ରାଜସ୍ଥାନ୨୬|୮:ରାଜସ୍ଥାନର ବାନ୍ଦୀକୁଇ ରେଳ ଷ୍ଟେସନରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଦୁଇ ଛୋଟ ପିଲାଙ୍କୁ  ସାଙ୍ଗଧରି  ମାଆ ଚଳନ୍ତା ଟ୍ରେନ ସାମ୍ନାକୁ ଡେଇଁ ପଡ଼ିବାରୁ ଘଟଣାସ୍ଥଳରେ ମାଆ ଓ ପିଲାଙ୍କ ସମେତ ତିନିଜଣଙ୍କର ମୃତ୍ୟୁ ହୋଇଛି।

ସୂଚନା ମୁତାବକ,୧୦ ଓ ୮ ବର୍ଷର ଦୁଇ ଝିଅଙ୍କୁ ସାଙ୍ଗଧରି ଅଜ୍ଞାତ ମହିଳା ହରନିୟା ଫାଟକ ପାଖରେ ପହଞ୍ଚି ଥିଲେ। ଆତ୍ମହତ୍ୟା କରିବା ପାଇଁ ଟ୍ରେନକୁ ଅପେକ୍ଷା କରିଥିଲେ। ଟ୍ରେନ ଆସିବା ମାତ୍ରେ ତିନିଜଣ ଟ୍ରେନ ସାମ୍ନାକୁ ଡେଇଁ ପଡିଥିଲେ। ସ୍ଥାନୀୟ ଲୋକେ ପୋଲିସକୁ ଘଟଣା ସଂପର୍କରେ ସୂଚନା ଦେବା ପୋଲିସ ଘଟଣାସ୍ଥଳରେ ପହଞ୍ଚି ମୃତ ଶରୀରକୁ ଉଦ୍ଧାର କରିଛି।

{"id":149550}

ଅଢ଼େଇମାସ ତଳେ ମହିଳାଙ୍କୁ ତାଙ୍କ ସ୍ବାମୀ ମାରପିଟ କରିଥିବା ନେଇ ସେ ଥାନାରେ ଅଭିଯୋଗ କରିଥିଲେ।ଏହାପରେ ମହିଳା ତାଙ୍କ ବାପ ଘର ଉରଓ୍ବାଡିରେ ରହୁଥିଲେ।ତଦନ୍ତରୁ ଜଣାପଡିଛି ଯେ, ମୃତକ ମହିଳାଙ୍କ ନାଁ ଝମୁରୀ । ଶ୍ବଶୁଘରକୁ ଯାଉଛି ବୋଲି କହି ଦୁଇ ଝିଅଙ୍କୁ ସାଙ୍ଗରେ ନେଇ ସେ ବାପଘରୁ ବାହାରିଥିଲେ ।ତେବେ ଶ୍ବଶୁର ଘରକୁ ନଯାଇ ସେ ଟ୍ରେନ ଆଗକୁ ଡେଇଁ ଆତ୍ମହତ୍ୟା କରିଛନ୍ତି ।

 ସ୍ବାମୀଙ୍କ ସହ ଠିକ ପଟୁନଥିବାରୁ ସେ ମାନସିକଭାବେ ଚାପଗ୍ରସ୍ତ ଥିଲେ । ଏକ ଆତ୍ମହତ୍ୟା କଲେ ଦୁଇ ଝିଅଙ୍କ କଣ ହେବ ବୋଲି ଭାବି ସେମାନଙ୍କୁ ମଧ୍ୟ ଆତ୍ମହତ୍ୟା କରିବା ପାଇଁ ରାଜି କରାଇଥିଲେ । ତାପରେ ତିନିଜଣ ମିଶି ଟ୍ରେନ ଆଗକୁ ଡେଇଁଥିବା ଅନୁମାନ କରାଯାଉଛି ।