ନୂଆଦିଲ୍ଲୀ ୨୭/୦୫: ତାତିରୁ ମିଳିବ ତ୍ରାହି। ଖୁବ୍ଶୀଘ୍ର ଦେଶକୁ ଛୁଇଁବ ମୌସୁମୀ । ଆସନ୍ତା ୫ ଦିନ ଭିତରେ ମୌସୁମୀ ବାୟୁ କେରଳ ଛୁଇଁବ। ଦକ୍ଷିଣ-ପଶ୍ଚିମ ମୌସୁମୀ ବାୟୁ ଆଣ୍ଡାମାନ-ନିକୋବର ପହଞ୍ଚି ସାରିଛି । ଏହା ଆସନ୍ତା ମେ' ୩୧ କିମ୍ବା ଜୁନ୍ ୧ ତାରିଖରେ କେରଳ ଉପକୂଳ ଛୁଇଁବ ବୋଲି ଭାରତୀୟ ପାଣିପାଗ ବିଭାଗ ଆକଳନ କରିଛି।
The conditions are likely to become favorable for Monsoon onset over Kerala during next 5 days, says India Meteorological Department (IMD). pic.twitter.com/vTC5PYkv5e
— ANI (@ANI) May 27, 2024
ଆଇଏମ୍ଡିର ସୂଚନା ଅନୁଯାୟୀ, ସାଧାରଣତଃ ପ୍ରତିବର୍ଷ ପାଖାପାଖି ଜୁନ୍ ପହିଲା ଆଡକୁ ମୌସୁମୀ ବାୟୁ କେରଳ ପହଞ୍ଚିଥାଏ । ତା’ପରେ କର୍ଣ୍ଣାଟକ, ଆସାମ, ତ୍ରିପୁରା ଏବଂ ଗୋଆରେ ଏହା ଜୁନ୍ ୫ ସୁଦ୍ଧା ପ୍ରବେଶ କରିଥାଏ । ଜୁନ୍ ୧୦ ସୁଦ୍ଧା ମୌସୁମୀ ବାୟୁ ତେଲେଙ୍ଗାନା, ସିକ୍କିମ୍ ଏବଂ ମହାରାଷ୍ଟ୍ରରେ ଏଣ୍ଟ୍ରି କରେ।