ଦେବଗଡ: ପୁଅ ବାହାଘର ପାଇଁ କାର୍ଡ ଧରି ନିମନ୍ତ୍ରଣ କରିବାକୁ ଯାଉଥିବା ବେଳେ ଦୁର୍ଘଟଣାରେ ମାଆର ଜୀବନ ଚାଲିଗଲା। ରବିବାର  ୪୯ ନମ୍ବର ଜାତୀୟ ରାଜପଥର କଂସର ଛକ ନିକଟରେ ମଟରସାଇକଲ ଦୁର୍ଘଟଣାରେ ଜଣେ ମହିଳାଙ୍କ  ମୃତ୍ୟୁ ଘଟିଥିବା ବେଳେ ପୁଅ ଆହତ ହୋଇଛନ୍ତି। ମୃତକ ହେଲେ ସମ୍ବଲପୁର ଜିଲ୍ଲା କୁଚିଣ୍ଡା ଥାନା ଅନ୍ତର୍ଗତ ପୁଡାପଡା ଗ୍ରାମର ସୌରେନ୍ଦ୍ରୀ ଭଇଁଷା।

ସୂଚନା ଅନୁଯାୟୀ, ମୃତ ସୌରେନ୍ଦ୍ରୀ  ବଡ ପୁଅ ବାହାଘର କାର୍ଡ ବାଣ୍ଟିବା ପାଇଁ ସାନ ପୁଅ ବାଳକୃଷ୍ଣ ଭଇଁଷାଙ୍କ  ସହ ମଟରସାଇକଲ ଯୋଗେ ଯାଉଥିବା ବେଳେ ଏହି  ଦୁର୍ଘଟଣା ଘଟିଛି । ଦେବଗଡ ଜିଲ୍ଲା ୪୯ ନମ୍ବର ଜାତୀୟ ରାଜପଥର କଂସର ଛକ ନିକଟରେ ଗାଡ଼ି ସାମନାକୁ ଏକ ବଳଦ ଚାଲିଆସିବାରୁ ଭାରସାମ୍ୟ ହରାଇ ସେମାନେ  ବଳଦ ସହ ଧକ୍କା ହୋଇ ଦୁର୍ଘଟଣା ଘଟିଥିଲା। ଦୁର୍ଘଟଣାପରେ ସୌରେନ୍ଦ୍ରୀଙ୍କୁ ଦେବଗଡ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି  କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେହିପରି ଦୁର୍ଘଟଣାରେ ପୁଅ ବାଳକୃଷ୍ଣ ଆହତ ହୋଇଛନ୍ତି।