ଚିତ୍ରକୋଣ୍ଡା ୦୬/୦୨: ରାତି ୧୨ ପରେ ମୋଟର ସାଇକେଲ ଆପେ ଆପେ ଚାଲୁଛି । କଥାଟି ଆପଣଙ୍କୁ ଆଶ୍ଚର୍ଯ୍ୟ ଲାଗୁଥିଲେ ହେ ବାସ୍ତବରେ ଏମିତି କିଛି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ଚିତ୍ରକୋଣ୍ଡା ଅଞ୍ଚଳରେ । ଯାହାର ଭିଡିଓ କଏଦ ହୋଇଛି ସିସିଟିଭି କ୍ୟାମେରାରେ ।

ଚିତ୍ରକୋଣ୍ଡା ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ରହୁଥିବା ସୁରେନ୍ଦ୍ର ଦାସ ନିଜ ମୋଟର ସାଇକେଲକୁ ନିଜ ଘର ଆଗରେ ଥିବା ସୀତାରାମ ଏଣ୍ଟରପ୍ରାଇଜେସ ନାମକ ଏକ ଦୋକାନ ସମ୍ମୁଖରେ ପାର୍କିଙ୍ଗ କରିଥିଲେ । ହେଲେ ୪ ତାରିଖ ସକାଳେ ଦେଖିଲା ବେଳକୁ ମୋଟର ସାଇକେଲଟି କିଛି ଦୂରରେ ପଡି ରହିଛି ।

ପୁଣି ଥରେ ଏହାକୁ ଠିକ୍ ଭାବେ ରଖାଯାଇଥିବା ବେଳେ ମୋଟର ସାଇକେଲ ବାରମ୍ବାର ଏଭଳି ହେଉଥିବା ଦେଖି ସିସିଟିଭି ଭିଡିଓ ଯାଞ୍ଚ କରାଯାଇଥିଲା । ଆଉ ସେଥିରୁ ଯାହା ଦେଖିବାକୁ ମିଳିଛି ତାହା ଏବେ ଆପଣଙ୍କ ସମ୍ମୁଖରେ । ଏହି ଦୃଶ୍ୟ ଦେଖିବା ପରେ ସମସ୍ତେ ଆତଙ୍କିତ ହୋଇ ପଡିଛନ୍ତି ।

ବିଜ୍ଞାନ ଯୁଗରେ ଏଭଳି ଏକ ଅଦ୍ଭୁତ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ତେବେ ଏହି ଘଟଣାକୁ ନେଇ ଗାଡି ମାଲିକ ସୁରେନ୍ଦ୍ର ଦାସ କହିଛନ୍ତି ରେ ଏହା କୌଣସି ଭୁତ ପ୍ରେତର କାମ ନୁହଁ ତାଙ୍କ ଉପରେ କେହି ରାଗ ରଖି ଗୁଣି ଗାରେଡ଼ି କରୁଥିବା ସେ କହିଛନ୍ତି ।

ଏହି ଖବରକୁ ବି ପଢନ୍ତୁ….