାହିତା ମହିଳାମାନେ।

ସେପଟେ କୁମାରୀମାନେ ମଧ୍ୟ ଏ ପ୍ରତିଯୋଗୀତାରେ ଭାଗ ନେଇ ଦେଖାଇଛନ୍ତି ନିଜ ଦକ୍ଷତା।

ତେବେ ଏଭଳି ଏକ କାର୍ଯ୍ୟକ୍ରମ ବଲାଙ୍ଗୀର ଜିଲ୍ଳାରେ ପ୍ରଥମ ଥର ପାଇଁ ହୋଇଥିବାରୁ ବେଶ ଖୁସି ଅନୁଭବ କରିଛନ୍ତି ପ୍ରତିଯୋଗୀଙ୍କ ସହ ସମଗ୍ର ଜିଲ୍ଲା ବାସୀ।

ଶୁଭଶ୍ରୀ ଯୋଷୀ ନେହା ଦାଶ ଆଦି ପ୍ରତିଯୋଗୀ ଆୟୋଜକମାନଙ୍କୁ ଧନ୍ୟବାଦ ଜଣାଇଛନ୍ତି ।  

ସମଗ୍ର ପଶ୍ଚିମ ଓଡିଶାକୁ ନେଇ ଆୟୋଜିତ ହୋଇଥିବା ଏହି ମିସ୍‌ ଓ ମିଷ୍ଟ୍ରେସ ପଶ୍ଚିମ ଓଡିଶା ଡିଭା ପ୍ରତିଯୋଗିତାରେ ଭାଗ ନେଇଥିଲେ ୬୦ ରୁ ଅଧିକ ପ୍ରତିଯୋଗୀ। ସେଥିମଧ୍ୟରୁ ୨୦ ଜଣଙ୍କୁ ଚୟନ କରାଯାଇଥିଲା ଫାଇନାଲ ପାଇଁ।

ତେବେ କାଲି ହୋଇଥିବା ଫାଇନାଲରେ ଉଭୟ ମସ୍‌ ଓ ମିଷ୍ଟ୍ରେସ ପଶ୍ଚିମ ଓଡିଶାଭାବେ ତିନି ତିନି ଜଣଙ୍କୁ କରାଯାଇଛି ବିବେଚିତ।

ବିଜୟନୀମାନେ ଆଗାମି ଦିନରେ ଓଡିଶା ସିନେ ଜଗତ ସହ ବଲିଉଡରେ ହେବାକୁ ଥିବା ଏକ ଫେସନ ସୋରେ ଭାଗ ନେବାରୁ ମୌକା ପାଇବେ।

ମିସ୍‌ ପଶ୍ଚିମ ଓଡିଶାଭାବେ ବରଗଡ ଜିଲ୍ଲାର ପଲକ ମଥଓ୍ବାନି ଓ୍ବିନର ହୋଇଥିବା ବେଳେ  ମିଷ୍ଟ୍ରେସ ପଶ୍ଚିମ ଓଡିଶାରେ ଓ୍ବିନର ହୋଇଛନ୍ତି  ସୋନପୁର ଜିଲ୍ଲାର ବର୍ଷା।

ସେହି ପରି ଦ୍ବତୀୟ ଓ ତୃତୀୟ ରହିଛନ୍ତି ଉଭୟ ଶ୍ରୀମତୀ ଓ କୂମାରୀ ମାନଙ୍କ ମଧ୍ୟରୁ। ସୁଦୁର ମୁମ୍ବାଇ ରୁ ଆସିଥିବା ବଲିଉଡର କାର୍ମକର୍ତ୍ତାଙ୍କ ସହ ପୂର୍ବରୁ ନିଜ ଦକ୍ଷତା ଦେଖାଇଥିବା ମଡେଲ ଏ ପ୍ରତିଯୋଗୀତାରେ  ଜଜ୍‌ ଭାବରେ ରହି ମିସ୍‌ ଓ ମିଷ୍ଟ୍ରେସ ପଶ୍ଚିମ ଓଡିଶାଙ୍କୁ ବିବେଚିତ କରିଛନ୍ତି।

ମିଷ୍ଟ୍ରେସ ଇଣ୍ଡିଆ ୨୦୧୮ ଟାଇଟେଲ ବିଜେତା ରାଞ୍ଚିର ନମ୍ରତା ସୋନୀ ବିଚାରକଭାବେ ରହିଥିଲେ ।  

ନିଜ କଳା ଓ ଦକ୍ଷତାକୁ ପ୍ରତିପାଦିତ କରିବା ପାଇଁ ବହୁ ବାଧା ବିଘ୍ନ ଆସିଥାଏ ଜଣେ ମହିଳାଙ୍କ ଜୀବନରେ । ହେଲେ ଏଭଳି କିଛି କାର୍ଯ୍ୟକ୍ରମ ହିଁ ସେମାନଙ୍କୁ ଆଗକୁ ବଢିବା ପାଇଁ ଦେଇଥାଏ ପ୍ରତ୍ସାହନ ଓ ପ୍ରରଣା।

ଏ କାର୍ଯ୍ୟକ୍ରମକୁ ଆଗାମିଦିନରେ ମଧ୍ୟ ବଜାୟ ରଖିବା ପାଇଁ ଲୋକଙ୍କ ରହିଛି ଦାବି।

   Related Posts