ରଜ ଲଢେଇ
Published By : Prameya-News7 Bureau | June 02, 2018 IST
ପାଖେଇ ଆସୁଛି ରଜ । ଚାରିଆଡେ ଉତ୍ସବର ମାହୋଲ୍ । ପ୍ରତ୍ୟେକ ବର୍ଷ ଭଳି ଏହି ବର୍ଷ ମଧ୍ୟ ଏହି ପାର୍ବଣ ଉତ୍ସବକୁ ୨ଗୁଣ କରିବା ପାଇଁ ଆମ ଓଡିଆ ଇଣ୍ଡଷ୍ଟ୍ରି ପୁରା ତୟାର ହୋଇଯାଇଛି । ତେବେ ଓଲିଉଡ୍ରେ ଏଥର ରଜ ଲଢେଇ ପୁରା ଜବରଦସ୍ତ ରହିବ । ଗୋଟିଏ ପଟେ ମଲଟି ଷ୍ଟାରର୍ ଫିଲ୍ମ ଫୋର୍ ଇଡିଅଟ୍ ରହିଥିବା ବେଳେ ଅନ୍ୟପଟେ ବାବୁଶାନ୍ ମହାନ୍ତିଙ୍କ ଫିଲ୍ମ ସୁନ୍ଦରଗଡର ସଲମାନ୍ ଖାନ୍ ଏହି ଲଢେଇରେ ସାମିଲ୍ ହୋଇଛି । ଅକ୍ଷୟ ପରିଜା ବ୍ୟାନର ତଳେ ତିଆରି ଫିଲ୍ମ ଫୋର୍ ଇଡିଅଟ୍-ରେ ସବ୍ୟସାଚୀ ମିଶ୍ର, ଆକାଶ୍ ଦାସ୍ ମହାପାତ୍ର, କୁନା ତ୍ରିପାଠୀ, ଚିତ୍ତ, ଏଲିନା, ପୁନମ୍, ଲିପ୍ସା, ନିହାରିକା, କେକେ, ଚାନ୍ଦିନି ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଫୋର୍ ଇଡିଅଟ୍-ରେ ଭରପୁର କମେଡି ରହିଛି । ଫିଲ୍ମର ନିର୍ଦ୍ଦେଶନା ଭାର ସମ୍ବାଳିଛନ୍ତି ଓଡିଆ ଇଣ୍ଡଷ୍ଟ୍ରିର ଜଣାଶୁଣା ନିର୍ଦ୍ଦେଶକ ବସନ୍ତ ସାହୁ । ଏବଂ ଏହାର ଡାଏଲଗ୍ ଲେଖିଛନ୍ତି ଡକ୍ଟର ରଜନି ରଞ୍ଜନ । ଅନ୍ୟପଟେ ସୁନ୍ଦରଗଡର ସଲମାନ୍ ଖାନ୍-ଙ୍କୁ ନିର୍ଦ୍ଦେଶନା ଦେଇଛନ୍ତି ଷ୍ଟାଇଲିସ୍ ଡାଇରେକ୍ଟର ଅଶୋକ ପତି । ଫିଲ୍ମରେ ବାବୁଶାନ୍ଙ୍କ ଅପୋଜିଟ୍-ରେ ଅଛନ୍ତି ନ୍ୟୁ କମର୍ ଦିବ୍ୟା । ଏମାନଙ୍କ ବ୍ୟତିତ ଫିଲ୍ମରେ ମିହିର୍ ଦାସ୍, ବବି ମିଶ୍ର ଗୁରୁତ୍ବପୂର୍ଣ୍ଣ ଚରିତ୍ରରେ ଅଭିନୟ କରିଛନ୍ତି । ତେବେ ରଜ ଲଢେଇରେ କେଉଁ ଫିଲ୍ମ ଦର୍ଶକଙ୍କୁ ଅଧିକ ଆକୃଷ୍ଟ କରୁଛି ତାହା ରିଲିଜ୍ ପରେ ହିଁ ଜଣାପଡିବ