Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ପୋଲିସକୁ ମାଓବାଦୀଙ୍କ ଖୋଲା ଚ୍ୟାଲେଞ୍ଜ, ସକାଳେ ମୃତ୍ୟୁଦଣ୍ଡ ଓ ସନ୍ଧ୍ୟାରେ ଜାଳିଦେଲେ ଜେସିବି-ଟ୍ରାକ୍ଟର

25/10/2022 at 8:07 AM

ବାଲିଗୁଡା ୨୫/୧୦: କନ୍ଧମାଳ ଜିଲ୍ଲା ବାଲିଗୁଡା ଥାନା ଅନ୍ତର୍ଗତ ସୁଡ୍ରା ନିକଟ ଜଙ୍ଗଲରେ ଜଣେ ମହିଳା ମାଓବାଦୀର ମୃତ୍ୟୁ ହେବା ଦଶ ଦିନ ନପୂରୁଣୁ ମାଓବାଦୀ ମାନେ ପୋଲିସକୁ ଚାଲେଞ୍ଜ ଦେଇଛନ୍ତି । ଏବେ ରକ୍ତ ମୁଖା ଲାଲବାହିନୀ ।

ପୋଲିସ ଇନଫର୍ମର ସନ୍ଦେହରେ ବାଲିଗୁଡା ଥାନା ଟିକରବାଜୁ ଗ୍ରାମର ନୀଳକଣ୍ଠ ନାମକ ଜଣେ ବ୍ୟକ୍ତିଙ୍କୁ ନିର୍ମମ ଭାବେ ହତ୍ୟା କରିବା ପରେ ସନ୍ଧ୍ୟାରେ ଜାର୍ଗୀ ନିକଟରେ ଠିକା ସଂସ୍ଥା କରୁଥିବା ରାସ୍ତା କାମକୁ ବିରୋଧ କରିଛନ୍ତି । ଫଳରେ ଗୋଟିଏ ଜେସିବି ଏବଂ ଗୋଟିଏ ଟ୍ରାକ୍ଟର ପୋଡି ଦେଇଛନ୍ତି । ସନ୍ଧ୍ୟା ପ୍ରାୟ ଛଅଟା ତିରିଶି ମିନିଟ ବେଳେ ଠିକା ସଂସ୍ଥାର କର୍ମଚାରୀଙ୍କୁ ବାହାରି ଯିବାକୁ କହି ପୋଡାଜଳା କରିଛନ୍ତି ।

ଏହାସହ ଘଟଣାସ୍ଥଳରେ ଛାଡି ଚାଲିଯାଇଛନ୍ତି ପୋଷ୍ଟର । ସେଥିରେ ଅନ୍ୟ ପୋଲିସ ଇନଫର୍ମର ମାନଙ୍କୁ ମଧ୍ୟ ଚେତାବନୀ ଦିଆଯାଇଛି । ସୁଡ୍ରା ଗାଁର ଠିକାଦାର, ପଟାଙ୍ଗୀ ଗାଁ ମୁଖିଆଙ୍କ ସହ ବିଭିନ୍ନ ଗାଁର ଲୋକମାନଙ୍କୁ ପୋଲିସ ସୂଚନାଦାତା ଭାବେ କାମ କରୁଛି । ଏହାକୁ ବିରୋଧ କରି ପୋଷ୍ଟର ବ୍ୟାନର ମାଧ୍ୟମରେ ଚେତାବନୀ ଦେଇଛନ୍ତି ମାଓବାଦୀ ।

ଖୁବ ଶୀଘ୍ର ପୋଲିସର ସୂଚନା ଦାତା କାମ ଛାଡ଼ିଦେବାକୁ ଦିଆଯାଇଛି ସତର୍କବାଣୀ । ଭାରତୀୟ କମ୍ୟୁନିଷ୍ଟ ପାର୍ଟୀ କେକେବିଏନ ଡିଭିଜନ ପୋଲିସ ଇନଫର୍ମର ହତ୍ୟା କରିଥିବା ଉଲ୍ଲେଖ ରହିଛି । ତେବେ ଏହି ପୋଷ୍ଟର ଲଗାଯିବା ପରେ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି ।

   Related Posts