suno sunao
Hari omm 2
hari om films
suno sunao new
HARI-OMM_728X90_B
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଜାତୀୟ ଚାନେଲର ସର୍ଭେରେ ଉତ୍ସାହିତ ବିଜେପି କହିଲା ପୁରୀରୁ ଲଢ଼ି ପାରନ୍ତି ନରେନ୍ଦ୍ର ମୋଦି

5/10/2018 at 4:45 PM

ଭୁବନେଶ୍ୱର ୫/୧୦ : ଜାତୀୟ ନ୍ୟୁଜ ଚାନେଲ ଏବିପି ପକ୍ଷରୁ ୨୦୧୯ ନିର୍ବାଚନର ରୂପ ରେଖ ସମ୍ପର୍କରେ କରାଯାଇଥିବା ସର୍ଭେ ବିଜେପି ସପକ୍ଷରେ ଯାଇଛି | ୫୪୩ ଟି ଲୋକସଭା ଆସନରୁ ବିଜେପିକୁ ୨୭୬ ଟି ଆସନ ମିଳିବ ବୋଲି ସର୍ଭେ କହିଛି | ସେହିଭଳି ରାଜ୍ୟରେ ଥିବା ୨୧ଟି ଲୋକସଭା ଆସନ ଭିତରୁ ବିଜେପି ୧୩ ଟି ବିଜୟୀ ହେବ ସମ୍ଭାବନା ଥିବା ବେଳେ ବିଜେଡି ୬ଟି ଏବଂ କଂଗ୍ରେସ ୨ଟି ରେ ଜିତିବା ସମ୍ଭାବନା ରହିଥିବା ସର୍ଭେ ସୂଚେଇଚି | ସେହିଭଳି ଭୋଟ ସେରିଙ୍ଗ ମଧ୍ୟ ବିଜେପିର ବୃଦ୍ଧି ଘଟିବ ବୋଲି ସର୍ଭେରେ କୁହାଯାଇଛି | ବିଜେପିର ଭୋଟ ସେରିଙ୍ଗ ୩୯.୬ ପ୍ରତିଶତ କୁ ବୃଦ୍ଧି ପାଇବା ବୋଲି ଆକଳନ କରାଯାଇଥିବା ବେଳେ ବିଜେଡି ୩୧.୬ ପ୍ରତିଶତ ଏବଂ କଂଗ୍ରେସ ୨୩.୫ ପ୍ରତିଶତ ଭୋଟ ପାଇବ ବୋଲି କହିଛି | ବିଜେପି ସପକ୍ଷରେ ସର୍ଭେରୁ ମିଳିଥିବା ଗୋଲାପୀ ଚିତ୍ରରେ ରାଜ୍ୟ ବିଜେପି ଉତ୍ସାହିତ ହୋଇପଡିଛି | ରାଜ୍ୟ ବିଜେପି ସଭାପତି ବସନ୍ତ ପଣ୍ଡା କହିଛନ୍ତି ଯେ, ରାଜ୍ୟରେ ସର୍ଭେର ଆକଳନ ଠାରୁ ବିଜେପି ଆହୁରି ଅଧିକ ଆସନରେ ବିଜୟୀ ହେବ | କେବଳ ସେତିକି ନୁହେଁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓଡିଶାରୁ ପ୍ରାର୍ଥୀ ହେବା ଅଧିକ ସମ୍ଭାବନା ରହିଛି | ଯଦି ଏହା ହୁଏ ତାହେଲେ ବିଜେପି ସମ୍ପୂର୍ଣ ଆସନ ପୋଛି ନେବ | କାରଣ ଓଡିଶାରେ ନରେନ୍ଦ୍ର ମୋଦିଙ୍କ ଗ୍ରହଣୀୟତା ଯଥେଷ୍ଟ ବୃଦ୍ଧି ପାଇଛି | ଲଢେଇ ମୋଦି ଓ ନବୀନଙ୍କ ମଧ୍ୟରେ ସିଧାସଳଖ ହେବ |

ସୂଚନାଯୋଗ୍ୟ ଯେ, ୨୦୧୪ ଲୋକସଭା ନିର୍ବାଚନରେ ରାଜ୍ୟର ୨୧ଟି ଆସନ ମଧ୍ୟରୁ ବିଜେଡି ୨୦ ଟି ଆସନରେ ବିଜୟୀ ହୋଇଥିଲା | ବିଜେପିକୁ ମାତ୍ର ଗୋଟିଏ ଆସନ ମିଳିଥିଲା | ତେବେ ଗତ ୫ ବର୍ଷ ମଧ୍ୟରେ କେନ୍ଦ୍ରରେ କ୍ଷମତାସୀନ ବିଜେପି ସରକାରଙ୍କର ସଫଳତା ଯୋଗୁଁ ବିଜେପି ପ୍ରତି ଲୋକଙ୍କର ଆସ୍ଥା ବଢିଛି | ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଲୋକପ୍ରିୟତା ବୃଦ୍ଧି ପାଇଛି | ସର୍ବୋପରି ରାଜ୍ୟରେ ବିଜେପିର ସଂଗଠନ ମଜବୁତ ହେବ ସହ ସକ୍ରିୟ ହୋଇଛି | ତେଣୁ ବିଜେପିକୁ ଆଶାତୀତ ସଫଳତା ମିଳିବ ବୋଲି ସର୍ଭେରେ ଆକଳନ କରାଯାଇଛି |

   Related Posts