ନୂଆଦିଲ୍ଲୀ: ଯୁଦ୍ଧ ସ୍ଥିତି ପରେ ଏବେ ଆଫଗାନିସ୍ତାନ ଉପରେ ବଡ଼ ବିପତ୍ତି। ଦେଶରେ ଶୁକ୍ରବାର ଠାରୁ ଲାଗି ରହିଥିବା ବର୍ଷା ଫଳରେ ଏବେ ଏଠାରେ ଉପୁଜିଛି ବନ୍ୟା ସ୍ଥିତି। ଯାହା ଏବେ ଖୁବ୍ ଜଟିଳ ହୋଇଛି। ବନ୍ୟା ଯୋଗୁଁ ବିଭିନ୍ନ ଅଞ୍ଚଳରେ ଘର, ରାସ୍ତା, ଚାଷଜମି ଇତ୍ୟାଦି କ୍ଷତିଗ୍ରସ୍ତ ହୋଇଛି। ସବୁଠୁ ଅଧିକ ପ୍ରଭାବିତ ହୋଇଛି ଆଫଗାନିସ୍ତାନର ଘୋର୍, ବଗଲାନ, ହେରାତ ଭଳି ପ୍ରାନ୍ତୀୟ ଅଞ୍ଚଳ।
ରିପୋର୍ଟ ଅନୁଯାୟୀ ଏପର୍ଯ୍ୟନ୍ତ ବନ୍ୟାରେ ଯୋଗୁଁ ୩୦୦ ଜଣକ ମୃତ୍ୟୁ ହେଲାଣି। ଗଣମାଧ୍ୟମର ରିପୋର୍ଟ ଅନୁଯାୟୀ, ବନ୍ୟାରେ ବଗଲାନ କ୍ଷେତ୍ରର ପାଞ୍ଚଟି ଜିଲ୍ଲା ଗୁରୁତର ଭାବରେ ପ୍ରଭାବିତ ହୋଇଛି। ଏହି ବନ୍ୟା ଫଳରେ ଏକ ହଜାରରୁ ଅଧିକ ଘର, ହଜାରରୁ ଅଧିକ ହେକ୍ଟର ଚାଷ ଜମି ନଷ୍ଟ ହୋଇଯାଇଛି। ବନ୍ୟା ଫଳରେ ଅନେକ ପଶୁଜନ୍ତୁଙ୍କ ମଧ୍ୟ ମୃତ୍ୟୁ ହୋଇଛି।
ଆହୁରି ପଢ଼ନ୍ତୁ: ବଢ଼ିଲା ନେତାନ୍ୟାହୁଙ୍କ ଟେନସନ୍ ! ପାଲେଷ୍ଟାଇନ୍ ପାଇଁ ଅନ୍ତର୍ଜାତୀୟ ଅଦାଲତ ଯିବ ଇଜିପ୍ଟ
ଅବଶ୍ୟ ଅନେକ ଅନ୍ତର୍ଜତୀୟ ସଂସ୍ଥା ଏବଂ ସଂଗଠନ ପ୍ରଭାବିତ ଅଞ୍ଚଳରେ ରିଲିଫ୍ ସାମଗ୍ରୀ ଯୋଗାଉଛନ୍ତି। ତଥାପି ବନ୍ୟା ପ୍ରଭାବିତ ଅଞ୍ଚଳରେ ସାହାଯ୍ୟ ପାଇଁ ଟ୍ରକ୍ ଯୋଗେ ସାମଗ୍ରୀ ପହଞ୍ଚାଇବାରେ ଅସୁବିଧା ଉପୁଜିଛି।ଶନିବାର ଇସଲାମିକ ସହଯୋଗ ସଂଗଠନ ସଦସ୍ୟ ଦେଶ ଏବଂ ବିଶ୍ବର ଅନ୍ୟ ଦେଶଙ୍କ ଠାରୁ ଆଫଗାନିସ୍ତାନରେ ବନ୍ୟାରେ ପ୍ରଭାବିତ ପୀଡ଼ିତଙ୍କୁ ତୁରନ୍ତ ସାହାଯ୍ୟ ପାଇଁ ଆଗ୍ରହ ପ୍ରକାଶ କରିଛନ୍ତି। ଏହା ବ୍ୟତୀତ ଆଫଗାନିସ୍ତାନର ପୂର୍ବତନ ରାଷ୍ଟ୍ରପତି ହାମିଦ କରଜଈ ମଧ୍ୟ ହଠାତ୍ ଆସିଥବା ବନ୍ୟା ଦ୍ବାରା ପ୍ରଭାବିତ ପୀଡ଼ିତଙ୍କ ପାଇଁ ମାନବୀୟ ସହାୟତା ମାଗିଛନ୍ତି।
