ନୂଆଦିଲ୍ଲୀ ୧୦/୦୫: ସୋସିଆଲି ମିଡିଆରେ ଭାଇରାଲ୍ ହେଉଛି ଭିଡିଓ । ଯେଉଁଥିରେ ଜଣେ ସାଂସଦ ସମସ୍ତଙ୍କ ସାମ୍ନାରେ ସାର୍ଟ ଖୋଲି ଫୋପାଡୁଛନ୍ତି । ଏହା ଭାଇରାଲେ ହେବା ପରେ ଲୋକେ ଜୋରଦାର ରେସପଣ୍ଡ ଦେଉଛନ୍ତି । କେହି କେହି ଏହାକୁ ତାଚ୍ଛଲ୍ୟ କରୁଥିବାବେଳେ କେହି କେହି ଏହାକୁ ପସନ୍ଦ କରୁଛନ୍ତି ।

ଘଟଣା ଘଟିଛି ନେପାଳରେ । ଯେଉଁଠି ଜଣେ ସ୍ୱାଧୀନ ସାଂସଦ ଅମରେଶ କୁମାର ସିଂହ ସୋମବାର ସମସ୍ତଙ୍କ ସାମ୍ନାରେ ନିଜର ସାର୍ଟ ଖୋଲିବା ସହ ବାନିୟାନ ବି ଖୋଲି ପୋପାଡିଦେଇଥିଲେ । ତାଙ୍କର ଅଭିଯୋଗ ଥିଲା କି ସଦନରେ ତାଙ୍କୁ କିଛି କହିବାକୁ ସୁଯୋଗ ଦିଆଗଲାନି । ସେଥିପାଇଁ ସେ ବାଧ୍ୟ ହୋଇ ଏପରି କରିଥିଲେ । ଶ୍ରୀ ସିଂହ ନେପାଳ କଂଗ୍ରେସର ଜଣେ ପୂର୍ବତନ ନେତା । ଗତବର୍ଷ ସେ ସରଲାହୀରୁ ନିର୍ଦ୍ଦଳୀୟ ପ୍ରାର୍ଥୀ ଭାବେ ନିର୍ବାଚନ ଲଢିଥିଲେ । କାରଣ ସେ ନେପାଳୀ କଂଗ୍ରେସ ତରଫରୁ ଟିକେଟ ଦିଆଯାଇନଥିଲା ।

Independent MP Amresh Kumar Singh has taken off his upper body clothes after the speaker did not allow him to speak about corruption in the House of Representatives meeting.#nepal https://t.co/ALK3eIhH74

— Ashu🇳🇵 (@ashuananda) May 8, 2023

ସୂଚନା ଥାଉକି, ଦିଲ୍ଲୀ ଜବାହାରଲାଲ୍‌ ନେହରୁ ୟୁନିଭରସିଟିରୁ ପିଏଚ୍‌ଡି କରିଥିବା ସିଂହ ସେତବେଲେ ସାର୍ଟ ଲେସ୍ ହୋଇଥିଲେ ଯେତେବେଳେ ହାଉସ୍ ଅପ୍ ରିପ୍ରେଜେଣ୍ଟେଟିଭ୍ସଙ୍କ ସ୍ପିକର ଦେବରାଜ୍ ଧିମିରେ ତାଙ୍କୁ କିଛି କହିବାର ସୁଯୋଗ ଦେଇନଥିଲେ । ଧିମିରେ ତାଙ୍କୁ ଚେତାବନୀ ଦେଇ କହିଥିଲେ କି ଯଦି ତୁମେ ବ୍ୟବହାର ଠିକ୍ ନକର ତେବେ ତୁମ ଉପରେ କାର୍ଯ୍ୟାନୁଷ୍ଠାନ ନିଆଯିବ ।

କପଡା ଖୋଲିବା ପୂର୍ବରୁ ଲିଂହ କହିଥିଲେ ଭ୍ରଷ୍ଟାଚାର ବିରୋଧରେ କହିବା ପାଇଁ ମୁଁ ସବୁବେଳେ ତୟାକ । ଦରକାର ପଡିଲେ ଏଥିପାଇଁ ମୁଁ ସହିଦ ବି ହେବି । ସଂଗେ ସଂଗେ ବାଚସ୍ପତି କହିଥିଲେ ସଂସଦୀୟ ମର୍ଯ୍ୟାଦା ବଜାୟ ରଖନ୍ତୁ । ହେଲେ ସ୍ପିକରଙ୍କ କଥା ନଶୁଣି ଶ୍ରୀ ସିଂହ ନିଜର ପୋଷା ଖୋଲିବାରେ ଲାଗିଥିଲେ । ଏହାପରେ ସେ ସଂସଦ ଛାଡି ପଳାଇଥିଲେ । ତେବେ ନେପାଳ ସଂସଦରେ ଏମିତି ଘଟଣା ପ୍ରଥମ ଥର ଘଟିଛି ।