ଭୁବନେଶ୍ୱର ୧୨/୦୯: ନିଅଣ୍ଟିଆ ଭରଣା ହେବ ସେପ୍ଟେମ୍ବରରେ । ଏପରିକି ସ୍ୱାଭାବିକ୍ ଠାରୁ ବି ଅଧିକ ବର୍ଷିବ । ଏପରି ପୂର୍ବାନୁମାନ କରିଛି ଆଞ୍ଚଳିକ ପାଣିପାଗ ବିଗ୍ୟାନ କେନ୍ଦ୍ର । ୬ ଜିଲ୍ଲାକୁ ଅତି ପ୍ରବଳ ବର୍ଷା ହେବା ନେଇ ରେଡ ଆଲର୍ଟ ଜାରି କରିଛି । ମାଲକାନଗିରି, କୋରାପୁଟ, ନବରଙ୍ଗୁପର, ବଲାଙ୍ଗୀର, କନ୍ଧମାଳ ଓ କଳାହାଂଡ଼ିକୁ ରେଡ଼୍ ଆଲର୍ଟ ଜାରି କରାଯାଇଛି ।
ଆଗାମୀ ୨୪ ଘଣ୍ଟା ପାଇଁ ଏହି ଆଲର୍ଟ ଜାରି କରାଯାଇଛି । ଏହାଛଡ଼ା ରାଜ୍ୟ ସାରା ହାଲୁକାରୁ ମଧ୍ୟମ ଧରଣର ବର୍ଷା ହେବା ସମ୍ଭାବନା ରହିଥିବା ପାଣିପାଗ ବିଜ୍ଞାନ କେନ୍ଦ୍ର କହିଛି । ଏହି ଜିଲା ଗୁଡ଼ିକ ବ୍ୟତିତ ନୂଆପଡ଼ା, ସୋନପୁର, ବୌଦ୍ଧ, ନୟାଗଡ଼, ଖୋର୍ଧା, ପୁରୀ, ଗଞ୍ଜାମ, ଗଜପତି ଓ ରାୟଗଡ଼ା ଜିଲାକୁ ଅରେଞ୍ଜ ଓ ୱାର୍ଣ୍ଣିଂ ଜାରି କରାଯାଇଛି ।
ସେହିପରି ୧୪ ତାରିଖ ପାଇଁ କଟକ, ଢେଙ୍କାନାଳ, ଅନୂଗୁଳ, ନୟାଗଡ଼, ବୌଦ୍ଦ, ସୋନପୁର, କନ୍ଧମାଳ ଓ ଗଞ୍ଜାମ ଜିଲାକୁ ରେଡ଼ ୱାର୍ଣ୍ଣିଂ ଦେଇଛି ପାଣି ପାଗ ବିଜ୍ଞାନ କେନ୍ଦ୍ର । କିଛି କିଛି ସ୍ଥାନରେ ଅତି ପ୍ରବଳ ବର୍ଷା ହେବ । ରେଡ଼ ବ୍ବପାର୍ଣୀଙ୍ଗ ଦିଆଯାଇଥିବା ଜିଲା ଗୁଡ଼ିକରେ ୨ ଶହ ମିଲିମିଟରରୁ ଅଧିକ ବର୍ଷା ହେବାର ସମ୍ଭାବନା ରହିଛି ।
ଫ୍ଲାସ ଫ୍ଲଡ଼, ଭୂସ୍ଖଳନ, ନଦୀରେ ହଠାତ ବନ୍ୟା ଆସିବା ସମ୍ଭାବନା ରହିଛି । ବିଲରେ ପାଣି ଜମିବା, ତଳୁଆ ଅଞ୍ଚଳରେ ପାଣି ଜମିବା ସ୍ଥିତି ବି ଉପୁଜିପାରେ ବୋଲି ସୂଚନା ଦେଇଛି ପାଣିପାଗ ବିଜ୍ଞାନ କେନ୍ଦ୍ର । କୃଷି ପାଇଁ ଅନୂକୂଳ ରହିଛି ପାଣିପାଗ ବୋଲି କହିଛନ୍ତି କୃଷି ବିଶେଷଜ୍ଞ । ଅଗଷ୍ଟ ଭଳି ଡ଼୍ରାଏ ରହିବନି ସେପ୍ଟେମ୍ବର । ଏବେ ରବି ଫସଲ ପାଇଁ ପାଗ ବଢିଆ ହେଲାଣି ବୋଲି କହିଛନ୍ତି ।
ଅଗଷ୍ଟ ତୂଳନରେ ସେପ୍ଟେମ୍ବରେ ଭଲ ବର୍ଷା ହେବ ବୋଲି କହିଛନ୍ତି । ସେପଟେ ଜୁନ୍ ୧ ରୁ ୧୨ ସେପ୍ଟେମ୍ବର ଯାଏ ୧୦୨୮.୨ ମିମି ବର୍ଷା ହେବା କଥା କିନ୍ତୁ ୯୦୪.୫ ମିମି ବର୍ଷା ରେକର୍ଡ଼ କରାଯାଇଛି । ସାରା ରାଜ୍ୟରେ ୧୨ ପ୍ରତିଶତ କମ୍ ବର୍ଷା ରେକର୍ଡ଼ କରାଯାଇଛି । ୧୦ ଟି ଜିଲାରେ ନିଅଣ୍ଟିଆ ବର୍ଷା ରେକର୍ଡ଼ କରାଯାଇଥିବା ବେଳେ ୨୦ ଟି ଜିଲାରେ ସ୍ୱାଭାବିକ୍ ବର୍ଷା ରେକର୍ଡ଼ ହୋଇଛି ।
ସୋମବାର ଘୂର୍ଣ୍ଣିବଳୟ ଆଜି କେନ୍ଦ୍ରୀୟ ବଙ୍ଗୋପ ସାଗର ପାଶ୍ୱବର୍ତ୍ତୀ ଉତ୍ତର ବଙ୍ଗୋପସାଗର ଅଞ୍ଚଳରେ ସକ୍ରୀୟ ରହିଛି । ଏହା ପ୍ରଭାବରେ ଆଗାମୀ ୨୪ ଘଣ୍ଟା ମଧ୍ୟରେ ଉତ୍ତର-ପଶ୍ଚିମ-ପାର୍ଶ୍ବବର୍ତୀ କେନ୍ଦ୍ରୀୟ ବଙ୍ଗୋପ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ବୋଲି ଆଞ୍ଚଳିକ ପାଣିପାଗ ବିଗ୍ୟାନ କେନ୍ଦ୍ର କହିଛି । ସେହିପରି ଗତ ୨୪ ଘଣ୍ଟାରେ କୋରାପୁଟ ଜିଲ୍ଲାର ସେମିଳିଗୁଡା ଠାରେ ୨୦୮ମିମି ବର୍ଷା ରେକର୍ଡ କରାଯାଇଥିବା ବେଳେ ଜୟପୁରରେ ୧୬୧.୭ ମିମି, ପାପଡାହାଣ୍ଡି (ନବରଙ୍ଗପୁର)୧୪୬ମିମି, କୋରାପୁଟ ସହର ରେ ୧୦୧ ମିମି ରେକର୍ଡ କରାଯାଇଛି।
you can also read...
wp:embed {"url":"https://www.prameyanews7.com/century-low-monsoon-hits-kharif-sowing-pulses-register-sharp-fall-in-2023/","type":"wp-embed","providerNameSlug":"prameya-news-7"}