ଭୁବନେଶ୍ବର ୨୦।୭: ବିଜେଡି ସାଂସଦ ସୁଲତା ଦେଓଙ୍କୁ ମିଳିଲା ନୂଆ ଦାୟିତ୍ବ । ରାଜ୍ୟସଭା ଉପାଧ୍ୟକ୍ଷ ପ୍ୟାନେଲର ସଦସ୍ୟ ହେଲେ ସୁଲତା ଦେଓ । ବିଜେଡିର ରାଜ୍ୟସଭା ସାଂସଦ ଅଛନ୍ତି ସୁଲତା ଦେଓ । ରାଜ୍ୟସଭା ଅଧ୍ୟକ୍ଷଙ୍କ ଦ୍ବାରା ସୁଲତା ନିଯୁକ୍ତ ହୋଇଛନ୍ତି ।
{"id":819605,"width":738,"height":729,"sizeSlug":"full","linkDestination":"none"}
ସୂଚନାଯୋଗ୍ୟ ଯେ, ସାଂସଦ ସୁଲତା ଦେଓ ତାଙ୍କ ରାଜନୈତିକ କ୍ୟାରିୟର ସରପଞ୍ଚରୁ ଆରମ୍ଭ କରିଥିଲେ । ୨୦୦୨ ମସିହାରେ ବରୀ ବ୍ରହ୍ମବରଦା ପଞ୍ଚାୟତର ସରପଞ୍ଚ ହୋଇଥିଲେ ସୁଲତା । ପରେ ୨୦୦୭ରେ ଜିଲ୍ଲା ପରିଷଦ ଜୋନ (୩୬)ରୁ ସଭ୍ୟା ଭାବେ ନିର୍ବାଚିତ ହୋଇଥିଲେ । ୨୦୦୯ ମସିହାରେ ଜିଲ୍ଲା ପରିଷଦ ସଭ୍ୟା ପଦରୁ ଇସ୍ତଫା ଦେଇ ରାଜ୍ୟ ସମାଜ ମଙ୍ଗଳ ବୋର୍ଡ ଅଧ୍ୟକ୍ଷା ଭାବେ ଦାୟିତ୍ୱ ନେଇଥିଲେ । ୨୦୧୨ରୁ ୨୦୧୩ ଯାଏଁ ବରୀ ନିର୍ବାଚନମଣ୍ଡଳୀର ବିଜେଡି ସାଂଗଠନିକ ଦାୟିତ୍ୱରେ ରହିଥିଲେ ।
wp:embed {"url":"https://www.prameyanews7.com/manas-and-sulata-otha-for-rajyasabha-mp/","type":"wp-embed","providerNameSlug":"prameya-news-7"}ପରେ ବିଜେଡିର ପ୍ୟାନେଲିଷ୍ଟ ଭାବେ ୨୦୧୬ରୁ ୨୦୧୮ ଯାଏଁ ତାଙ୍କୁ ଦାୟିତ୍ୱ ଦିଆଯାଇଥିଲା । ୨୦୧୮ରେ ତାଙ୍କୁ ବିଜେଡି ସୁଲତାଙ୍କୁ ଦୁଇ ଦୁଇଟି ପଦବୀ ଦେଇଥିଲା । ବିଜେଡି ମୁଖପାତ୍ର ସହ ରାଜ୍ୟ ବିଜୁ ମହିଳା ଜନତା ଦଳର ସମ୍ପାଦିକା ଥିଲେ । ୨୦୨୦ ମସିହାରୁ ବିଜୁ ମହିଳା ଜନତା ଦଳର କାର୍ଯ୍ୟକାରୀ ସଭାନେତ୍ରୀ ସହିତ ମହିଳା ଶିଶୁ ବିକାଶ ବିଭାଗର ଉପଦେଷ୍ଟା ଭାବେ ଦାୟିତ୍ବ ତୁଲାଇଥିଲେ । ସେ ବର୍ତ୍ତମାନ ରାଜ୍ୟସଭା ସାଂସଦ ଅଛନ୍ତି । ଏହାସହ ତାଙ୍କୁ ବିଜୁ ଜନତା ଦଳର ରାଜ୍ୟସଭା ସଂସଦୀୟ ଦଳର ମୁଖ୍ୟ ସଚେତକ ଦାୟିତ୍ବ ମଧ୍ୟ ପ୍ରଦାନ କରାଯାଇଛି ।
You Can Read :
wp:embed {"url":"https://www.prameyanews7.com/pccf-at-atei-reserve-forest-of-keonjhar-district/","type":"wp-embed","providerNameSlug":"prameya-news-7"}
