ନୂଆଦିଲ୍ଲୀ: ମୋଟୋରୋଲା କମ୍ପାନୀ ନିଜର Edge 50 ସିରିଜ୍ର ନୂଆ ଫୋନ୍ Motorola Edge 50 Fusionକୁ ଭାରତରେ ଲଞ୍ଚ କରିଛି। ଏଥିରେ ୬.୭ ଇଞ୍ଚ ଫୁଲ୍ HD + pOLED କ୍ୱାର୍ଡ ସ୍କ୍ରିନ୍, ସ୍ନାପଡ୍ରାଗନ୍ 7s Gen 2 ପ୍ରୋସେସର ଏବଂ 50 ମେଗାପିକ୍ସେଲ ପ୍ରାଇମେରି ରିୟର କ୍ୟାମେରା ଭଳି ଫିଚର ରହିଛି। ସେହିପରି ୩୨ ମେଗାପିକ୍ସେଲ୍ର ଫ୍ରଣ୍ଟ କ୍ୟାମେରା ଫୋନ୍କୁ ଆହୁରି ଖାସ୍ କରୁଛି।
Motorola Edge 50 Fusion ଫିଚର୍ସ
ମୋଟରୋଲା ଏଜ୍ 50 ଫ୍ୟୁଜନରେ ୬.୭-ଇଞ୍ଚ (୨୪୦୦ × ୧୦୮୦ ପିକ୍ସେଲ) ଫୁଲ୍ HD + 10-ବିଟ୍ OLED Endless Edge ଡିସ୍ପ୍ଲେ ଦିଆଯାଇଛି। ସେହିପରି ସ୍କ୍ରିନ୍ HDR10 +ସପୋର୍ଟ କରିଥାଏ। ଏହାର ରିଫ୍ରେସ୍ ରେଟ୍ 144Hz ହଟ୍ଜ୍। ଡିଭାଇସରେ 360 Hz ର ଟଚ୍ ସାମ୍ପଲିଂ ରେଟ୍ ଦିଆଯାଇଛି। ଏହି ହ୍ୟାଣ୍ଡସେଟରେ କର୍ନିଙ୍ଗ ଗୋରିଲା ଗ୍ଲାସ ସୁରକ୍ଷା ରହିଛି। ଡିଭାଇସର ପିକ୍ ବ୍ରାଇଟ୍ନେସ୍ ୧୬୦୦ ନିଟ୍ସ ପର୍ଯ୍ୟନ୍ତ ରହିଛି। ଏହି ଫୋନରେ ୨.୪ ଗିଗାହଟ୍ଜ ଓକ୍ଟା-କୋର ସ୍ନାପଡ୍ରାଗନ୍ 7s Gen 2 4nm ମୋବାଇଲ୍ ପ୍ଲାଟଫର୍ମ ଓ ଗ୍ରାଫିକ୍ସ ପାଇଁ ଆଡ୍ରେନୋ 710GPU ରହିଛି।
ମୋଟରୋଲାର ଏହି ହ୍ୟାଣ୍ଡସେଟରେ ସର୍ବାଧିକ ୨୫୬ ଜିବି ଇନବିଲ୍ଟ ଷ୍ଟୋରେଜ୍ ସହିତ ୮ ଜିବି ଏବଂ ୧୨ ଜିବି ରାମ ଭ୍ୟାରିଏଣ୍ଟରେ ଲଞ୍ଚ ହୋଇଛି। ଏହିଫୋନ୍ ଆଣ୍ଡ୍ରଏଡ୍-୧୪ ଦ୍ୱାରା ପରିଚାଳିତ ହେବ। ହ୍ୟାଣ୍ଡସେଟରେ ଅପର୍ଚର ଏଫ୍/୧.୮୮ ଓ OIS ସହ ୫୦ ମେଗାପିକ୍ସେଲ ସୋନି LYT-700C ପ୍ରାଇମେରି ରିୟର କ୍ୟାମେରା ଏବଂ 13 ମେଗାପିକ୍ସେଲ ଅଲଟ୍ରା ୱାଇଡ୍ କ୍ୟାମେରା ଦିଆଯାଇଛି। ସେହିପରି ସେଲଫି ଏବଂ ଭିଡିଓ କଲିଂ ପାଇଁ, ଏହି ହ୍ୟାଣ୍ଡସେଟରେ ଅପଚର ଏପ୍/୨.୪୫ ସହିତ ୩୨ ମେଗାପିକ୍ସେଲର ଫ୍ରଣ୍ଟ କ୍ୟାମେରା ଦିଆଯାଇଛି।
ପଢ଼ନ୍ତୁ-ଭାରତରେ ନିଜର ବଳକା ସାମଗ୍ରୀ ଡପିଂ କରୁଛି ଚୀନ ? ବେଜିଂ-ୱାଶିଂଟନ ଟ୍ରେଡ୍ ୱାର ଦେଶ ପାଇଁ ସୁଯୋଗ ନା ସଂକଟ
ମୋଟରୋଲା ଏଜ୍ ୫୦ ଫ୍ୟୁଜନ୍ ଡିଭାଇସରେ USB ଟାଇପ୍-ସି ଅଡିଓ, ଷ୍ଟେରିଓ ସ୍ପିକର, ଡଲବି ଏଟମସ୍ ଏବଂ ଇନ୍-ଡିସପ୍ଲେ ଫିଙ୍ଗର ପ୍ରିଣ୍ଟ ସେନ୍ସର ରହିଛି। ଏଥିରେ ଡଷ୍ଟ ଏବଂ ପ୍ଲେସ୍ ରେଜିଷ୍ଟେଣ୍ଟ (IP68) ରେଟିଂ ଦିଅଯାଇଛି। ଡିଭାଇସ ଡାଇମେନ୍ସନ 161.9 x 73.1 x 7.9mm ଏବଂ ଓଜନ 174.9 ଗ୍ରାମ ରହିଛି। ଏଥିରେ 5000mAh ବ୍ୟାଟେରୀ ଦିଆଯାଇଥିବା ବେଳେ ଏହା 68W ଫାଷ୍ଟ ଚାର୍ଜିଂକୁ ସପୋର୍ଟ କରିବ। କନେକ୍ଟିଭିଟି ପାଇଁ ଫୋନରେ 5G, ଡୁଆଲ୍ 4G VoLTE, ୱାଇ-ଫାଇ 802.11 ଏଏକ୍ସ, ବ୍ଲୁଟୁଥ୍ ୫.୨, ଜିପିଏସ୍, USB ଟାଇପ୍-ସି ଏବଂ NFC ଭଳି ଫିଚର୍ସ ରହିଛି।
Motorola Edge 50 Fusion ମୂଲ୍ୟ
ମୋଟରୋଲା ଏଜ୍ ୫୦ ଫ୍ୟୁଜନର ୮ ଜିବି ରାମ ଏବଂ ୧୨୮ ଜିବି ଷ୍ଟୋରେଜ୍ ଭାରିଆଣ୍ଟର ମୂଲ୍ୟ ୨୨,୯୯୯ ଟଙ୍କା ରହିଥିବା ବେଳେ ୧୨ ଜିବି ରାମ ଏବଂ ୨୫୬ ଜିବି ଷ୍ଟୋରେଜ୍ ଭାରିଆଣ୍ଟ ପାଇଁ ୨୪,୯୯ ଟଙ୍କା ରଖାଯାଇଛି। ଏହି ଫୋନ୍ ମେ ୨୨ ତାରିଖରୁ ରୁ ଇ-କମର୍ସ ୱେବସାଇଟ୍ ଫ୍ଲିପକାର୍ଟ, ମୋଟରୋଲା ଇଣ୍ଡିଆ ୱେବସାଇଟ୍ ଏବଂ ଅଫଲାଇନ୍ ଖୁଚୁରା ଷ୍ଟୋର୍ରେ ଉପଲବ୍ଧ ହେବ।
