ନୂଆଦିଲ୍ଲୀ: ପାଖରେ ପଇସା ଥିଲେ ସବୁ ସମ୍ଭବ । ଟଙ୍କା ଦେଇ କିଛି ବି କିଣି ହେବ। କ’ଣ ଟଙ୍କା ଦେଇ ଖୁସି କିଣି ହେବ? ଯଦି ହଁ, ତେବେ ଏଥିପାଇଁ ଜଣେ ବ୍ୟକ୍ତିଙ୍କୁ କେତେ ଟଙ୍କା ଖର୍ଚ୍ଚ କରିବାକୁ ପଡ଼ିବ । କିଛି ଲୋକଙ୍କ ମତରେ ପଇସା ଦେଇ ସୁଖ କିଣିବା ଅସମ୍ଭବ । ଏହି ଯୁକ୍ତିକୁ ନେଇ ନୋବେଲ ପୁରସ୍କାର ବିଜେତା ତଥା ଅର୍ଥଶାସ୍ତ୍ରୀ ଭିନ୍ନ ମତ ଦେଇଛନ୍ତି ।

ଡାନିଏଲ୍ କାହ୍ନମ୍ୟାନ କହିଛନ୍ତି, ପଇସା ସହିତ ଖୁସିର ସିଧା ସମ୍ପର୍କ ରହିଛି । ଟଙ୍କା ମାଧ୍ୟମରେ ଖୁସି କିଣା ଯାଇପାରିବ । ଯେଉଁ ଯେଉଁ ବ୍ୟକ୍ତିଙ୍କ ଆୟ ବୃଦ୍ଧି ପାଇଥାଏ, ସେମାନଙ୍କ ସୁଖ କରିବାର ସମୟ ମଧ୍ୟ ବଢ଼ିଥାଏ । ଜଣେ ବ୍ୟକ୍ତିଙ୍କ ବାର୍ଷିକ ଆୟ ୮୨ ଲକ୍ଷରୁ ଅଧିକ ହେଲେ ତାଙ୍କ ଜୀବନରେ ଖୁସିର ସମୟ ସୀମା ମଧ୍ୟ ଧୀରେ ଧୀରେ ବୃଦ୍ଧି ପାଇଥାଏ ।

କାହ୍ନମ୍ୟାନଙ୍କ ବର୍ତ୍ତମାନର ଗବେଷଣା ଏବଂ ତାଙ୍କ ୨୦୧୦ ଗବେଷଣା ମଧ୍ୟରେ ଅନେକ ପାର୍ଥକ୍ୟ ରହିଛି । ୨୦୧୦ କାହ୍ନମ୍ୟାନ ନିଜ ରିସର୍ଚ୍ଚରେ କହିଥିଲେ, ସୁଖ ବଢ଼ିବାରେ ଟଙ୍କାର ମାତ୍ର ସୀମିତ ଭୂମିକା ରହିଥାଏ। ଓ୍ବାଶିଂଟନର ଏକ ରିପୋର୍ଟ ଅନୁଯାୟୀ, ଡାନିଏଲ୍ କାହ୍ନମ୍ୟାନ ଏବଂ ପ୍ରେସିଡେନ୍ସି ବିଶ୍ବ ବିଦ୍ୟାଳୟର ମାଥ୍ୟୁ କିଲିଂଗସବାର୍ଥଙ୍କ ଦ୍ବାରା ହୋଇଥିବା ଷ୍ଟଡି ରିପୋର୍ଟରେ ପ୍ରକାଶ ପାଇଥିଲା । ଡାନିଏଲ୍ ଓ ମାଥ୍ୟୁ ଏହି ଗବେଷଣାରେ କହିଥିଲେ, ୧୮ରୁ ୬୫ ବୟସ୍କ ୩୩ହଜାର ୩୯୧ ଆମେରିକା ନାଗରିକ ସାମିଲ ହୋଇଛନ୍ତି। ଏମାନେ ବର୍ଷିକ  ୧୦ ହଜାର ଆମେରିକୀୟ ଡଲାର ପର୍ଯ୍ୟନ୍ତ ରୋଜଗାର କରୁଛନ୍ତି । ଏମାନଙ୍କ ଖୁସିକୁ ନେଇ ପ୍ରତିକ୍ରିୟା ମଧ୍ୟ ରହିଛି ।  

ଆୟ ବଢ଼ିଲେ ସୁଖ ବଢ଼ିଥାଏ,

କାହ୍ନମ୍ୟାନ ଗବେଷଣା ରିପୋର୍ଟ ଅନୁଯାୟୀ, ଲୋକଙ୍କ ଆୟ ବଢ଼ିଲେ ଖୁସି ମଧ୍ୟ ବୃଦ୍ଧି ପାଇଥାଏ । ବର୍ଷକୁ ଆୟ ଯଦି ୫୦ ହଜାର ଡଲାର ପାର୍ ହୋଇଥାଏ, ତେବେ ଲୋକେ ଖୁବ୍ ଆନନ୍ଦିତ ହୋଇଥାନ୍ତି । ଡାନିଏଲ୍ ଓ ମାଥ୍ୟୁଙ୍କ ରିପୋର୍ଟ ମୁତାବକ, ଖୁସିର ଅନେକ କାରକ ରହିଛି । ଏଥି ମଧ୍ୟରୁ ଟଙ୍କା ଅନ୍ୟତମ । ପଇସାକୁ ନେଇ କୌଣସି ସିକ୍ରେଟ୍ ନଥାଏ । ହେଲେ ମଣିଷ ଜୀବନରେ ସୁଖକୁ ବୃ଼ଦ୍ଧି କରିବାରେ ଯୋଗଦାନ ଦେଇଥାଏ।