ତେଲକୋଇ ୧୪।୮: ପିଶାଚିନୀ ମା’ର ଉନ୍ମତକାଣ୍ଡ । ମାସକର ଶିଶୁପୁତ୍ରକୁ ଟାଙ୍ଗିଆରେ ହାଣି ଗଣ୍ଡିରୁ ମୁଣ୍ଡ ଅଲଗା କଲା । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ତେଲକୋଇ ଥାନା ଅନ୍ତର୍ଗତ ବିମଳା ପଞ୍ଚାୟତ ନମକାନି ଗାଁ ପୁରୁଣାପାଣି ସାହିରେ ।
ସୂଚନାଯୋଗ୍ୟ ଯେ, ଗାଁର ଗୁରୁ ଜୁଆଙ୍ଗଙ୍କ ସ୍ତ୍ରୀ ଲକ୍ଷ୍ମୀ ଜୁଆଙ୍ଗ ସୋମବାର ଦିନ ୧୨ଟା ବେଳକୁ ସ୍ବାମୀ ଗୁରୁ ଘର ଭିତରେ ଶୋଇଥିବା ବେଳେ ଲକ୍ଷ୍ମୀ ନିଜେ ସିନ୍ଦୂର ଲଗାଇବା ସହ ମାସକର ଶିଶୁପୁତ୍ରକୁ ମଧ୍ୟ ସିନ୍ଦୁର ଲଗାଇ ଦେଇଥିଲା । ପରେ ଘର ଭିତରେ ଶୋଇଥିବା ସ୍ବାମୀ ଗୁରୁଙ୍କୁ ବାହାର ପଟୁ ଶିକୁଳି ଲଗେଇ ଦେଇଥିଲା । ଏକ ଟାଙ୍ଗିଆ ସାହାଯ୍ୟରେ ଶିଶୁପୁତ୍ରକୁ ହାଣି ଗଣ୍ଡିରୁ ମୁଣ୍ଡ ଅଲଗା କରିଦେଇଥିଲା । ଏ ଘଟଣାକୁ ସ୍ବାମୀ ଘର ଭିତରୁ ଦେଖି ଡରିଯାଇ ଘର ଉପରପଟ ଦେଇ ଘରୁ ବାହାରି ଯାଇଥିଲେ । ଘଟଣା ସମ୍ପର୍କରେ ପୋଲିସକୁ ଜଣାଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଅଭଯୁକ୍ତକୁ ଅଟକ ରଖି ତଦନ୍ତ ଜାରି ରଖିଛି ।
ପୂର୍ବରୁ ଲକ୍ଷ୍ମୀ ନିଜ ୧୦ ବର୍ଷର ଝିଅକୁ ମଧ୍ୟ ବାପଘରକୁ ଡାକି ନେଇ ହତ୍ୟା କରିଥିବା ପରିବାର ଲୋକ ପ୍ରକାଶ କରିଥିଲେ । ସଂପୃକ୍ତ ଘଟଣାରେ ଲକ୍ଷ୍ମୀ ବେଲ୍ରେ ଆସିଥିଲେ ।
You Can Read :
