ବ୍ରହ୍ମପୁର: ଜରଡ଼ା ଥାନା ଚୁଡ଼ିଆଲାଞ୍ଜି ଗାଁରେ ଏକ ଘରେ ମାଆ ଓ ପୁଅକୁ  ହତ୍ୟା ଘଟଣାରେ ପୁଲିସକୁ ମିଳିଛି ସଫଳତା। ଘଟଣାରେ ଦୁଇ ଜଣ ଅଭିଯୁକ୍ତଙ୍କୁ ପୋଲିସ ଗିରଫ କରିଛି। ଦୁଇ ଅଭିଯୁକ୍ତ  ହେଉଛନ୍ତି ଜି. ଦେବେନ୍ଦ୍ର ରେଡ୍ଡୀ ଓ ଡ଼ି. ଗୁନାମ୍ମା। ପରକୀୟା ପ୍ରୀତିରୁ ଏହି ହତ୍ୟାକାଣ୍ଡ ଘଟିଥିବା ପୋଲିସ କହିଛି। ଦୁଇ ମୃତକ  ହେଉଛନ୍ତି ଡି. ନୀଳାବେଣୀ ଏବଂ ତାଙ୍କ ୭ ବର୍ଷର ପୁଅ ଡି. ରୁଷି।

wp:heading {"level":4}

Also read- ବାରବାଟୀ ଷ୍ଟାଡିୟମର ହେବ ନବୀକରଣ, ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ

/wp:heading

ଡି. ନୀଳାବେଣୀଙ୍କ ସ୍ୱାମୀ ଡି. ମୋହନ ରେଡ୍ଡୀ ଥାନାରେ ଅଭିଯୋଗ କରିଥିଲେ ଯେ, ତାଙ୍କ ଭାଇ ବୋହୁଙ୍କ ସହ ଦେବେନ୍ଦ୍ରଙ୍କ ଅନୈତିକ ସମ୍ପର୍କ ଥିଲା। ଏହି ସମ୍ପର୍କକୁ ଡି ମୋହନ ରେଡ୍ଡୀଙ୍କ ସ୍ତ୍ରୀ ନୀଳବେଣୀ ବିରୋଧ କରିଥିଲେ। ଏହାକୁ ନେଇ ପରିବାର ସଦସ୍ୟଙ୍କ ମଧ୍ୟରେ ବିଶୃଙ୍ଖଳା ସହ ଅସନ୍ତୋଷ ଦେଖା ଦେଇଥିଲା। ଏହାପରେ ହତ୍ୟା କରିବା ନେଇ ଦେବେନ୍ଦ୍ର ଏବଂ ଡ଼ି. ଗୁନାମ୍ମା ରଚିଥିଲେ ଯୋଜନା। ଆଉ ଦୁଇ ଅଭିଯୁକ୍ତ  ଜି. ଦେବେନ୍ଦ୍ର ରେଡ୍ଡୀ ଓ ଡ଼ି. ଗୁନାମ୍ମା ମାଆ ଡି. ନୀଳାବେଣୀ ଏବଂ ତାଙ୍କ ୭ ବର୍ଷର ପୁଅ ଡି. ରୁଷିକୁ ହତ୍ୟା କରିଥିବା ବ୍ରହ୍ମପୁର ଏସପି କହିଛନ୍ତି।